Franz Beckenbauer

De Wikipedia
Franz Beckenbauer
presidente d'honor FC Bayern München, Alemaña

Vida
Nacimientu Richard-Wagner-Straße 19 (München) (en) Traducir[1]11 de setiembre de 1945[2]
Nacionalidá Bandera d'Alemaña Alemaña Occidental  (1949 -  1990)
Bandera d'Alemaña Alemaña  (1990 -  2024)[3]
Muerte Salzburgu[4]7 de xineru de 2024[5] (78 años)
Sepultura Friedhof am Perlacher Forst (en) Traducir[6]
Familia
Fíos/es Stephan Beckenbauer
Familia
Estudios
Llingües falaes alemán
Oficiu
Oficiu futbolista, entrenador de fútbol, atleta profesional (es) Traducir, funcionariuentrenador
Trayeutoria
  Equipu
1983–1983 New York Cosmos 25(2)
1980–1982 Hamburgo S.V. 28(0)
1977–1980 New York Cosmos 80(17)
1964–1977 FC Bayern München 439(64)
  Seleición nacional
1965–1977   seleición masculina de fútbol d'Alemaña 103(14)
1965–1965   seleición de fútbol d'Alemaña B 2(0)
1964–1964   seleición masculina de fútbol sub-18 d'Alemaña 3(3)
Posición o especialidá defensa
llibre
centrocampista
Pesu 79 kg
Altor 181 cm
Premios
Seudónimu/os Der Kaiser
IMDb nm0065325
franzbeckenbauer.de
Cambiar los datos en Wikidata

Franz Anton Beckenbauer (11 de setiembre de 1945Richard-Wagner-Straße 19 (München) (en) Traducir – 7 de xineru de 2024Salzburgu) foi un futbolista y direutor téunicu alemán. Nomáronlu presidente honorariu del FC Bayern München. Moteyáu El Káiser, ye reconocíu como unu de los meyores futbolistes de tolos tiempos y el más grande na so posición y na historia del so país.

Foi'l capitán de la seleición alemana que ganó la Copa Mundial de Fútbol de 1974 y la Eurocopa 1972, según l'entrenador del mesmu combináu que ganó'l Mundial d'Italia 1990. Llogró amás trés UEFA Champions League, una Copa Intercontinental, una Recopa d'Europa, cuatro Bundesliga y cuatro Copes d'Alemaña cola camiseta del FC Bayern München.

Foi gallardoniáu col Balón d'Oru d'Europa en 1972 y 1976. Ocupa'l 3ᵉʳ llugar nel ranking del Meyor futbolista del sieglu publicáu por IFFHS en 2004.

Beckenbauer foi un xugador versátil. Magar destacaba como mediocampista, afacíase a distintes posiciones nel campu de xuegu, siendo creador de la posición del líbero.[8]

Beckenbauer en 1990.
Beckenbauer mientres la Copa del Mundu de 1974.

Biografía[editar | editar la fonte]

Dende mozu espuntó nel equipu TSV Múnich 1860. El FC Bayern Múnich, l'otru equipu de la ciudá qu'entós nun yera más qu'un equipu regular de la Bundesliga, fichólu a los 14 años. Franz Beckenbauer debutó na lliga alemana en 1964 y ablucó al mundu na Copa Mundial de Fútbol de 1966 n'Inglaterra al marcar 4 goles con Alemaña, na que terminó en segundu llugar.

Camiseta utilizada por Beckenbauer nel New York Cosmos en 1977.

Nesta dómina'l Bayern empezó a forxar la so lleenda y convirtióse na nueva potencia mundial a nivel de clubes. Un añu más tarde de la so mítica apaición na Copa Mundial de Fútbol de 1970 en Méxicu, na que llegó a xugar un partíu col brazu en cabestrillu, convirtióse en capitán de la Nationalmannschaft. Alemaña foi protagonista del meyor partíu del tornéu xunto a Italia y terminó en tercer llugar venciendo a Uruguái.

Equí ye onde empieza la dómina dorada del fútbol alemán y del Bayern Múnich. Na Eurocopa en 1972, tuvo una máxica actuación como líder del equipu alemán, equí ganó al anfitrión Bélxica en semifinales por un contundente 2-1 y na final ganando a la Xunión Soviética por un contundente 3-0, quedando conseñáu nel equipu ideal de la copa na posición de líbero. Depués de la Eurocopa consiguió dos tripletes na Bundesliga (1972-1974) y na Copa d'Europa (1974-1976). La imparable maquinaria alemana ganó la Copa del mundu de la que yeren anfitriones. La Copa Mundial de Fútbol de 1974 foi impresionante na fase de grupos. Llogró dos victories por 1-0 sobre la seleición chilena y 3-0 sobre una débil Australia que, anque cayó por 1-0 frente a l'Alemaña Democrática, pudo clasificase como segunda del so grupu a la siguiente fase. Yá na segunda fase, tou pondríase más difícil pos tendría qu'enfrentase a Suecia, Polonia y Yugoslavia, a quien llograría ganar por 2-0 a Yugoslavia, 4-2 a Suecia y un apertáu 1-0 a Polonia que-y daba'l derechu de xugar la final contra la Naranxa Mecánica de Johan Cruyff . Naquella final l'equipu alemán empecipió perdiendo, pero gracies al lideralgu de Beckenbauer y los goles de Müller llogró da-y vuelta y coronóse campeón con un 2-1. Mientres esti periodu de gloria consiguió ganar dos balones d'Oru (1972 y 1976) pol so reconocíu llabor cola seleición alemana y el Bayern Múnich. Finalmente, la so carrera deportiva llegaría al so fin en 1980 en recibiendo un fuerte golpe nos reñones que lu obligaría a dexar el campu de xuegu como xugador y empecipiar la so carrera como entrenador.

Cuando Beckenbauer volvió a la seleición en 1984, dempués de retirase un añu antes, fízolo como direutor téunicu. Sorprendentemente, der Kaiser, que nun tenía nenguna esperiencia como entrenador, llevó al so equipu hasta la final de la Copa Mundial de Fútbol de 1986 en Méxicu, anque cayeron nesti partíu ante l'Arxentina.

N'Italia, na Copa Mundial de Fútbol de 1990, Beckenbauer fixo entá más grande la so lleenda llogrando ser la segunda persona nel mundu en consiguir la Copa Mundial de Fútbol como xugador y como entrenador (fechu que'l brasilanu Mário Zagallo llograra per primer vegada venti años enantes, en 1970).

En 2009, abandonó la presidencia del club alemán FC Bayern München, dexando'l cargu en manes del ex futbolista Uli Hoeneß. Coles mesmes ye'l vicepresidente de la DFB (Deutscher Fussball Bund o Federación Alemana de Fútbol), amás de ser el principal organizador de la Copa Mundial de Fútbol de 2006, xugada los meses de xunu y xunetu n'Alemaña, y de la mesma foi nomáu "Presidente d'honor" del Bayern y "Miembru d'honor" de la Federación alemana de fútbol.

Dopaxe[editar | editar la fonte]

En 1977, mientres una entrevista pa la revista alemana Stern, Beckenbauer afirmó usar dopaxe sanguineu p'ameyorar el so rindimientu: «Tengo un métodu particular pa calteneme al máximu nivel: la inyeición de la mio propia sangre. Unes cuantes vegaes al mes el mio amigu Manfred Köhnlechner faime una estraición de sangre nun brazu pa depués inyectámela de nuevu nuna nalga. Esto causa una inflamación artificial, lo qu'alza'l nivel de glóbulos coloraos y blancos, y el rindimientu xeneral del organismu».[9][10] Nel añu nel que se fixeron estes declaraciones, esti tipu de práutiques inda nun yeren illegales nel ámbitu del deporte.

En 2013 espublizóse un informe nel que se probaba'l dopaxe sistemáticu de los deportistes alemanes de la República Federal d'Alemaña nos años 50 y 60.[11] Nesti informe afírmase que trés futbolistes ensin identificar de la seleición d'Alemaña Federal dieron positivu por efedrina tres la final del Mundial de 1966. Mientres un alderique na cadena de televisión pública alemana ZDF, Beckenbauer afirmó que nunca tomara nada ensin saber lo que yera, anque darréu dixo que l'equipu médicu suministrába-yos inyeición de vitamines de les que nun sabía más detalles.[12]

Clubes[editar | editar la fonte]

Club País Añu
Bayern Múnich Alemaña 1964 - 1977
New York Cosmos  Estaos Xuníos d'América 1977 - 1980
Hamburger SV Alemaña 1980 - 1982
New York Cosmos  Estaos Xuníos d'América 1982 - 1983

Estadístiques[editar | editar la fonte]

Equipu Temporada Lliga Copa Nacional Copa Internacional Total
Partíos  Goles  Partíos  Goles  Partíos  Goles  Partíos  Goles 
Bayern Múnich
Alemaña
1963/64 6 2 - - - - 6 2
1964/65 37 17 - - - - 37 17
1965/66 33 4 6 1 - - 39 5
1966/67 33 0 5 0 9 0 47 0
1967/68 28 4 4 0 7 1 39 5
1968/69 33 2 6 0 - - 39 2
1969/70 34 6 1 0 2 0 37 6
1970/71 33 3 9 1 8 1 50 5
1971/72 34 6 6 1 7 1 47 8
1972/73 34 6 6 0 6 1 46 7
1973/74 34 5 4 0 10 1 48 5
1974/75 33 1 3 0 7 1 43 2
1975/76 34 5 7 2 11 0 52 7
1976/77 33 3 4 0 - - 37 3
Total 406 66 55 5 67 6 528 74
New York Cosmos
 Estaos Xuníos d'América
1977 15 4 - - - - 15 4
1978 27 8 - - - - 27 8
1979 12 1 - - - - 12 1
1980 26 4 - - - - 26 4
1983 25 2 - - - - 25 2
Total 105 19 - - - - 105 19
Hamburger SV
Alemaña
1980/81 18 0 1 0 - - 19 0
1981/82 10 0 3 0 5 0 18 0
Total 28 0 4 0 5 0 37 0
Total 539 83 59 5 72 6 670 93

Seleición nacional[editar | editar la fonte]

Participaciones en fases clasificatories[editar | editar la fonte]

Copa Mundial de Fútbol
Clasificatorias Resultáu Posición Partíos Goles Media goliadora
Clasificación Mundial 1966 Clasificáu 1ᵘ 2 0 0
Clasificación Mundial 1970 Clasificáu 1ᵘ 5 0 0
Total 7 0 0
Eurocopa
Clasificatorias Resultáu Posición Partíos Goles Media goliadora
Clasif. Eurocopa 1968 Non Clasificáu 2ᵘ 2 0 0
Clasif. Eurocopa 1972 Clasificáu 1ᵘ 8 0 0
Clasif. Eurocopa 1976 Clasificáu 1ᵘ 8 0 0
Total 18 0 0

Participaciones en fases finales[editar | editar la fonte]

Copa Mundial de Fútbol
Mundial See Resultáu Partíos Goles Media goliadora
Copa Mundial de Fútbol de 1966 Bandera de Inglaterra Inglaterra Subcampeón 6 4 0.67
Copa Mundial de Fútbol de 1970  Méxicu Tercer puestu 5 1 0.2
Copa Mundial de Fútbol de 1974 Bandera d'Alemaña Alemaña Campeón 7 0 0
Total 18 5 0.28
Eurocopa
Copa See Resultáu Partíos Goles Media goliadora
Eurocopa 1972  Bélxica Campeón 2 0 0
Eurocopa 1976 Yugoslavia Subcampeón 2 0 0
Total 4 0 0

Entrenador[editar | editar la fonte]

Mundial See Resultáu J G Y P GF GC Dif
Copa Mundial de Fútbol de 1986  Méxicu Subcampeón 7 3 2 2 8 7 1
Copa Mundial de Fútbol de 1990  Italia Campeón 7 5 2 0 15 5 10
Total 14 8 4 2 23 12 11

Palmarés como xugador[editar | editar la fonte]

Campeonatos nacionales[editar | editar la fonte]

Títulu Club País Añu
Copa d'Alemaña
FC Bayern München
Bandera d'Alemaña Alemaña Occidental
1966
Copa d'Alemaña
FC Bayern München
Bandera d'Alemaña Alemaña Occidental
1967
1. Bundesliga
FC Bayern München
Bandera d'Alemaña Alemaña Occidental
1969
Copa d'Alemaña
FC Bayern München
Bandera d'Alemaña Alemaña Occidental
1969
Copa d'Alemaña
FC Bayern München
Bandera d'Alemaña Alemaña Occidental
1971
1. Bundesliga
FC Bayern München
Bandera d'Alemaña Alemaña Occidental
1972
1. Bundesliga
FC Bayern München
Bandera d'Alemaña Alemaña Occidental
1973
1. Bundesliga
FC Bayern München
Bandera d'Alemaña Alemaña Occidental
1974
NASL
New York Cosmos
 Estaos Xuníos d'América
1977
NASL
New York Cosmos
 Estaos Xuníos d'América
1978
NASL
New York Cosmos
 Estaos Xuníos d'América
1980
1. Bundesliga
Hamburger SV
Bandera d'Alemaña Alemaña
1982

Copes internacionales[editar | editar la fonte]

Títulu Seleición See Añu
Eurocopa
Alemaña Occidental
Bandera de Bélxica Bélxica
1972
Copa Mundial de Fútbol
Alemaña Occidental
Bandera d'Alemaña Alemaña Occidental
1974
Títulu Club See Añu
Recopa d'Europa
FC Bayern München
Bandera d'Alemaña Alemaña Occidental
1967
Lliga de Campeones de la UEFA
FC Bayern München
Bandera d'Alemaña Alemaña Occidental
1974
Lliga de Campeones de la UEFA
FC Bayern München
Bandera d'Alemaña Alemaña Occidental
1975
Lliga de Campeones de la UEFA
FC Bayern München
Bandera d'Alemaña Alemaña Occidental
1976
Copa Intercontinental
FC Bayern München
Bandera d'Alemaña Alemaña Occidental
1976

Distinciones individuales[editar | editar la fonte]

Distinción Añu
Futbolista Alemán del añu 1966, 1968, 1974, 1976
Meyor Xugador Nuevu de la Copa Mundial de Fútbol 1966
Nomáu nel Equipu Ideal de la Copa Mundial de Fútbol 1966, 1970, 1974
Balón d'Oru 1972, 1976
Balón de Plata 1974, 1975
Balón de Bronce 1966
Gallardoniáu como FIFA 100 2004
Escoyíu'l 3ᵉʳ Meyor Futbolista del Mundu del Sieglu XX 2004
Escoyíu'l 2ᵘ Meyor Futbolista Européu del Sieglu XX 2004
Nomáu'l Meyor Futbolista Alemán de la historia[13] 2006
Nomáu pola IFFHS como "Xeniu universal del fútbol mundial"
(Top Xugador, Entrenador y Directivu)
2007
Marca Lleenda[14] 2012
Premiu Presidencial de la FIFA 2012

Records[editar | editar la fonte]

  • 424 partíos na Bundesliga (44 goles)
  • 78 partíos en Copa d'Europa (6 goles)
  • 103 partíos internacionales, 50 como capitán (14 goles)
  • Llogró ser presidente, entrenador y xugador de fútbol d'un mesmu club

Palmarés como entrenador[editar | editar la fonte]

Campeonatu nacionales[editar | editar la fonte]

Títulu Club País Añu
Bundesliga
FC Bayern München
Alemaña
1994

Copes internacionales[editar | editar la fonte]

Títulu Seleición See Añu
Copa Mundial de Fútbol
Alemaña Occidental
 Italia
1990
Títulu Club See Añu
Copa de la UEFA
FC Bayern München
Bandera d'Alemaña Alemaña
1996

Referencies[editar | editar la fonte]

  1. «Die Frau seines Lebens» (alemán) (11 xineru 2006). Consultáu'l 8 xineru 2024.
  2. Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
  3. Identificador GND: 118508067. Afirmao en: Catalog of the German National Library. Data de consulta: 9 xineru 2024. Llingua de la obra o nome: alemán.
  4. «Der FC Bayern trauert um Franz Beckenbauer».
  5. «Franz Beckenbauer ist tot».
  6. URL de la referencia: https://www.bild.de/unterhaltung/leute/leute/franz-beckenbauer-heute-heimliche-beerdigung-in-muenchen-86733016.bild.html.
  7. Afirmao en: transfermarkt.com. Llingua de la obra o nome: distintes llingües.
  8. Franz Beckenbauer bio - ifhof.com - International Football Hall of Fame.
  9. Cycling4Fans : Experiment Bluttransfusionen
  10. France Soir : Dopage - Piqûres dans les vestiaires de foot
  11. Los trunfos deportivos d'Alemaña Occidental, so barruntu per dopaxe
  12. "Recibíamos inyeiciones de vitamines"
  13. Beckenbauer, Meyor Futbolista de la historia d'Alemaña por IFFHS
  14. «Beckenbauer recibe la MARCA Lleenda». Marca.com.

Filmografía[editar | editar la fonte]

Enllaces esternos[editar | editar la fonte]


Predecesor:
Bandera de Países Baxos Johan Cruyff
Bandera de la Xunión Soviética Oleg Blokhin
Balón d'Oru
1972
1976
Socesor:
Bandera de Países Baxos Johan Cruyff
Bandera de Dinamarca Allan Simonsen
Predecesor:
Bandera d'Arxentina Carlos Salvador Bilardo
1986
Entrenador Campeón Mundial de Fútbol
1990 Bandera d'Alemaña
Socesor:
Bandera de Brasil Carlos Alberto Parreira
1994