Comandante en Xefe

De Wikipedia
Saltar a: navegación, buscar

Comandante en xefe ye'l máximu cargu y grau militar esistente en determinaos países de tol mundu. El cargu como talu significa que ye'l comandante de toles fuerces armaes del país. Na mayoría de los casos son los xefes d'Estáu o'l xefe de Gobiernu por entemediu del ministru de defensa o asemeyáu. Con esto refuérzase la noción de que ye l'autoridá civil y político la que ta al cargu de les fuerces armaes. Foi instauráu per primer vegada por Carlos I d'Inglaterra en 1639.

Esti cargu recibe'l nome nel estáu español de Capitán Xeneral de Tolos Exércitos (o Capitán Xeneral de los Reales Exércitos) y el títulu ostentalu La so Maxestá el Rei D. Xuan Carlos I d'España.

N'Arxentina'l comandante en xefe de les Fuerces Armaes ye'l presidente de la Nación. N'Estaos Xuníos d'América tal grau tamién lu porta'l presidente.

Nes Fuerces Armaes de Xile, esti ye'l rangu qu'ostenta'l Xeneral de mayor antigüedá dientro de cada rama, ostentando'l mandu máximu de la mesma, esisten trés (Exércitu, Armada y Fuerza Aéreo), en Carabineros de Xile recibe'l nome de xeneral direutor de Carabineros. El Códigu de Xusticia Militar xilenu crea namái pa tiempos de guerra la figura del "comandante en xefe de les Fuerces Armaes y Carabineros", cargu que tien de ser ostentáu por unu de los comandantes en xefe de les FF.AA. o'l xeneral direutor de Carabineros. Coles mesmes, la Rexón Militar Austral (Magallanes y l'Antártica Xilena) cuenta col so propiu comandante en xefe, dependiente direutu del Ministeriu de Defensa Nacional.

En Cuba[editar | editar la fonte]

Comandante en Xefe ------ Xefatura Suprema de les Fuerces Armaes Revolucionaries de Cuba

La estructura de direición de les Fuerces Armaes Revolucionaries de Cuba parte del papel directivu del Comandante en Xefe. Esti cargu foi desempeñáu dende los tiempos del Exércitu Rebalbu hasta'l 24 de febreru de 2008 por Fidel Castro. Anguaño, exerz esta función l'hasta esi momentu Xeneral d'Exércitu Raúl Castro, en siendo designáu como presidente de la República de Cuba esi mesmu día.

Ver tamién[editar | editar la fonte]