Fallopia dumetorum

De Wikipedia
Saltar a navegación Saltar a la gueta
Fallopia dumetorum
Commons-emblem-notice.svg
 
Fallopia dumetorum
Fallopia dumetorum.jpg
Fallopia dumetorum
Clasificación científica
Reinu: Plantae
División: Magnoliophyta
Clas: Magnoliopsida
Orde: Caryophyllales
Familia: Polygonaceae
Xéneru: Fallopia
Especie: F. dumetorum
(L.) Holub (1971)
Sinonimia
[editar datos en Wikidata]
Fallopia dumetorum

El polígonu de les maleces (Fallopia dumetorum) ye una yerba de la familia de les poligonacees.

Descripción[editar | editar la fonte]

Yerba añal, frecuente, trepadora o rastrera, tan paecida a la especie Polygonum convolvulus, que se fai necesariu reparala atentamente pa distiguir los sos detalles diferenciadores. La diferencia más sobresaliente ta nel pedúnculu de los sos frutos, son llargos, recurvaos y acolorataos, de 5-8 mm de llargor, con un nuedu na so metá o más baxu, articulaos. Tamién tienen nales, continuación de la que tienen les pieces periánticas. Delles flores en cada verticilu, que salen d'una bolsita o membrana, especie de nuedu, ócrea, a lo llargo d'una espiga pocu foliosa, de normal vertical, espaciaes a lo llargo de los tarmos floríferos. Flor con 3 pieces periánticas, aquillaes y alaes, les 3 interiores de color blancu rosáu, 8 estames, el estilu con 3 estigma. Frutu llisu, con 3 cares, de color negru mate, brillante nes arestes. Fueyes con llargu peciolu acanaláu, cantu enteru, nervios visibles, trinagulares y acorazonaes, bien apuntaes. Tarmos asurcaos, radiales y rastreros, si la planta naz en tierra llana, enrevesosos cuando crez ente maleza.[1]

Distribución y hábitat[editar | editar la fonte]

En toa Europa, sacante nel estremu norte. Floria pel branu y na seronda.[2] Habita en sebes, montes, al pie de parés, rastroxos, prefier los barbechos bien araos y blandios.

Referencies[editar | editar la fonte]

  1. (2002) La flor del Pandorial V, Catálogu Ilustráu. Lleón:Institulo Lleonés de Cultura. ISBN 84-95702-18-5.
  2. Polunin, Oleg (1989). Flores Monteses d'España y d'Europa. Barcelona: Omega. ISBN 84-282-0857-3.

Enllaces esternos[editar | editar la fonte]