Gamma Pegasi

De Wikipedia
Saltar a: navegación, buscar
Gamma Pegasi
Gamma Pegasi (Algenib)
Constelación Pegasu
Ascensión reuta α 00h 13min 14,15s
Declinación δ +15º 11’ 00,9’’
Distancia 333 años lluz
Magnitú visual +2,83
Magnitú absoluta -2,22
Lluminosidá 4000 soles (bolométrica)
Temperatura 21.500 K
Masa 7 soles (aprox)
Radiu 4,5 soles
Tipu espectral B2IV
Velocidá radial +4,1 km/s

Gamma Pegasi (γ Pegasi / γ Peg / 88 Pegasi) ye la cuarta estrella más brillosa de la constelación de Pegasu con magnitú aparente +2,83. Dientro de la constelación ye superada en rellumu por Enif (ε Pegasi), Scheat (β Pegasi) y Markab (α Pegasi), siendo una de los cuatro estrelles que formen el asterismo del cuadrante de Pegasu. Recibe'l nome tradicional de Algenib, del árabe الجنب al-janb o الجانب al-jānib («la banda»), nome que puede inducir a erru yá que tamién ye utilizáu pa designar a la estrella α Persei.

Gamma Pegasi ye una estrella subxigante azul de tipu espectral B2IV asitiada a 333 años lluz del Sistema Solar. Con una temperatura superficial de 21.500 K, el so radiu ye 4,5 vegaes mayor qu'el radiu solar. Considerando una significativa cantidá d'enerxía emitida como radiación ultravioleta, la so lluminosidá equival a 4000 soles.

Gamma Pegasi ye una estrella variable Beta Cephei, siendo Murzim (β Canis Majoris ) y Hadar (β Centauri) dos de les estrelles más brilloses dientro d'esti grupu. Estes estrelles, que la so variación débese a pulsaciones na so superficie, presenten variaciones pequeñes de rellumu. El rellumu de Gamma Pegasi bazcuya 0,09 magnitúes nun curtiu periodu de 3,6 hores. Coles mesmes, Gamma Pegasi ye una binaria espectroscópica, con un periodu orbital de 6,83 díes; la estrella acompañante, de la que nada se sabe, puede atopase a 0,15 UA de la estrella principal.

Referencies[editar | editar la fonte]