Enif

De Wikipedia
Saltar a navegación Saltar a la gueta
Enif
Enif
Constelación Pegasu
Ascensión reuta α 21h 44min 11,2s
Declinación δ +09º 52’ 30’’
Distancia 670 años lluz
Magnitú visual +2,38
Magnitú absoluta -4,19
Lluminosidá 6700 soles
Temperatura 4460 K
Masa 10 - 11 soles
Radiu 150 soles
Tipu espectral K2Ib
Velocidá radial +5 km/s
Otros nomes HD 206778 / HR 8308
HIP 107315 / SAO 127029

Enif (ε Pegasi / ε Peg / 8 Pegasi)[1] ye la estrella más brillosa de la constelación de Pegasu con magnitú aparente +2,38.

Nome[editar | editar la fonte]

El nome Enif, según les sos distintes variantes Enf y Enir, provienen de la pallabra árabe al-anf, «la ñariz», pola so posición nel focico del caballu aláu. Fum al Faras, «la boca del caballu», y Al Jahfalah, «el llabiu», fueron otros nomes que recibió esta estrella. L'astrónomu John Flamsteed paez que la conoció como Vos Pegasi.[2]

Xuntu a Baham (θ Pegasi) y Sadalmelik (α Aquarii) constitúi la vigesimotercera constelación china, Goei o Wēi, «El Peligru».[2]

Carauterístiques[editar | editar la fonte]

A una distancia averada de 670 años lluz, Enif ye una superxigante naranxa de tipu espectral K2Ib nes etapes finales de la so evolución estelar y, como tal, puede considerase una estrella que ta morriendo. Probablemente namái-y queden unos pocos millones d'años, y puede rematar los sos díes esplotando como una supernova o convirtiéndose nuna nana blanca del raru tipu neón-oxíxenu.[3]

Como superxigante que ye, la so lluminosidá equival a 6700 soles y el so radiu ye aproximao 150 vegaes más grande qu'el radiu solar. Tien una masa averada d'unes 10 mases solares. Hai que señalar qu'en dalguna ocasión reparóse que la estrella aumenta de rellumu de forma notable nun curtiu espaciu de tiempu, lo que plantegó la hipótesis de qu'esta estrella pueda sufrir xigantesques erupciones o fogarales.[3][4]

Paez tar rellacionada con otros dos superxigantes, Sadalmelik (α Aquarii) y Sadalsuud (β Aquarii), que la so lluminosidá y distancia son similares. Piénsase que los trés estrelles pueden nacer nun mesmu grupu que col tiempu foise disgregando.[3]

Referencies[editar | editar la fonte]

  1. V* Eps Peg -- Pulsating variable Star (SIMBAD)
  2. 2,0 2,1 Allen, Richard Hinckley (1889). «Pegasus», en Courier Dover Publications: Star Names — Their Lore and Meaning (n'inglés), 563. ISBN 0-486-21079-0. Consultáu'l 24 d'abril de 2011.
  3. 3,0 3,1 3,2 Enif (Jim Kaler, Stars)
  4. Enif (Jumk.de/astronomie)

Ver tamién[editar | editar la fonte]