Fraxinus excelsior

Fraxinus excelsior Fresnu
Estáu de caltenimientu
Cuasi amenazáu (IUCN 3.1)
Clasificación científica
Reinu:	Plantae
División:	Magnoliophyta
Clas:	Magnoliopsida
Subclas:	Asteridae
Orde:	Lamiales
Familia:	Oleaceae
Xéneru:	Fraxinus
Especie:	F. excelsior L.
Distribución
Distribución natural
[editar datos en Wikidata]

Fraxinus excelsior

El fresnu pertenez a la gran familia de las Oleaceae, na subfamilia Fraxinus, que comprende casique 65 especies d'árbores de fueya caduca, orixinariu de les zones templaes del hemisferiu septentrional, son de medra rápida y resistentes a les condiciones ambientales adverses, resisten bien les temperatures baxes y altes. La especie más espardida na Península Ibérica ye la Fraxinus excelsior, nomáu comúnmente fresnu.

Hábitat

El fresnu alcuéntrase xeneralmente a plenu sol o en mediu la solombra, adáutase con facilidá al tarrén, incluso si ye frescu y escuru, soporta bien los llugares húmedos y con mal drenaxe. La Multiplicación realízase cola semiella y el tresplante de les plantes de 2-4 años.

Descripción

Árbore altu, que algama hasta los 40 m. y un diámetru de tueru de 1 m. El tueru ye llisu y grisáu que se taya cola edá. Tien fueyes opuestes, compuestes d'ente 7 y 15 foliolos dentaos, color verde escuru. Pequeñas flores de color arroxáo, los sexos tan separtaos, pero dacuando apaecen hermafrodites. Floréz ente abril y mayu, nel hemisferiu norte. Ye de madera abondo duro, elástico, de color blancu nacaráu y apreciada na confecha de muebles.

Propiedaes medicinales

• Los frutos, les fueyes, los raigaños y la corteza del fresnu tienen propiedaes llixeramente laxantes, diurétiques y antiinflamatories.
• De la savia que xurde de las firidas del tueru de dalgunes especies como'l Fraxinus excelsior, produzse una sustancia laxante y edulcorante, emplegada nos alimentos pa neños y diabéticos.

• Datos: Q156907
• Multimedia: Fraxinus excelsior
• Especies: Fraxinus excelsior