FIAPF

De Wikipedia
Saltar a navegación Saltar a la gueta

La Federación Internacional d'Asociaciones de Productores de Cine (FIAPF pol so nome en francés: Fédération Internationale des Associations des Producteurs de Films) ye la única organización mundial de productores de cine y televisión. Tien la so sede en Paris y ta formada por 32 asociaciones de productores de 28 países de los cinco continentes.

La so función principal ye representar los intereses económicos, llegales y normativos que les industries de producción de cine y televisión tienen en común en tol mundu. Como defensor de los sos miembros, la FIAPF ayuda a desarrollar y a coordinar les aiciones polítiques en delles estayes claves:

  • Lleis de propiedá intelectual y derechos d'autor.
  • Aiciones antipiratería.
  • Desarrollu de teunoloxíes dixitales.
  • Regulación de los medios.
  • Financiamientu públicu y priváu del sector.
  • Asuntos comerciales.

La FIAPF ye tamién un muérganu regulador de los festivales internacionales de cine, incluyendo dellos de los más perimportantes del mundu.

L'Asamblea Xeneral de la FIAPF, de la que formen parte los miembros escoyíos pa esi menester, tien llugar dos veces al añu: en febreru y en mayu. Ye función de so escoyer al Comité Executivu y al Presidente de la FIAPF, que dende mayu de 2009 ye l'arxentín Luis Alberto Scalella.

Miembros[editar | editar la fonte]

  • Verband Deutscher Filmproduzenten Ev - Flag of Germany.svg Alemaña
  • Asociación General de Productores Cinematográficos - Bandera d'Arxentina Arxentina
  • Instituto Nacional De Cine Y Artes Audiovisuales - Bandera d'Arxentina Arxentina
  • Screen Producers Australia - Bandera de Australia Australia
  • Fachverband der Film and Musikindustrie - Bandera de Austria Austria
  • Vlaamse Film Producenten Bond (VFPB) - Flag of Belgium.svg Bélxica
  • Canadian Media Production Association - Flag of Canada.svg Canadá
  • Audiovisual Producers' Association (APA) - Flag of the Czech Republic.svg Chequia
  • China Film Producers' Association - Flag of the People's Republic of China.svg China
  • Hrvatska Udruga Producenata (HRUP) - Flag of Croatia.svg Croacia
  • Danish Producers Association - Flag of Denmark.svg Dinamarca
  • Slovak Audiovisual Producers Association (SAPA) - Flag of Slovakia.svg Eslovaquia
  • Federacion de Asociaciones de Productores Audiovisuales de España - Flag of Spain.svg España
  • Independent Film & Television Alliance - Flag of the United States.svg Estaos Xuníos d'América
  • Motion Pictures Association - Flag of the United States.svg Estaos Xuníos d'América
  • Egyptian Chamber of Cinema Industry - Flag of Egypt.svg Exiptu
  • Suomen Elokuvatuottajien Keskusliitto (SEK) - Flag of Finland.svg Finlandia
  • Magyar Audiovizualis Producerek Szovetsege (MAPSZ) - Bandera d'Hungría Hungría
  • Film Federation of India - Bandera de India India
  • National Film Development Corporation Ltd. - Bandera de India India
  • The Iranian Alliance of Motion Picture Guilds - Khaneh Cinema - Flag of Iran.svg Irán
  • Association of Icelandic Films Producers - Flag of Iceland.svg Islandia
  • Film Producers Association of Latvia - Flag of Latvia.svg Letonia
  • Association of Nollywood Core Producers (ANCOP) - Flag of Nigeria.svg Nixeria
  • Norske Film-, TV- og spillprodusenters forening - Flag of Norway.svg Noruega
  • Film Producers Netherlands (FPN) - Flag of the Netherlands.svg Países Baxos
  • Film Producers Guild of Russia - Flag of Russia.svg Rusia
  • Swedish Film & TV Producers Association - Flag of Sweden.svg Suecia
  • Association Suisse des Producteurs de Films - Flag of Switzerland.svg Suiza
  • Film Yapimcilari Meslek Birligi - Fiyab - Flag of Turkey.svg Turquía
  • Sinema Eseri Yapimcilari Meslek Birligi - Se-Yap - Flag of Turkey.svg Turquía
  • Motion Picture Producers Association of Japan - Flag of Japan.svg Xapón

Festivales acreitaos pola FIAPF[editar | editar la fonte]

La FIAPF xuega un papel de regulador de los festivales internacionales de cine pa facilitar el trabayu de los productores, los axentes de ventes y los distribuidores na xestión de les sos relaiciones colos festivales. Pa ello, tán establecíes una serie de normes que suponen un contratu ente los festivales y la industria del cine. La acreitación esíxe-yos a los festivales tomar delles midíes no tocante a la calidá y la fiabilidá. Anguaño, 51 festivales internacionales de cine tienen esa acreitación de la FIAPF.

El papel de la FIAPF ye tamién apoyar los esfuercios p'algamar un meyor nivel col pasu del tiempu, magar de los cambeos económicos o de programación que surden de una combinación desfavorable de la situación xeopolítica, los presupuestos y un sitiu complicáu nel calendariu añal de festivales. Esto ye particularmente importante nel contestu de distintos niveles de medios y oportunidaes ente los festivales de los hemisferios norte y sur.

Festivales competitivos[editar | editar la fonte]

  • Berlín (Alemaña): Festival Internacional de Cine de Berlin - Internationale Filmfestspiele Berlin.
  • Cannes (Francia): Festival de Cannes.
  • Donostia (España): Festival Internacional de Cine de San Sebastián - Donostiako Nazioarteko Zinemaldia.
  • El Cairu (Exiptu): Festival Internacional de Cine d'El Cairu - مهرجان القاهرة السينمائي الدولي.
  • Goa (India): Festival Internacional de Cine de La India - International Film Festival of India.
  • Karlovy Vary (Chequia): Festival Internacional de Cine de Karlovy Vary - Mezinárodní filmový festival Karlovy Vary.
  • Locarno (Suiza): Festival Internacional de Cine de Locarno - Festival del film Locarno.
  • Mar del Plata (Arxentina): Festival Internacional de Cine de Mar del Plata.
  • Montreal (Canadá): Festival de Cine del Mundo de Montreal - Festival des films du monde.
  • Moscú (Rusia): Festival Internacional de Cine de Moscú - Моско́вский междунаро́дный кинофестива́ль.
  • Shanghai (China): Festival Internacional de Cine de Shanghai - 上海国际电影节.
  • Tokyo (Xapón): Festival Internacional de Cine de Tokyo - 東京国際映画祭.
  • Varsovia (Polonia): Festival Internacional de Cine de Varsovia - Warszawski Międzynarodowy Festiwal Filmowy.
  • Venecia (Italia): Festival Internacional de Cine de Venecia - Mostra internazionale d'arte cinematografica di Venezia.

Festivales competitivos especializaos[editar | editar la fonte]

  • Almaty (Kazakstán): Festival Internacional de Cine "Eurasia". Especializáu en cine d'Europa, Asia y Asia Central.
  • Antalya (Turquía): Festival Internacional de Cine "Naranxa d'Oru" d'Antalya. Especializáu en cine d'Europa, Oriente Mediu y Asia Central.
  • Bruxeles (Bélxica): Festival Internacional de Cine Fantásticu de Bruxeles. Especializáu en cine fantásticu y de ciencia ficción.
  • Busan (Corea del Sur): Festival Internacional de Cine de Busan. Especializáu n'óperes primes y segundes películes.
  • Cartagena de Indias (Colombia): Festival Internacional de Cine de Cartagena de Indias. Especializáu en cine iberoamericanu y llatinoamericanu.
  • Cluj (Rumanía): Festival Internacional de Cine de Transilvania. Especializáu n'óperes primes y segundes películes".
  • Courmayeur (Italia): Festival de Cine Prieto de Courmayeur. Especializáu en películes policiaques y de misteriu.
  • Estambul (Turquía): Festival Internacional de Cine d'Estambul. Especializáu en películes sobre l'arte.
  • Estocolmu (Suecia): Festival Internacional de Cine d'Estocolmu. Especializáu en nueves orientaciones nel cine.
  • Jeonju (Corea del Sur): Festival Internacional de Cine de Jeonju. Especializáu en direutores nueves y nuevos".
  • Kiev (Ucraína): Festival Internacional de Cine "Molodist". Especializáu en películes de direutores xóvenes.
  • Los Ángeles (Estaos Xuníos d'América): Festival AFI. Especializáu en documentales, y óperes primes y segundes películes de ficción.
  • Minsk (Bielorrusia): Festival Internacional de Cine de Minsk "Listapad". Especializáu en cine bálticu, rusu, centroeuropéu, d'Asia Central y d'Europa del Este.
  • Mumbai (La India): Festival Internacional de Cine de Mumbai. Especializáu n'óperes primes.
  • Namur (Bélxica): Festival Internacional de Cine Francófonu de Namur. Especializáu en cine en francés.
  • Sarajevo (Bosnia y Hercegovina): Festival de Cine de Sarajevo. Especializáu en llargumetraxes y documentales del centru y sureste d'Europa.
  • Setúbal (Portugal): Festroia / Festival Internacional de Cine de Troia. Especializáu en cine de países nos que se faen menos de 30 llargumetraxes al añu.
  • Sitges (España): Festival Internacional de Cine Fantásticu de Catalunya. Especializáu en cine fantásticu.
  • Sofía (Bulgaria): Festival Internacional de Cine de Sofía. Especializáu n'óperes primes y segundes películes.
  • Sydney (Australia): Festival Internacional de Cine de Sydney. Especializáu en cine innovador.
  • Tallinn (Estonia): Festival de Cine "Nueches Prietes" de Tallinn. Especializáu en cine d'Europa, Asia y Asia Central.
  • Tesalónica (Grecia): Festival Internacional de Cine de Tesalónica. Especializáu en películes de nuevos talentos.
  • Thiruvananthapuram (La India): Festival Internacional de Cine de Kerala. Especializáu en cine asiáticu, africanu y llatinoamericanu.
  • Turín (Italia): Festival de Cine de Turín. Especializaú en películes de nuevos direutores.
  • València (España): Festival Internacional de Cine de València - Cine Xoven. Especializáu n'óperes primes.
  • Wroclaw (Polonia): Festival Internacional de Cine Nuevos Horizontes. Especializáu nes nueves orientaciones nel cine.
  • Xixón (España): Festival Internacional de Cine de Xixón. Especializáu en cine pa xente mozo.

Festivales non competitivos[editar | editar la fonte]

  • Calcuta (La India): Festival Internacional de Cine de Calcuta.
  • Haugesund (Noruega): Festival Internacional de Cine de Noruega.
  • Toronto (Canadá): Festival Internacional de Cine de Toronto.
  • Viena (Austria): Viennale. Festival Internacional de Cine de Viena.

Festivales de curtiumetraxes y cine documental[editar | editar la fonte]

  • Bilbao (España): Festival Internacional de Cine Documental y Curtiumetraxe de Bilbao.
  • Cracovia (Polonia): Festival de Cine de Cracovia.
  • Oberhausen (Alemaña): Festival Internacional de Cine Curtiu d'Oberhausen.
  • San Petersburgu (Rusia): Festival Internacional de Cine "Mensaxe al Home".
  • Tampere (Finlandia): Festival de Cine de Tampere.

Enllaces esternos[editar | editar la fonte]