Fuerces Armaes de Rusia

De Wikipedia
Saltar a: navegación, buscar

Plantía:Ficha de Fuerces Armaes

Les Fuerces Armaes de la Federación Rusa (rusu: Вооружённые силы Российской Федерации, tr.: Vooruzhénniye síly Rossíyskoy Federátsii) ye'l poder militar de Rusia, establecíu en 1992 tres la cayida de la Xunión Soviética y el más poderosu del mundu xuntu col estauxunidense, siendo l'exércitu más potente de Europa.

El Comandante en Xefe de les Fuerces Armaes ye'l Presidente de Rusia (anguaño Vladímir Putin), y el Ministeriu de Defensa sirvi como cuerpu alministrativu d'estes. Anguaño les tropes actives son aprosimao 768,000 homes y la reserva 1 578 573, tolos homes disponibles en total suman más de 2 500 000 de soldaos. (nun inclúi fuerces especiales).

Organización[editar | editar la fonte]

Les Fuerces Armaes de la Federación Rusa tienen tres rama principales: les Fuerces Terrestres, la Armada, y la Fuerza Aérea. Amás, hai tres cuerpos independientes de los trés cañes anteriores: les Fuerces Coheteriles Estratéxiques, les Fuerces Espaciales y les Tropes Aerotresportaes.

Historia[editar | editar la fonte]

La República Socialista Federativa Soviética de Rusia, al igual que toles repúbliques soviétiques, teníen les sos propies Fuerces Armaes (Constitución Soviética de 1936. Artículu 18.— El territoriu de les repúbliques federaes nun puede ser modificáu ensin el so consentimientu. b) Cada república federada tien les sos propies formaciones militares), calteniendo les Fuerces Armaes de la URSS.

Dempués de la disolución de la Xunión Soviética hubo intentos de caltener na Comunidá d'Estaos Independientes Fuerces Armaes úniques, pero la resultancia foi la división ente les distintes repúbliques. Les Fuerces Armaes de la Federación Rusa fueron formaes el 7 de mayu de 1992, pol decretu del Presidente de Rusia Borís Yeltsin, como socesor del Exércitu Coloráu de RSFS de Rusia.

Actividaes[editar | editar la fonte]

Esplegue militar rusu nel branu de 2015

Les Fuerces del Estáu Rusu participaron na contención d'una serie de conflictos armaos nel territoriu de l'antigua Xunión Soviética: Conflictu de Transnistria, Guerra de Abjasia, Conflictu en Osetia del Sur, na Guerra d'Altu Karabaj y na Crisis de Crimea de 2014, como asina tamién el respaldu militar a los separatistes prorrusos interviniendo na guerra civil nel este d'Ucrania, anque desmentíu pola mesma Rusia.[1] En 2015 intervien na guerra contra l'Estáu Islámicu y na guerra civil siria a pidimientu del presidente siriu Bashar Al Assad na denomada intervención rusa na Guerra Civil Siria.[2]

Mientres l'empiezu la Guerra Civil en Taxiquistán una división permaneció en dicha rexón.

Nel territoriu de la mesma Federación Rusa, les Fuerces Armaes participaron nel conflictu de Osetia del Norte y especialmente mientres la Primer y Segunda Guerra Chechena.

Inversión en defensa[editar | editar la fonte]

En contraste cola severa crisis financiera de la década de 1990, mientres los últimos años la situación económica dexó ameyorar la situación de les Fuerces Armaes. Destaca'l programa estatal pal desenvolvimientu de los armamentos 2007–2015, que preve un gastu de 4 939 400 000 000 de rublos (133 100 949 335 eurus), ente dichos años, na alquisición y desenvolvimientu de tecnoloxía militar pa les Fuerces Armaes de Rusia.


Gráfica d'evolución de Fuerces Armaes de Rusia ente 2006 y 2017
[3] - Ellaboración gráfica por Wikipedia

Referencies[editar | editar la fonte]

Bibliografía[editar | editar la fonte]

  • «Russia military power» (inglés). Military Power Releases. Defense Intelligence Agency (2017). Consultáu'l 22 de payares de 2017.

Enllaces esternos[editar | editar la fonte]


Fuerzas Armadas de Rusia