Tarzan

De Wikipedia
(Redirixío dende Tarzán)
Saltar a navegación Saltar a la gueta
Tarzan
Personaxe de Serie Tarzán Traducir y Tarzan and the Lion Man Traducir
Tarzan All Story.jpg
Creador/a/es Edgar Rice Burroughs
Información
Sexu masculín
Ocupación aventureru, cazador, xefe tribal, trapper Traducir y pescador
Cónxugue Jane Porter
Fíos Korak Traducir
Nacionalidá Reinu Xuníu
[editar datos en Wikidata]
Ilustración de de Fred J. Arting (1914).

Tarzan ye un personaxe creáu por Edgar Rice Burroughs, qu'apaeció per primer vez na novela Tarzan of the Apes (publicada en revista en 1912 y en llibru en 1914) a la que-y siguieron darréu otros venticinco títulos. Tarzan ye'l cuartu personaxe de ficción adautáu más vegaes al cine, depués de Sherlock Holmes, Drácula y el monstruu de Frankenstein, yá que perpasa los 100 llargometraxes, el primeru Tarzan of the Apes rodáu en 1918.

La historia de Tarzan[editar | editar la fonte]

Tarzán ye'l fíu güérfanu d'una pareya inglesa aristocrática abandonaos n'África a finales del sieglu XIX. Depués de les sus muertes, Tarzán ye adoptáu y educáu por una banda de monos a los que Burroughs llama "mangani", una especie non conocía pola ciencia, pero con carauterístiques de goriles, chimpancés y los primeros homínidos, incluyendo una forma de llinguaxe primitiva. "Tarzán" significa "piel blanca" en llingua manganí. El so nome inglés ye John Clayton III, Lord de Greystoke.

La educación que recibió dio-y habilidaes físiques considerablemente superiores a les de los meyores atletes "civilizaos", pero tamién heredó un gran nivel d'habilidá mental. Aprendió solu a lleer, utilizando llibros con imáxenes dexaos por so padre y so madre, y alloñándose de la versión de falante inarticuláu popularizada nes películes.

Él sólo vuelve a tener contautu colos humanos nuevamente una vez que yá ye mayor. Nesta dómina visita'l mundu civilizáu, pero refúgalu y retorna a la selva. N'histories posteriores cuéntense otres aventures llevaes a cabu por él, descubriendo civilizaciones perdíes como la de la ciudá de Pellucidar.

La inspiración: los neños xabaces[editar | editar la fonte]

Tarzán ye la encarnación moderna de la vieya tradición lliteraria del "héroe criáu por animales". Otros exemplos son Mowgli d'"El llibru de la selva" y "El llibru de la selva 2" escritos por Rudyard Kipling y los fundadores lexendarios de Roma, Rómulo y Remo amamantaos por una lloba. La so historia sofítase nes teoríes non científiques del darvinismu social, que tuvieron la so dómina de gloria nel entamu del sieglu XX y qu'inspiraron la lliteratura popular d'esi tiempu como la de Jack London y Robert E. Howard.

Los cómics[editar | editar la fonte]

Les sos adaptaciones al cómic fueron bien populares. Dende'l 7 de xineru de 1929, Harold Foster asoleya les primeres histories y los dibuxantes que trabayaron nelles cuando ésti morrió'l 16 de marzu d'esi mesmu añu fueron ente otros Rex Maxon, William Juhré, Dan Barry, etc[1]. Ye Burne Hogarth el que llibrará los meyores episodios de 1936 a 1980.

Fueron munchos, tamién, los personaxes del mundu de los tebeos que s’inspiraron en Tarzán; por orden alfabéticu, los más conocíos son:

Tarzán como personaxe lliterariu[editar | editar la fonte]

Tarzán foi unu de los personaxes de mayor sonadía nel mundu lliterariu. Apaeció en películes, tebeos y programes de televisión. La mayoría de les películes de Hollywood con Tarzán dende la década de 1930 n'adelante, muéstrenlu col so compañeru, el chimpancé Chita. L'escritor de ciencia ficción Philip José Farmer escribió Tarzan Alive! (¡Tarzán vive!), una biografía de Tarzán utilizando l'argumentu de que yera una persona real. Tamién apaez como un personaxe menor nel llibru Lust, de Geoff Ryman.

Aunque los derechos de "Tarzán de los monos" son de dominiu públicu nos Estaos Xuníos tolos trabayos de Burroughs caltendránse baxo copyright na Xunión Europea hasta l'añu 2021, y el nome Tarzán ye una marca rexistrada.

Na ciudá de Tarzana, California Burroughs tenía so casa, y por eso la ciudá foi rebautizada en 1927 con esi nome nel so honor.

Llibros con Tarzán[editar | editar la fonte]

por Edgar Rice Burroughs[editar | editar la fonte]

  1. Tarzan of the Apes (1912)
  2. The Return of Tarzan (1913)
  3. The Beasts of Tarzan (1914)
  4. The Son of Tarzan (1915)
  5. Tarzan and the Jewels of Opar (1916)
  6. Jungle Tales of Tarzan (1916,1917)
  7. Tarzan the Untamed (1919,1921)
  8. Tarzan the Terrible (1921)
  9. Tarzan and the Golden Lion (1922,1923)
  10. Tarzan and the Ant Men (1924)
  11. Tarzan, Lord of the Jungle (1927,1928)
  12. Tarzan and the Lost Empire (1929)
  13. Tarzan at the Earth's Core (1930)
  14. Tarzan the Invincible (1930,1931)
  15. Tarzan Triumphant (1932)
  16. Tarzan and the City of Gold (1932)
  17. Tarzan and the Lion Man (1933,1934)
  18. Tarzan and the Leopard Men (1935)
  19. Tarzan's Quest (1935,1936)
  20. Tarzan and the Forbidden City (1938)
  21. Tarzan the Magnificent (1936,1937)
  22. Tarzan and the Foreign Legion (1947)
  23. Tarzan and the Madman (1964)
  24. Tarzan and the Castaways (1941,1940,1940)
  • Noveles pa la mocedá
    • Tarzan and the Tarzan Twins (1936,1963)

Por otros escritores[editar | editar la fonte]

  • Barton Werper
    1. Tarzan and the Silver Globe (1964)
    2. Tarzan and the Cave City (1964)
    3. Tarzan and the Snake People (1964)
    4. Tarzan and the Abominable Snowmen (1965)
    5. Tarzan and the Winged Invaders (1965)

Les noveles d'esti autor nunca fueron autorizaes por ERB, Inc. Fueron sacaes de circulación y les copies que quedaben fueron destruyíes.

Actores que dieron vida a Tarzán[editar | editar la fonte]

Buster Crabbe, Tarzan the Fearless, 1933.

Películes[editar | editar la fonte]

TV[editar | editar la fonte]

Enllaces esternos[editar | editar la fonte]

Notes[editar | editar la fonte]

  1. Gaumer, Patrick; Moliterni, Claude: Diccionario del Cómic. Px. 299. Larousse - Planeta. Barcelona, 1996