Gallegoasturianu

Gallego-asturianu/eonaviegu
Faláu en	España
Rexón	Principáu d'Asturies
Falantes	45.000
Familia	Llingües indoeuropees   Itálicu   Romance    Ítalo-occidental     Subgrupu Occidental      Ibero-Romance       Galaico-portugués         Eonaviegu
Alfabetu	Llatinu
Estatus oficial
Oficial en	Nengún país
Reguláu por	Academia de la Llingua Asturiana, Secretaria Llinguística del Navia-Eo
Códigos
ISO 639-1	nengún
ISO 639-2
ISO 639-3

El gallego-asturianu, eonaviegu, llingua eonaviega, gallegu d'Asturies, fala del occidente d'Asturies (o simplesmente a fala pa los sos falantes) ye un conxuntu de fales (o falas), que desciende del llatín y del galego-portugués, y qu'afita'l so dominiu llingüísticu, como'l so nome indica, na estaya asturiana comprendida ente los ríos Navia y Eo, si bien el so área d'influencia abargana tamién zones más orientales qu'el citáu ríu Navia. Esti territoriu conozse como Fastera del Navia-Eo.

Les Tierres del Navia-Eo abarganen los conceyos asturianos de Bual, Castropol, Cuaña, Eilao, El Franco, Grandas de Salime, Ibias (sacante de la parroquia d'Astierna), Pezós, Samartín d'Ozcos, Santalla d'Ozcos, Santiso d'Abres, Tapia, Taramundi, A Veiga, Vilanova d'Ozcos, y partes de Navia, Villayón, y Allande. Hestóricamente esta zona toviera enforma aisllada del restu d'Asturies, y por supuesto de Galicia, Llión y Castiella, por mor a les sos fronteres naturales: el ríu Eo, la cordal Cantábricu y el ríu Nalón y el mar Cantábricu. Tamién ye ciertu que ye una zona de paisaxes grebios, sacante la parte de la granda costera que ye más llanizu, polo que les comunicaciones interiores tampoco yeren fáciles.

Falantes

Nome d'un bar en gallego-asturianu, cola ortografía marcada pola ALLA en Tapia

Magar que nun hai datos precisos del númberu de falantes (si bien la fastera tien unos 45.000 habitantes) sigún el II Estudiu Sociollingüísticu d'Asturies(2002), fechu pol equipu Euskobarómetro, siete de cada diez encuestaos (72%) dixeron ser falantes de gallego-asturianu, inda que namái ún de cada cinco (24%) afitó ser lleelo, y ún de cada seyes (16%) escribilo. Como datu esmolecedor tien que se destacar el retrocesu xeneracional de la fala, qu'anque siga siendo la mayoritaria como llingüa materna, anguaño dos de cada trés presones (67%) va más d'una década (na encuesta de 1990) yeren trés de cada cuatro (75%). El retrocesu ente xeneraciones ye nidio, y anguaño namái trés de cada diez encuestaos dixeron usar la llingua pa colos sos fíos.

Carauterístiques Llingüistiques

 Vocalismu

• Sistema vocálicu de siete unidaes n'allugamientu tónicu. Ha precisase qu'esti allugamientu tónicu caltiense más estable qu'en gallegu que ta güei abondo deformáu pol efetu la metafonía.
• Fenómenos peculiares nel vocalismu.
• Perda de la vocal protética, nos grupos llatinos –atis y –utis (voluntá, salú). Mesmo que pal asturianu consérvase nos grupos -ete, -ute: sede, rede, vide y en dellos topónimos: San Mamede, Nonide, Taladride.
• Perda del vocalismu ñasal presente en tol Eo-Navia fasta el sieglu XIX
• Cambiu de soníu de les vocales átones en posición enclítica insoluta, ante les consonantes llabiales y por asimilación vocálica.
• Vocalismu átonu final en -a-, -o-, -e-
• Velarización de nasales y deformación del vocalismu como consecuencia de la -n- cayediza.
• Les vocales intermedies con coda nasal son siempre abiertes consecuencia del vocalismu nasal (mui paecío al gallegolleonés de los ancares), que ta documentáu na comarca fasta bien entráu'l sieglu XX: centèn, sòn, etc...
• Desformación del vocalismu en sustitución de nasal: chío, cía, avía, caís, búa, etc.
• Usu de la conxunción y.

 Diptongos:

• Diptongos decrecientes ei, ou, oi (veiga, pousar, cobertoira), coincidente solo col asturianu occidental.
• Diptongu ui. (muito, ui) frente a moito en gallegu.
• Ausencia de diptongu ante ñasal, fechu esti constatáu por Menéndez García como una de les isogloses de referencia ente les fales galaiques y asturianes.
• Resultaos del grupu -ori, coiro (cueru), cobertoira, (cobertoria), etc.
• Supresión diptongu -ua: condo, conto, corenta, colquèr, etc.
• Caltenimientu del diptongu ua. (cuatro, guardar)
• Desformación del diptongu -ai, -ae en -ei: ameicer, esqueicer, beilar, meíz, reíz, vei, peisano
• Encurtiamientu del diptongu en pallabres del tipu estreto, dereto, peto, seta, proveto.

 Semiconsonantes

• Formes sin yod: baxo<bassus, páxaro<pássaro
• Formes sin yod: caxa<capsa

 Ñasales

• Perda de la -n- intervocálica (ventá, irmao) magar que la caltién nos diminutivos (ventanía, irmanín)
• Intensificación de la "n" cayediza: boo, (güenu), vgr. refraneru «Que mañá nos traiga, un boo día de solín», «Nun hai compañeiro como el dieiro»
• Acabu n' -n nes formes verbales de perfeutu (perdín, dicen).
• Resultáu de los acabos plurales en -áis y en -óis (folgazáis, cais, camióis)
• Resultáu de los acabos en -ía, -ías del femenín (pequenía, vecía, gallías)
• Resultáu de los acabos plurales en -íos ~ -íus del masculín (camíos, vecíos)
• Pretéritu cantein, cantén y futuru canterein, cantarén.
• Resultáu -m- pal grupu secundariu -M’N- (home, fame)
• Resultáu /n/ viniente del doble -NN- llatín (cabana, esconsonar, cana).
• Acabos en -én vinientes del llatín -ENU (centèn/centén, chèn/chén) frente a los gallegos centeo, cheo y los asturianos centenu, llenu. El pareciu ye relativu, pues el gallego-asturianu emplega una vocal -è- cerrada que l'asturianu occidental escaez.

 Oclusives

• Pallatización del grupu sc.
• Neutralización de llíquides axuntaes: branco, brando, frauta. Ye trazu de tresición que calistra pel dominiu astur (p. ex. fales de La Cabreira y Sayagu)
• Caltenimientu de F- llatina d’aniciu.
• Resultáu /∫/ en pallabres del tipu coxo, xente, xurar, etc.
• Caltenimientu del grupu -MB-: llombo (llombu), llamber (llamber), llambión (llambión), chumbo (plomu), chambaril (palu de toxo), chambra (chambra, blusa de muyer), chumbiar (chumbar, zambullirse), palòmba (palomba), carambio (carampanu), camba (camba) etc.
• Resultau -nr- pal grupu N'R, asina: lat. generu> Eon. xenro (xenru), lat. teneru> Eon. tènro (tienru), lat. honorare> Eon. honra (honra) etc.
• Vocalización de les oclusives sónores: flagrare>cheirar, agru>eiro, Cathedra>cadeira
• Resultáu -it- palos grupos llatinos -CT- y -ULT- (feita, muita), coincidente sólo col asturianu occidental
• Fricativación de oclusives: xardía (sardina), xebrar (separar), cereixa (cereza), xordo (sordu), xastre (xastre), freixo (fresnu), llouxa (llosa/llousa), enxobar (ensuciar), vixo (visu), broxa (bruesa), ameixola (amasuela), queixu (quesu), vexo (veo), èixola (azuela) etc.

 Laterales y palatales:

• Patalización de L- del llatín (llobo, llúa), na metá del territoriu eonaviegu, conceyos de El Franco, Cuaña y Bual, más la metá de los conceyos de Navia, Villayón, y Allande (Valledor), mager que nun palatizan Tapia, Castropol, A veiga, los tres Ozcos, Santiso d'Abres, Taramunde, Pezós, Eilao, Grandas y San Antolín de Ibias.
• Caltenimientu del -L- intervocálicu del llatín (calente, zreixales, xelar). Debe precisase, que nel cartulariu de Ozcos, la tendencia de la -l- cayediza, yera la mesma qu'el restu de les llingües gallego-portugueses.
• Caltenimientu de xeminada -LL- del llatín (costella), otru tantu de lu mismu, pues ye la misma isoglosa.
• Resultaos con -l- nel marxe posnuclear de la sílaba propios del asturianu en pallabres como yelso, ayalga, coldo, lleldo.
• Resultáu -y- (muyer, escoyer)
• Resultáu ch- pa los grupos llatinos PL-, FL y KL- (chegar, chama, chave),en gallego-asturianu caltien la grafía ch y el soniu /_t∫ / menos africáu que en asturianu occidental, nel que dase la coesistencia de resultaos /ch/ y /ḷḷ/ ( soniu ʈʂ). Respeuto del grupu llatinu PL-, en ch-, mesmo que l'asturianu occidental C y D. Sicasí danse na fala exemplos ll- (llanxir < plangere).

 Dentales:

• Caltenimientu de la /d/ intervocálica. Exemplos del refraneru decimonónicu: El anada d'un mal ano máyase nun eirado, Xente da marina xente de gran caldeirada día de muito vispera de nada; carro entornado nun ye faltan carrileiras; en abril espigas mil, en mayo todo espigado; el día de todos os santos neve por os campos; etc. Fernández Fernández, Marcelino, El Franco y so cconceyu, 1898, p. 106 y ss.
• Perda de -d- nos acabos de sustantivos y participios (prao, cansao), por aciu del castellanu vulgar. García García, señalaba nel añu 1983 sobro esti particular: «La forma en -ado pervive nas persones mayores o en frases pronunciaes enfáticamiente»,(EHF, p. 188). Frías Conde coincide que ye recién esti fenomenu.

 Sufixus:

• Sufixu en -in frente al gallegu -iño (camín, padrín, paxarín, calcetín), tamén atopamos términos como campío, (non campín) cuando falamos d'un campu pequeñu.
• Forma -ble, pal sufixu lat. -bĭlis. Frente al gallegu -abel.
• Acabos en -eira (primeira, tarteira)

 Morfoloxía

• Formalización de plurales analóxica y non etimolóxica, cola excepción del casu de les nasales intervocáliques au vese afeutau pola /n/ cayediza.
• Formes aumentantives en femenín: pedrúa, casúa, etc.

 Tiempos verbales

• Formes verbales de 1ª persona del singular como teño, veño, vexo, presente de suxuntivu, teña, veña, vexa, y l'imperativu.
• Esistencia del infinitivu personal o conxugao (fíxenlo pra coméremos todo)
• Acentuación esdrúxula de les dos primeres persones del plural del presente de suxuntivu, (ye tamién igual que l'asturianu occidental)
• Pallatización del verbu poñer y los sos derivaos: traspoñer, repoñer, impoñer, supoñer, etc. Nel Conceyu de Bual, polo efectu de la -n- cayediza, dicese puer, traspuer, repuer, impuer, etc.
• Palatalización de la desinencia na 2ª persona del singular de les formes verbales de perfeutu (faltache, fixiche).
• Morfema verbal de segunda persona del plural en -des: cantades, cantábades, cantaide. Véise cantar popular Cantaide nenas, cantaide, /cantaide y nun teñades pena/que ven un barco de mozos/ a dous cuartos á docena.
• Emplegu del verbu ter/tener como ausiliar en formes cuasicompuestes.
• Nos verbos incoativos y otros en -cer y -cir, la 1ª persona del singular del presente de indicativu y to'l presente de subxuntivu s'semeyen a -ces, -ce: lluzo, lluce, lluza, lluzas, lluza.
• Emplegu de la vocal abierta nes formes de 1ª persona del plural del pretéritu perfeutu (coyèmos, dixèmos), o de la vocal /o/ abierta nes formes de plural de la 2ª y 3ª persona (fòmos, fòron).
• Futuru sintéticu, caráuter propiu del Eonaviegu ye la descomposicéón de la desinencia del futuru "eiyes atizar", "eivos dar", "y'a poñer".

 Artículos, Pernomes, Posesivos y Demostrativos

• Sistema d'artículos indeterminaos: un, ua, us, uas.
• Esistencia del dativu d’interés (éche grande, vaiye cansao)
• Pronome personal de complementu indireutu ‘che’.
• Contraición de los pronomes de complementu direutu y indireutu (mo, mas, cho, chas, etc.)
• Caltenimientu de -r de infinitivu al xuntase colos pronomes ye, yes, me, se, te, che (meterye, diciryes, mancarme, cortarse)
• La forma pronominal min usada siempre como complementu con preposición. Ex a min, por min, de min, etc.
• Identificación de forma neutra cola mascualina nos artículos y demostrativos.
• Desaparición de la 1ª persona del plural ante –nos enclíticu
• Caltenimientu del vocalismu latinu e-o <ego> del pronome de primera persona si bien con materializaciones diverses.
• El complementu reflexivu "sí/se", sustituyese per les formes contractes de ye: yo, ya, yos, yas, asina: deoyo, llevayo, etc.
• Formes de los posesivos tou, sou frenti al restu de Asturies en que dicese to, so y de los posesivos gallegos teu y seu
• Formes etimolóxiques de los demostrativos estos, esos, aquellos, del pronome ellos contrapuestos a los analóxicos gallegos estes, eses, aqueles, eles".
• Artículu masculín ‘el’.

 Sintáses

• Esistencia de partitivu dél, della, dellos (dame della carne).
• Empregu de la forma negativa enfática non, frente a nun
• Perifrásis verbales "a + infinitivu"

Identidá de la llingua

En rosáu, el gallegu-aturianu nel conxuntu d'aries llingüístiques del gallegu: dende'l Navia al Eo, sacante'l conceyu de Santalla d'Ozcos, Santiso d'Abres y el sur del d'Ibias (en Santiso fálase gallegu central y nes otres dúes áries gallegu oriental estremáu del eonaviegu xeneral

Esiste un discutiniu político-llingüísticu tocante a la identidá de la llingua. De mano, alcuéntrense aquéllos que categoricen a la fala como una realidá llingüística independiente por tener la particularidá de mecer trazos que sigu´n la prespeutiva que s'escueya puen ascribise dacuandu al dominiu llingüísticu astur, dacuandu al gallegu.

Por otra, tán aquéllos que ven nel eonaviegu una variedá del gallegu, glamiando pa ésta fastera la reconocencia oficial del gallegu normativu, semeyante al del gallegu en Castiella y Llión (faláu nún lleruelu d'El Bierzu y dellos pueblos zamoranos de Pías, Porto, Lubián, y Hermisende), reconocíu como tal pola Xunta y, polo tanto, tuteláu dende la Oficina de Política Llingüística de la Xunta de Galicia.

Ente los que primen la galleguidá del eonaviegu (el cuál sedría un dialeutu oriental del gallegu) alcuéntrase'l ILG (Instituto da Lingua Galega) y la RAG (Real Academia Gallega), los cuáles estudiaren l'idioma faláu nesta zona de magar la década de 1980, la Promotora Española de Lingüística (PROEL), qu'enclúi al eonaviegu dientro del bloque oriental del gallego, col nome de galaico-asturianu, Ethnologue, qu'afirma que "[L'asturianu fálase nel] Principáu d'Asturies, esceutu na parte más ocidental, na que fálase gallegu", asina como numberosos filólogos (ver la bibliografía), ente ellos l'escritor y filólogu Dámaso Alonso y el dialectólogu Jesús Neira.

Per otru llau, l'Academia de la Llingua Asturiana, institución encargada de la normalización, defensa y promoción del asturianu, en xeneral, nun aceuta que nesti territoriu empléguese'l gallegu, cuntando con una Secretaría Llingüística del Navia-Eo. La denomación eonaviegu, o llingua eonaviega ye l'anteferida pola Academia (arróu de gallego-asturianu, la denomación usada pola alministración asturiana).

Dotramiente, el 25 de febreru de 2005, el gobiernu asturianu aprebó'l Plan de Normalización Social del Asturianu 2005-2007, pa promocionar l'emplegu y presencia tanto del asturianu como del gallego-asturianu. Dambos son allugaos n'igualdá de condiciones como llingües a abellugar y promocionar y, implícitamente, como llingües diferentes:

El gallegu asturianu o fala del occidente d'Asturies, Haberá un tratamientu semeyante al bable o asturianu en toles midíes que se recueyen nel presente plan.

Nesti sen, dellos filólogos defienden la consideración del eonaviegu como una llingua independiente, tanto del gallegu como del asturianu.

Mientantu, y ensin que la llingua asturiana seya oficial, el Principáu d'Asturies sigue calteniendo la potestá en política llingüística nesta zona. Asociaciones como la Xunta Pola Defensa de la Llingua Asturiana y Xeira defienden, al empar de la oficialidá del asturianu, la del eonaviego nel so dominiu llingüísticu.

Pa los propios falantes, y según el II Estudiu sociollingüísticu d’Asturies (2002) fechu pol equipu Euskobarómetro, que dirixe el sociólogu Francisco Llera Ramo, pa dos de cada tres (66%) habitantes del Navia-Eo la fala de la fastera ye un entemez de gallegu y asturianu, mientres que pal 16% ye una variante del asturianu y namái al 8% paez-y que ye una variante del gallegu. En cuantes al nome que se prefier pa denomar a lo que se fala nel Navia-Eo, ún de cada tres 33%) quier más llama-y a fala y ún de cada cuatro (24%) escueye la denomación nueva de gallegoasturianu. Cuasi los mesmos (22%) quieren más la denomación de bable o asturianu. Namái’l 2% de los encuestaos escoyeron el nome de gallegu. Nel Navia-Eo la demanda de cooficialidá ye más pequeña que nel restu d’Asturies. Asina, los qu’enconten y los que refuguen la oficialidá del gallego-asturianu tán muncho repartíos: un 30% caún. Nel mediu, a ún de cada tres nun-y da muncho más la cuestión. Un poco mayores son los porcentaxes d’encontu a la oficialidá del asturianu (34%), pero ente los que la sofiten, seyes de cada diez (62%) tamién quieren que, con él, l’eonaviegu seya oficial na fastera.

El gallego-asturianu y el "continuum" llingüistico del romance iberocidental

Tres que Menéndez Pidal fixare nel so llibru "El dialecto leonés" la llinde ente les fales gallegues y asturianes, l'entós presidente de l'ALLA, profesor García Arias, publicó en setiembre de 1997 l'artículu «El continuum llingüísticu ente’l gallegu y l’asturianu», qu'escontra la teoría tradicional amosaba los caralteres propios de la fala, que siendo unos propios del gallegu, otros de l'asturianu, afitaba-y al gallegu-asturianu un calter de llingua de transición ente dambes. Al aviesu, otros llingüistes defendíen el so afiyamientu dafechu a la familia galaico-portuguesa, allegando que la fala mantenía dacuando meyor qu'otres llingües galaico-portugueses los trazos orixinales d'esi dominiu.

a) Argumentos internos

• La «n» cayediza fenomenú que agrávase'n gallego-asturianu frenti'l gallegu, mager qu'esti procesu desconocese n'asturianu occidental entá que tamién dase en dellos dialeutos asturianos como nos artículos del casín, en pallabres cabraliegues (ermau) y de Les Arribes (mañá). Esti datu ye'l argumentu mayor pa quienes rebaten la teoría del continuum galaico-asturianu, pues precisamente dase la circunstancea acuriosa de qu'esti fenómenu dexase ver mas nos conceyos arrimaos al asturianu ocidental siguiendo una tendencia norte-sur que entamase en Portugal. Esti datu agüeyase na formación de los plurales, nos aumentativos, na formación del femenín, pero sobro to na perda de les ñasales-palatales. Dotramiente, dellos fenómenos como la fricativación de la lletra "-s-", vense tamién agravaos nel gallego-asturianu mesmu que nel asturianu occidental y el gallegu, xastre (xastre) o llouxa (llosa) y apenes veise n'asturianu, asina: cereixa, (cereza), freixo (fresnu), vexo (verbu ver), queixo (quesu), eixòla (azuela) etc.

• Les vocales abiertes «è» y «ò», sobro tó na conxugación verbal, nun casen colos diptongos -ie y -ue-. Ye esto una consecuencia del espardimientu de les semiconsonantes y de la metafonía propia de les fales asturllioneses d'una y d'otra de la deformación de les vocales pola perda de la ñasalidá propia de les gallegues. Tien estes últimes llingües una fuerte dependencia del vocalismu orixinario de la llingua llatina, fechu que de nuevu agravase nel gallego-asturianu. Asina la flesión verbal del gallego-asturianu vien condicioná pela perda de la distinceón ente vocales abiertes y zarrades nes vocales átonas nel llatín vulgar, tal fechu faz prevaler el morfema sobro'l raigañu nos más de los supuestos atendía a movilidá de les vocales tóniques nel senu del raigañu verbal. Asina, nos supuestos de les formes personales fuertes, les tres persones del singular y la tercera del plural de los presentes d'indicatiu, y tó el suxuntivu, ya la segunda del imperativu, en que los falantes distinguen entre -e y -o abiertes en supuestos en que n'asturianu nun distínguense. En xeneral el gallego-asturianu mantién siempres la distinceón ente les formes fuertes y les débiles escetu nos verbos monosilábicos, (en que la vocal del raigañu ye tónica de necesidá), asina como los derivaos daquellos: ver, crer, ller, atrever, reller... amás de los verbos deber y ceder, de fechu irregulares en gallego-asturianu. Nel asturianu, magar que suele prevaler el vocalismu del raigañu, nun esiste una regla por tar fuertemente influenciáu pol espardimientu de les semiconsonantes. Asina, dellos supuestos el gallego-asturianu casa col asturianu, (tamién col castellanu), magar nun sucede asina na mayoría de los verbos gallego-asturianos en qu’el gallego-asturianu destingue y l'asturianu nun: comer, (nun se diz cuemes), medrar (dellos conceyos emprégase miedrar nun destinguese entre miedro y medramos), secar, enllenar, llevar, etc.. En munchos otros supuestos la discordancia ye mayor col castellanu, asina nel verbu asturiano suañar. Tamién y por lo mesmu en gallego-asturianu ta muy espardía l'alternanza de formes con -i- rizotónica nes tres primeres persones del singular y la 3ª del plural, tol presente de suxuntivu y la 2ª del singular del imparativu, asina nos verbos: espellir/espille, espir/ispo, arrepentir/arrepinto, medir/mido, mentir/minto, pedir/pido, sentir/sinto, etc., magar que l'asturianu esto ye desconozlu, salvo nos verbos -correxir- y -repetir-, amestaos pol castellanu, pues lo normal ye que caltengase la -i- en toda la conxugación asina, por exemplu, el verbu midir. De la mesma manera compórtense verbos como ceñir (ciñir), decir (dicir), ferir (firir), reñir (riñir), seguir (siguir), teñir (tiñir), xemer (ximir), etc.

• El caltenimientu residual del vocalismu ñasal nel gallego-asturianu documentáu por Damaso Alonso, Celso Muñiz y Menéndez García ya que algüentrabase xeneralizáu nel sieglu XIX según consta documentáu por Marcelino Fernández en 1898.

b) Argumentos diacrónicos

Del desamin de les fales vecines pertenecientes al asturianu ocidental pon de manifiestu el encalcamientu de les isogloses orixinaries nel occidente escontra'l Esti y nun del revés. Asina atopamos la esistencia de los diptongos decrecientes ei, ou, oi (veiga, pousar, cobertoira), la anticipación de la yod epéntica: cueiru/cueriu, agüeiru/agoriu, miradoiru/miradoriu frenti al caltenimientu daquella, el resultáu /n/ viniente de doble -nn- llatína (cabana, esconsonar, cana) frenti a la tendencia a palatizar los sónios ñasales en asturlleonés, el resultáu -it- palos grupos llatinos -CT- y -ULT- (feita, muita), el resultáu /_t∫/ palos grupos llatinos PL, FL y KL- (chegar, chama, chave), la formación de plurales analóxica y nun etimolóxica, la acentuación esdrúxula deles dos primeres persones del plural del presente de suxuntiu, el caltenimientu de F- llatina d’aniciu más propiu de les isogloses ocidentales, el resultáu -m- pal grupu secundariu -M’N- (huome, fame), el caltenimientu del grupu llatinu -MB- (llombo, llamber), la falta del neutru de materia: “l'augua fría” non "l'agua frío", el caltenimientu de la diptongación orixinal (ou, ei, au, oi): cousa, queisu, veiga, carpinteiru, cucineira, el caltenimientu de les dentales intervocáliques cantada/cantá, el resultaos del grupo -ori, la falta de palatización de les nasales iniciales, nieiru/ñeru, niebla/ñebla, nabu/ñabu, el caltenimientu deles vócales breves llatines pa pallabres como fonte, (fuente) ponte, (puente), soñar (suañar), forcia (fuercia), etc... magar lo normal ye adoutar diptongos de transición entre les fales gallegues y asturianes: puorta (puerta), suorte (suerte), guorta (güerta), cuorda (cuerda), etc... Pel contrariu nun se conocen isogloses asturlleoneses que arrabasen a llínia del Navia, pues como siñalara Frías Conde, la palatización de les consonantes llaterales o el caltenimientu de los partitivos, que suelense citar como amosa, son fenómenos conocios de antigu na llingua galaico-portuguesa que pueden xustificase sin necesidá de trayer al casu la teoría del continuum galaico-asturiano.

c) Argumentos históricos.

De llargu el mayor argumentu que ven a caltener la tesis tradicional tenlu el desamín de los documentos antiguos del monesteriu de Villanueva d'Ozcos, conocíos como el cartulariu de Villanueva d'Ozcos de caberol sieglu XIII fasta'l entamu del sieglu XIV.

Sustratu llingüísticu

Atómase el gallego-asturianu, ente les llingües romances dimanantes del llatín. Nel dense los mismos rasgos conservadores propios de les llingües iberoccidentales del noroeste peninsular. Los rasgos conservadores xustfiquense polo xeitu ya el orixe del procesu de romanización del Noroeste peninsular, procedenti sin llugar a dolda del Sur, y seguramiente dela Bética, (la rexión que más ceu fue romanizá dela llatinidá). Xustificase asina, que nel gallego-asturianu al igual que nel restu de les llingües iberocidentales, castellanu, asturianu, portugués caltiense palabres consideraes inda como arcaismos nel llatín itálicu del sieglu I, (mas ceu que la romanización del Noroeste), asina el caltenimientu de 'fabulari' frenti a 'parlare', (cast. hablar, port. falar., etc.), 'quaerere' frenti a 'volere', 'percuntari' frenti a 'questionare', campsare, etc. Come siñalara Griera en 1922, desdi antigu pusierese de manifiestu la teoría deles dos caminos na romanización dela península ibérica, fechu que confírmase per la división peninsular en dos provincies citerior y ulterior, representatives de los centros de poder del imperiu asitiaos na Bética y la Tarraconense. De ciertu les zones d'influencia nun arresponden colos grupos llingüísticos estudiaos, mager debe de tenerse presenti que la incorporación a la romanidá delos territorios del Noroeste ye postrera a dicha división. Para Meyer Lübke estos dos centros de romanización, presienten grandes contrastes de tipu cultural, lingüísticu, etc. A la Bética, cola so florecienti cultura ciudadana y la so activa vida cultural vien se oponer el carálter militar y vulgar dela Tarraconense. A esta diferenciación cultural y social respondería seguramenti el carálter conservador del Sur, que esplicara tamién el carálter conservador del asturianu y del portugués: caltenimientu de la -U final, caltenimientu de los grupos AI, AU, MB, dela distinción ente les vócales -o- y -e- zarrades y abiertes, pero tamién el carálter más abierto, p'asimilar el sustratu llingüisticu del Noroeste.

Pue, asina amosarse les seguientes rasgus desti sustratu llatinu:

a) Caralteres conservadores del gallego-asturianu:

• Caltenimientu de la -f- inicial, cuya perda nel Nordés de Asturies débese a la influencia del sustrato vascu que desconoz esa consonanti.

• Diptongos decrecientes Evolución grupu ai>ei, grupu au>ou

• Caltenimientu de la vocal final. Esti ye un proceso que procede del Nordés peninsular, llegando afeutar al castelllanu. Nel gallego-asturianu y el asturianu viense afectaos, de postreru. Asina na perda de la vocal protética, producese tan solu en neologismos, per influxo del castellanu vulgar, nos grupos llatinos –atis y –utis (voluntá, salú), más caltiense nas palabres más encurtíes na llingua: sede, rede, vide

• Caltenimientu del grupo -mb-

• Sistema vocálicu

b) Caralteres derivaos del substratu prerromanu.

Osérvese come a medide que adelántrese facia el Oeste paradoxicamiente estos rasgos conservadores son más acusaos. La razón desto, quizais debese a la dirección del procesu de romanización y de les guerres cantabres, nel que incorporénsen grupos itálicos nel que la evolución de llatín tuviere más avanzá o tuviere carálteres propios. Nel sen desti sustratu dela llingua falada nel Noroeste siguiendo a Baldinger atopamos los siguientes sustratos:

• Sustratu celtoatlánticu. Ye conocíu come les llingües céltiques desconocieran o restrinxeran el usu deles oclusives sordes, ye per eso, que tienden a sonorizarse aquelles en la romania occidental fasta la llínea Spezia-Rimini, según grafíes que daten del sieglu II, asina lat. cepulla>Eon. cebolla/cebola, lat. lupus, Eon. Llobo/lobo, lat. separare>Eon. xebrar. Tamién manifiesta la esistencia de este sustratu per la perda de les consonantes oclusives sordes, asina grupos -ct, -ps, p', captivus>cautivu (ast.), raptare>roubar (ast. Occid., gall. Eon.), rápidus>raudo (cast.), rabion (ast.), absentem>ausente (cast., gall, Ast., Eon.), capsa> caixa, (gall. port. eon.), lat. noctem (gall. Noite, ast. oc. nueiti, Eon. noite). Otru de los fenómenos del Eonaviego, que tien de seguru so orixé nas llingües del grupu célticu, ye'l del anticipación de la yod epéntica consistiente nuna asimilación anticipatoria en presencia de yod, con apertura de la vocal llegau el caso pa facilitar el diptongu. Bernardo Stempel, vien documentando esti fenómenu del desamin de diverses lloses funeraries cetihispanos El desamin aplicau dentamu al celtibéricu, constata que los grupos PC del tipu –ak(j)a evolucionaron a –ajka (Brigajka < Briga-k(j)a, Ambajcos < Amba-k(j)os, Kallaikos < Kalle-k(j)os, etc.)Esti fenómeno que relaceona llingüisticamiente al celto-hispanu col Goidelo más ceu que con la céltica continental, procesu podría arresultar más ampliu, ya alcanzar a todos los grupos nos que la anticipación dela yod arresulte posible, si ateniemos al acusativu celtíberu (*)Ailom desarrollau dende el PCAljo (PIE *h2elyo) que arrespondería col veyu irlandés 'Aile' frenti a la tendencia palatalizadora del Galu 'Allo'.

• Señarda propia del Noroeste ye'l della -n- cayediza que tien nel Eo-Navia su epicentru. Baldinger destaca la esistencia dun antigu sustratu atlánticu que llegara hasta la gascuña, y que fuese disolviendo, amodu tal, que presientese güey tan sólu nel suroccidenti francés y el Noroeste peninsular, asomándose tamién nel vascu. Esti sustratu vese confirmao por la esistencia de munchos vocablos comunes ente estes rexiones. Así Gamillscheg, demostrara, come ye nestos dos polos, onde dase una ñasalización progresiva, en oposición a la nasalización sólo regresiva que dase na galorromania y abonda tamién notros casos: la ñasalización llega nel perimer casu, (tamién) al elementu siguiente, en el segundu al antecedenti: llat. minutu>gasc. meũdu>mũt, munt; llat. juniperu>lat. vulg. jeniperu>djenimbre gasc. jimbre, port. juimbre, jimbre, vasc. ipuru, en oposición al castellano enebro. Asina pues, nun sólo tien en común, la conocía perda dela -n- intervocálica (lat. canale>gasc. cáu, Eonaviegu caal), sinón tamién el modu de ñasalización. En tal sen, véi Damaso Damaso Alonso, Engañar, volar, casos y resultados de velariación de –n- en el dominio Gallego., nel que faise repasu de tos estos fenomenos. Tovar pretien tamién achalgar exemplos significativos de la perda de la -n- nun tiempu remoto también na rexión cantabro-astúrica, Ongayo<aunigainum, Bedoya>Bedunia, los dos procedenti de Cantabria, colo que quedarían rastros desti sustratu, tamién nel restu del Norte peninsular. Nel restu de Asturies abundaría tamién notres amoses, asina nel Conceyu de Sobresescorpiu nel que ta espardía tamién la perda da -n- intervocálica, asina uo, ua, uas, uos, tamién dase en toda Asturies a perda dela -n- interovocálica, nel grupo m'n, hominem>home, luminem>lume, nomine>nome. Lo acurioso del Eo-Navia ye la radicalización desti fenomenu, que ye determinanti na formación del vocalismo ñasal, y supon el elementu que viniera a axuntar a les distintes xeringues galaicoportugueses.

c) Caralteres derivaos del procesu de romanización.

• Casu aparti ye’l de la palatización y dexeminación deles llaterales. La teoría tradicional que vien formulá por Menéndez Pidal, caltien que la –l- latina palatizó en toda la península y nos dialetos centro-meridionales italianos, d’eí suspusu la entrada nel procesu de romanización d'elementos oscos que introduxeren esta peculiar pronunciación dela -l- desti pueblu subitálicu dacuando la implantación del llatín. Lo ciertu, ye que nun se atopen exemplos de palatización nas grafíes romanes y visigodes.Rohlfs, pelo contrariu, esplica, esti procesu como un supuestu más de reforciamientu dela articulación del cabero del raigañu, que fuera semeyante al pasu de la r>rr, n>nn>ñ. Nesti sen nel eonaviego el arreforciamientu devendría dela necesidá de encalcar la pronunciaceón deles llaterales al nun axustarse el modu de pronunceación d’estes consonantes en llatín a les preexistentes nel noroeste peninsular, lu que darían sen tamién a otros fenómenos, perda de les laterales intervocáliques nel eonaviego medieval, la evolución del grupu pl-, fl-, cl- o la confusión de les líquides –l- y -r-. La pronunciación de llaterales tendría unos caralteres propios so to na comarca naviega, dada la variedá de realizaciones que puden atomase nun y otru llau del Navia. Paez del tó seguru pa tos los tratadistes que esti fenomenú ye consecuencia del procesu de romanización como deriva de la so procedencia Este a Oeste.

Realidá Sociollingüística

No que se refier a la propia conciencia identitaria de los asturianos d'Entrambasauguas, y acordies col estudiu del Euskobarómetro, un 74% de los encuestaos afitaron sentise «asturianos hasta a médula» y un 15% identificábense tamién como asturianos anque al empar como «un poco gallegos». Nel otru cabu, namái un 9% se reconoz como «de llende» y sentise tan gallegu como asturianu. Esta identificación, qu’amuesa una conciencia permayoritariamente asturiana, vese entá más al entrugar qué-yos paecería revisar les llendes de la so zona: nueve de cada diez (88%) quieren que’l territoriu del Navia-Eo siga siendo parte d’Asturies.

Reconocimientu xurídicu de la llingua gallego-asturiana

L'Estatutu d'Autonomía p'Asturies escaez la esistencia d'esta modalidá llingüística, atoma que tratase d'una modalidá del bable/asturianu. Asina, nel so artículu 4, establez:

"El bable va gozar de protección. Va promovese'l so usu, la so difusión nos medios de comunicación y la so enseñanza, respetando en tou casu les variantes locales y la voluntariedá nel so deprendizaxe".

Asina mesmo, nel artículu 10.1.15 señala como competencia del Principáu:

El fomentu y protección del bable nes sos diverses variantes que, como modalidaes llingüístiques, utilícense nel territoriu del Principáu d'Asturies.

Pal Estatutu el gallego-asturianu ye una modalidá llingüística del bable-asturianu. Güerfana de la tutela autonómica, el gallego-asturianu viose espuestu al espansionismu dela comunidá vecina quien ya tenía reconocia la so presencia na promoción del gallegu en les comarques castellano-lleoneses del Bierzu. Nel año 1993 ante la importancia que taba atomando la cuestión del gallego-asturianu presentase editá pelo Gobiernu del Principau, la “propuesta de normes ortográfiques y morfóloxiques del gallego-asturianu”, que vien precedía d'una crítica a la ñefasta influencia que venían exerciendo los circuitos nacionalistes gallegos na evolución d'esta llingua. Lo ciertu, qu'esta nun ye sinon arrespuesta tardía escontra les "normes ortográfiques y morfológiques del gallegu d'Asturies" de 1990, que poca trascendencia tendra pel'achalgar pa detrás la "Mesa para la defensa del Galego de Asturias", MDGA, asociación de caráuter galleguista qu'escarecía d'autoridá pa empuner sos conviciones dau'l denostau espansionismu dela Comunidad vecina. Lu cierto ye qu'esti asociación fue'l primer movimientu de concienciación social del fechu diferencial gallego-asturianu y tien nel so aber la publicación dela revista Britonia, que supon'el aporte cultural más emportante d'esta comarca del oeste asturianu dende'l tiempu de don Marcelino Fernández y don Bernardo Acevedo Huelves.

Nel añu 1.996, el Principau d'Asturies confier potestá llegal asoluta pala normalización ya ordenación del Gallego-asturianu al ALLA, lóxica consecuencia del tratamientu del tema nel Estatu, nel que atómase esta llingua como una variedá llocal del bable, fechu que nun dexa de ser ralo, atendíu el conceutu que la propria ALLA tien del gallego-asturianu, si cabe como una llingua de transición contaminá si se quier pela abegosa influencia del gallegu.

N'esti mismo añu de 1996, ye nel que críase la Secretaria llingüística del Navia-Eo, que supon'el primer pasu pa'l reconocimientu de fechu de la realidá llingüistica del Oeste Asturies. Tamién ye nel branu d'esti anu nel que se publica'l primer numberu dela revista d'entrambasaguas, que achalga 25 numberos al día de güey.

Abonda trascendencia tien entoncies el posicionamientu del presidente del'ALLA, siñor García Arias, a raigañu del polemicú artículu «El continuum llingüísticu ente’l gallegu y l’asturianu», póblicau en 1.997 en Lletres Asturianes 62: 43-50. Ye esti informe ralo de to rigor cientificu al escarecer de aparatu diacrónicu, y presiéntase al tiempu del debate parlamentariu dela Lley d'uso y promoción del bable cola finalidá de arrendar les postures arrimades a l'autonomía llingústica del Navia-Eo. D'esta miente arribose una radicalización dende entoncies deles posiciones del ALLA, enterriu a to posible reconocimientu dela señardá dela llingua eonaviega y apuesta polos procesos de vulgarización que ya afeutaben pel encalcamientu del castellanu, (desaparición dela -d- intervocalica, caltenimientu de prestamos del castellanu y omisión deles tildes nas vocales abiertes).

Más ceu vien a promúlgase la Lley 1/1998 de 23 de marzu d'uso y promoción del bable asturianu. Esta norma supon'el primer reconocimientu oficial d'esta modalidá llingüística, reconociendo nel art. 2 los mesmos derechos pa'l asturianu, si bien arrimau a les comarqués nas que tien carácter de modalidá llingüística propria, lo que ya de fechu un avance ye, escaece que dellos más de falantes tan nas grandes urbes del centru d'Asturies como consecuencia dela migración al mediu urbanu.

N'agosto de 1998, promovía pela Secretaria llingüística cellebrénse en Castropol les Actes deles Primeres Sesiones d'Estudiu del Occidente, que lluegu tendrén continuación na Caridá, el 1 y 2 d'abril de 2005 nas "Actes das Segundes Sesiones d'Estudiu del Occidente", que supusieran un gran avance del reconocimientu del fechu social desta llingua. Tal reconocimientu adouta de firme por el ALLA a partir de 2006. El 20 de noviembre d'esi añu presentase pela presidenta del ALLA, Ana María Cano González, y el secretariu de pulítica llíngüística Antón González Riaño, "Informe sobre a fala ou Gallego-Asturiano. Úa perspectiva hestórica, social y llingüística". El informe pretende espeyar les duldes respeuto a tolos aquellos que poñen en tela de xuiciu l'asturianidá del Navia-Eo. L'informe axunta, según Cano, el regor científicu cun propósitu divulgatiu. Tamién contien encuestes so'l sentimientu positiu a la equiparación dela fala del Navia-Eo col restu de llingues oficiales del Estau. Pese l'avance que esti documentu supon, oservase un tratu bien distintu entre l'asturianu y el gallegu-asturianu pues si el primeru queda constreñidu a la comarca eonaviega, (inda que la mayoría de los sos falantes viven nel centru de Asturies), promuévese el carauter oficial pel asturianu pa toda Asturies, esto ye tamién pa la Eo-Navia, (cola obligación que supon palos vecinos dela comarca de coñocimientu nun solo del gallego-asturianu ya el castellanu sinón tamién del bable-asturianu).

Les midíes normalizadores de la fala o gallego-asturianu pasen pela so reconocencia como llingua oficial nel Eo-Navia, de mou paralelu a la reconocencia d’oficialidá del asturianu en toa Asturies.

La xestión del ALLA n'estos años nun pudiere ser mas abegosa. Ainda qu'el 72% delos encuestaos nel 2002 declara saber falar en gallego-asturianu, este dato positiu amestase si reparamos cuál yera la llingua materna delos encuestaos. Nel ano 1989 el galego-asturianu yera la llingua na que se criara un 75%, magar que nel ano 2002 namái yera la del 50% dela población. Nel 1989 el castellanu yera a llingua materna pa un 22% delos encuestaos, mientries que nel 2002 fue la llingua na que criose'l 49% (32% como única llingua y 17% axuntá algallego-asturianu).

El Comité de Ministros del Conseyu d’Europa fizo público 11/12/2008 l'informe sobre'l siguimentu dela Carta Europea deles Llingües Rexionales Amenazades, nas qu’incluye al gallego-asturianu. El informe analiza les llingües rexionales españoles dividiendoles entreles que gozen d'oficialidá (el catalán, l'euskera, nel País Vasco ya en Navarra, el valencianu, el gallegu y el catalán nas Isles Baleares) y les que nun lleguen a tener esi reconocemientu (asturianu y gallego-asturianu, aragonés y catalán en Aragón, aranés y gallegu en Castiella y Llión. Nel gallego-asturianu, les conclusiones indiquen: “parece que atomaranse mui rales medíes en beneficiu d’esta llingua desdi l'últimu ciclu de supervisión”, refierse a anteriores ediciones del informe onde pidían que tomarense miyores medides. Nel cuerpu del informe arrampuxase deles autoridades a “reconocer la señarda del gallego-asturianu a traviés dela promoción dela llingua y la cultura qu’esti representa”. Tampoco nun ven claru que les autoridades tuvieren tomando medíes firmes na so defensa, especialmente nel campu del enseño. El Comité arremete escontra les autoridades españoles de falta d’información palos casos del asturianu y del gallego-asturianu, ya insta-yos “a tomar medides firmes p'apoyar el gallego-asturianu ya informar nel prósimu informe periódicu so les medides adoptás”. Esta falta d’información choca cola abondancia d’ella nel casu del euskera, el gallegu o el catalán. El Comité vien a encalcar la necesidá d’aumentar la presencia y visibilidá na vida póblica del gallego-asturianu, como recomendara-y nel primeru de sos informes, recomendación sobre la que nun recibió della comunicación nel tiempu que pasó desdi aquella.

Vocabulariu comparativu dacordies colos trazos morfolóxicos de la fala

Llatín	Gallegu-portugués	Portugués	Gallegu	Gallegu-mindoniense	Gallego-asturianu	Asturianu occidental	Lleonés	Asturianu	Español
altu(m)	outo	alto	alto	alto	alto	altu	altu	altu	alto
alĭquis (alĭquem)	algũa	alguma	algunhas	dalgunhas	dalgúas	dalgunas	dalgunas	dalgunes	algunas
árbor(em)	árvol	árvore	árbore	árbore	árbol (ant. árbole)	árbol	árbore	árbol/árbole	árbol
asciata(m)	aixada	enxada	aixada	eixada	eixada	xada	azada	azada	azada (vul. azá)
áuru(m)	ouro	ouro	ouro	ouro	ouro	ouru	ouru	oru	oro
brácchiu(m)	braço	braço	brazo	brazo	brazo	brazu	brazu	brazu	brazo
bassus	baxo	baixo	baixo	baxo	baxo	baxu	baxu	baxu	bajo
capsa	caixa	caixa	caixa	caixa	caixa/caxa	caxa	caixa	caxa	caja
caballus > gr καβάλλης	cabalo	cabalo	cabalo	cabalo	cabalo/caballo*	caballu	caballu	caballu	caballo
capanna (m)	cabana	cabana	cabana	cabana	cabana	cabana	cabana	cabaña	cabaña
cǽlu(m)	ceo	ceu	ceo	ceo	cêlo	cielu	cielu	cielu	cielo
cerasium	cereija	cereja	cereixa	cereixa	cereixa	zreiza	cereiza	zreza	cereza
cláve(m)	chave	chave	chave	chave	chave	ḷḷave/chave	chave	llave	llave
cena (m)	cea	ceia	cea	cea	cía	cena	cena	cena	cena
corium	coiro	coiro	coiro	coiro	coiro	cueiru	cueiru	cueru	cuero
dígitu(m)	dedo	dedo	dedo	dedo	dido	deu	deu	deu	dedo
dúōs	dous/duas	dois/duas	dous/dúas	dous/dúas	dous/dúas	dous /dúas	dous/dúas	dos	dos
germanus (germanum)	irmão	irmão	irman	irmao	ermao	ermanu	hermanu	hermanu	hermano
hómo o hómine(m)	homem	homem	home	home	hòme	huome	home	home	hombre
líbru(m)	livro	livro	libro	libro	libro/llibro*	ḷḷibru	llibru	llibru	libro
lūna(m)	lúa	lúa	lúa	lúa	lúa/llúa*	ḷḷuna	lluna	lluna	luna
lana(m)	lã	lã	lá	lá	lá/llá (ant. lã/llã*)	ḷḷana	llana	llana	lana
mulier (em)	muller	mulher	muller	muller	muyer	mucher	muyer (muyyer)	muyer	mujer
mānu(m)	mão	mão	man	mao	mao	manu	manu	manu	mano
multu(m)	muyn/muito	muito	moito	muito	muito	muitu	muitu	munchu	mucho
nígru(m)	neiro/negro	negro/preto	negro	negro	negro	negru (prietu)	ñegru	negru/prietu	negro
níve(m)	neve	neve	neve	neve	nève	ñeve	ñeve	ñeve	nieve
nócte(m)	noite	noite	noite	noite	noite	nueite	nueite/nueiche	nuechi	noche
parete(m)	parede	parede	parede	parede	parede	paré	paré	paré/parede	pared (vulg. paré)
péctu(m)	peito	peito	peito	peito	peito	peitu	pechu	pechu	pecho
planu (m)	chão	chão	chan	chao	chao (ant. chão)	ḷḷanu	chanu	llanu	llano
plenum (m)	chẽo	cheio	cheo	cheo	chèn/chío	ḷḷen/chen	chenu	llenu	lleno
porta (m)	porta	porta	porta	porta	pòrta	puorta	puerta	puerta	puerta
quatru(m)	quatro	quatro	catro	catro	cuatro	cuatru	cuatru	cuatru	cuatro
quantus (m)	quanto	quanto	canto	canto	cònto	cuentu	cuantu	cuantu	cuanto
quī / quem	quem	quem	quen	quen	quèn	quien	quien	quien	quien
súcu(m)	çume	sumo	zume	zume	zume	(…)	zume	zume	zumo
ūna(m)	hũa/ũa	uma	unha	unha	úa	una	una	una	una
vétulu(m)	vello	velho	vello	vello	vèyo	vieyu	vieyu (vieyyu)	vieyu	viejo
vicīna(m)	vecinna	vecinha	veciña	veciña	vecía (ant. vecĩa)	vecina	vecina	vecina	vecina
fr (pantalon)	pantaloẽs	pantaloẽs	pantalóns	pantalós	pantalois	pantalón (pantalones)	pantalón (pantalones)	pantalón (pantalones)	pantalón (pantalones)
et	e	e	e	e	y	ya	ya	y/ya	y
salute (m)	saúde	saúde	saúde	saúde	salú	salú	salú	salú	salud (vulg. salú)
lupus (m)	lobo	lobo	lobo	lobo	lobo/llobo*	ḷḷobu	llobu	llobu	lobo
caminu (m)	caminno	caminho	camiño	camín	camín	camín	camín	camín	camino
probabĭlis (em)	probavel	probavel	probable/probabel	probrabe	probrabe	probable	probabre	--	probable
aqua (m)	agua	agua	auga	auga	augua	augua	augua	agua/augua	agua
gelāre	gear	gear	xear	xear	xelar	xelar	xelare	xelar	helar
meum/suum	meu/seu	meu/seu	meu/seu	meu/seu	mèu-mèo/sou	miou/sou	miu-mieu-miou/sou-súo	mio/so	mío/suyo
ille/illum)	o-el/el	o/ele	o/el	o/el	el/él	el/él	el/él-elli	el/él-eli	el/él
illos/illas /illos	ha/a, hos/os, has/as	a, os, as	a, os, as	a, os, as	a, os, as	la, los, las	la, los, las	la, los, les	los, la, las
tenēre	ter	ter	ter	ter	ter	tener	tenere	tener	tener
pratu (m()	pradeira	pradeira	pradeira	pradeira	pradeira	pradera	pradera	pradera	pradera
terra (m)	terra	terra	terra	terra	tèrra	tierra	tierra	tierra	tierra
cadô,is,ere,cecidî,câsum	caio, cai, cagere/caer, caí, caído	caio, cai, cair, caí, caído	caio, cae, caer, caei, caído	caio, cai, caer, caín, caído	cayo, caí, cayer, caín, cayido	cayu, cayes, cayer, cayí, cayíu	cayu, cayes, cayere, cayí, cayidu	caigo, caes, cayer, cayéi, cayíu	caigo, caes, caer, caí, caído
trahô,is,ere,trâxî,tractum	traio, trai, trager, trage, tragido	traio, trai, trair, traí, traído	traio, trai, traer, trouxe, traer, traído	traio, trai, traer, trouxe, traído	traigo, trai, trer, trouxen, traído	traigu, trai, trer, trouxe, traíu	trayo, traye, trayere, traxi, trayidu	trayo/traigo, trai, trayer/traer, traxi, trayíu/traíu	traigo, trae, traer, traje, traído
Llatín	Gallegu-portugués	Portugués	Gallegu	Gallegu-mindoniense	Gallego-asturianu	Asturianu occidental	Lleonés	Asturianu	Español

• Fasta'l Porcía

Amueses de testos

El Franco: : A fòrza del mèdo

Foi condo a guèrra. Daquella... metéraseyes na cabeza aos mandamases qu'a invasión d'Europa podía'mpezar por úa ribeira cualquèra del Cantabrico. El caso è que nel nòso Conceyo ergèronse us contos palandraques pra fer vèla denòite en sitos como A Talaya de Porcía, Monèllos, El Pòrto, Pormenande. Y hasta fixeron... fortificaciois noutros como'l cabo Blanco (inda quedan xanzas). Como è natural nestas ocasiois, dispuxèronse turnos pra fer guardia de noite. Conque... úa das noites d'aquel vrao tocouyes velar a Pèpe de Xandrín y Manòlo das Veiras. Pèpe èra un hòme de muita calma, falaba sèmpre aspacío y pensaba muito lo que tía que decir y lo que tía que fer. Manòlo, tamèn pousao y tránquilo al sou xeito, como más novo, èra al mismo tèmpo, màs arrechao y hasta, às veces, un pouco barrumbeiro. Pòs bèn aquél, fòra un día de muita xèira pra Manòlo por que tuvèran, él y sou padre, (que fían casas), trabayando a rabo'stallar nùa que tían pra poñerye ramo, na Caridá. Así que còndo chegou à casa y ye dixo a muyer. -¡Aí hò! ¿Nun temos bèn a cigua, que che toca ir fer guardia hòi denoite a Monèllos?-, -Xa podía ser siquèra'l domingo, hò; que nun tuvèses tan cansao!- Contestouye'el -¡Me cago na parafusa! ¡Pòs è que m'amòla bèn! ¡Ah nía, y con quèn teño qu'ir!- Pòs nun había que ferye.

García García, José. El Franco y su concejo, Mieres del Camín, 1983, p. 321

Castripol: In Memoriam Victoriano García Paredes

Y tú es el primeiro que te fuches

inda novo y galan inda luitando
por a sorte d’os nosos intereses,
a República, el ponte, os veyos usos
toda a alma d’este gran penedo
en que tamos vivindo emporondados
tu te fuches y fáltasnos agora
como falta un espeyo en que mirarse
tías a gracia y aquelas virtudes
que dicen que son nosas ¡mal pecado!
y sempre me chegabas con un libro,
un libro novo que tías que leerme
-por que foron os libros teus amores-
y leías tan mole, tan seguido,
qu’eu votabach’os oyos aló enriba
y Maiximo quitaba as antiparras
y el mar n’a fonte íbase durmindo
escuitando a lectura ¡Quen olvida
el que todos ouguimos ¡Dende agora
xa formas grupo c’os homes gloriosos
de Castropol: gloriosos como el río,

com’os loureiros da nosa ribada.

Pedro Penzol, El Aldeano, 1933

Bual: Sonetu en memoria de Xovellanos

Vusté era un gran señor, eu era un probé;

Vusté era un sabio; eu era un ignorante;
Eu era un ananín, vusté un xigante;
Pedrafina vusté, e eu un adobe.
¡Dios axuntounos!... E se a min me move
A Piedá pra ir de Xove hasta Llevante,
A traición e a inxusticia, malandante,
Tráenlo a vusté dende Llevante a Xove.
Sirve a España leal, e al soberano
Y páganye en traiciois os tramposos:
Sírvolo eu a vusté... E chámame ermao
Se ye erguen ua estauta, xenerosos
Mañá en Xixón, suprique a sous paisanos

¡Que fagan a pilastra cos meus ôsos..!

Bernardo Acevedo y Huelves, Bual, 1874

El cartulariu de Villanueva d'Ozcos

Ún de los aspeutos más relevantes del Eonaviego ye l'estudiu filolóxicu de la evolución d'esta llingua a traviés del esame de los testos medievales documentaos nel Monesteriu de Santa María de Villanueva de Ozcos. Sobro'l esame, úfrenos datos mui relevantes pal conocimientu de la formación de les primitives llingües romances n’Asturies. De la importancia que tien esti cartulariu pal conocimientu de la formación de la llingua romance n’Asturies danos cuenta'l fechu que, dacuando, en 1865, Aurelianu Fernández-Guerra amuesa nel discursu sobro’l Fueru de Avilés les cincuenta primeres escritures en llingua romance documentaes n’Asturies veintiséis de les mesmes pertenecen al Monesteriu de Ozcos y el restu a otros cartularios y fondos documentales asturianos.

Magar la so importancia, fai falta entá un estudiu sistemáticu d'esti cartulariu. El primer que publica dalgunos testos del Cartulariu ye’l referiu Aurelianu Fernández-Guerra nel citáu «Discurso sobre el Fuero de Avilés» mas ha desperarse fasta que nel añu 1954 se fáiga la primer edición sistemática de los primeros textos del Cartulariu, por mor de la publicación del artículu nel RIDEA «El convento benedictino de Villanueva de Ozcos» BIDEA nº 22, 1954 por Marcos G. Martínez, edicíón bastante deficiente en tolos sentíos, que ye meyorada pola realizada en 1981 por Pedro Floriano Llorente en RIDEA, (Vid. Floriano LLorente P. «Colección dipolomática de Villanueva de Ozcos 1ª, serie», BIDEA 102, Uvieo 1981, p. 127-190). Esta edición ameyorada tantu pol procuru de la edición como poles referencies toponímiques y personales atropa fasta l'añu 1200. En 1994 la revista Britonia, retoma l'interés pola cuestión y vien a editar la segunda serie de la colección diplomática del cartulariu, realizada pol propiu Pedro Floriano Llorente, edición qu'ensin embargo nun responde a les espectatives de los editores por llegar namái fasta l'añu 1250 nun escaeciendo miga de testos en romance, polo qu'en 1998 vien a publicase tamién una segunda versión munchu más minoritaria y completa que llega fasta l'añu 1300, y que publicarase tamién por Britonia, («Colección Diplomática del Monasterio de Villanueva de Ozcos 2ª serie», Britonia 2 Ovieu 1998) d'abondo más interés pa la cuestión estudiada. Esta edición ye comienzu pa la publicación d'otres setenta escritures por Alvárez Castrillón, na obra: Los Ozcos en los siglos X-XIII, un modelo de organización social del espacio en la Asturias medieval, (Uviéu 2001), resiéntese esta edición namái del fechu que la so intención nun ye tantu el estudiu filolóxicu de la llingua como'l de la organización social de la Asturies medieval, más reflexada como la llingua eonaviega caltiense fiel a sos orixes ya estraña a la evolución del restu de la diplomática asturiana (munchu más conservadora) fasta'l caberu del sieglu XVI. De ultimes, nel añu 2011, Alvárez Castrillón tien publicau en Ridea, la edición más completa del cartulariu fasta la fecha, "Colección Diplomática del Monasterio de Santa María de Villanueva de Oscos (1139-1300)", llibru de llargu esperau, que vien a dar muncha lluz sobro l'orixen desta llingua.

Al mirar pa los documentos antiguos del monesteriu de Villanueva de Oscos dende finales del XII fasta'l entamu del sieglu XIV, ponse de manifiestu una identidá asoluta d'esta llingua col romance galaico-portugues daquel tiempu, fasta'l estremu que Frías Conde renuncia al so estudeo por tener tal el pareciu col restu del dominiu gallego-portugués que nun da pa visllumbrar los rasgos de identidá de la llingua gallego-asturiana. Nesta etapa d’entamo únicamente tiense documentaos los traslaos de copies de escritures llatines antigües inintelixibles xa pa el pueblu llanu, v. AHN sec. cleru, carp. 1617, núm. 2, AHN Sec. cleru carp. 1621 nº 15, etc. y nun será sinón a mediaos del sieglu XIII cuando s'asoleyen los primeros documentos orixinales escritos en llingua romance fechos na llingua galaico-portuguesa.

El cartulariu d’Oscos ye un monumentu hestórico esencial pal entendimientu de la evolución de la llingua romance medieval, más tal aportación zárrase cola llegada de la Congregación de Castiella en 1.511 al monesteriu que fina una etapa y entama otra de gran crecimientu económico y social del monesteriu torno a la industria del fierru, pero qu'amatagará'l camín documental d'esta llingua fasta'l so resurdir al finar el siglu XIX-.-

Lliteratura en gallego-asturianu

El primer autor conocíu en gallego-asturianu quiciabes seya Fernan Soares de Quiñones o Quinhões de los cancioneiros, trovador del postrer terciu del sieglu XIII, autor de cuatro cantigues de escarniu y una sátira moral. Nuna de les cantigues cuenta en trés estrofes na llingua gallego-portuguésa del Eo-Navia les “costumes” y “feituras” del “cavalón”, nel que cuénten les andancies d'ún que moraba en Sevilla, y que viniera d'Os Ozcos nes Esturas na llinde con Galicia. Estes estrofes enclúyense nuna cántiga que s'alcuentra dientro de la temática de escarniu y maldecir magar cola suplantación de personalidá propio de les cantigues d'amigu. Seya como fuere, paez que la referencia al caballeru d'Os Ozcos presenta clares referencies alegóriques respetu la procedencia del personaxe que bien pudiera tar reforzada pol tipu de fala emplegada na cantiga. La llingua escrita, que nesti tiempu nun puede distinguise del conxuntu Gallego-portugués, caltiénse bien firme nel occidente asturianu fasta la llegada de la Congregación de Castiella al Monesteriu d'Ozcos en 1.511, ciarrándo'l ciclu documental d'esta llingua, fasta'l so rexurdimientu no postrero del sieglu XIX.

Daquella dase una identificación del eonaviegu col gallego académico, como s'albidra n'autores como Cotarelo Valledor y Antolín Santos Ferraría que desenvuelvense por enteru en gallego. Bernardu Acevedo y Huelves y Marcelinu Fernández Fernández son los primeros autores que garren conciencia de les peculiaridaes d'esta llingua, al primeru de los cuales atribíse'l primer sonetu nesta llingua, “vusté era un gran señor, Eu era un gran probe”. Daquel tiempu ye Ramón García González, (1870-1938) quien amuesa la influencia del espíritu modernista imperante a principios del sieglu XX. La so obra más conocía ye un llargu poema que lleva por títulu “El xardín”. Otru poeta reconocíu d'esti tiempu ye Conrado Villar Loza, (Taramundi 1873-Tapia 1962), conozse pola so temática en tornu a la emigración, tema mui recurrente na lliteratura costumista del momentu.

La llegada de la República trai l’enfotu de popularizar la cultura. Mui importantes son les actividaes de la Biblioteca Popular Circulante, ente les qu’hai que encalcar el Teatro Aldeano que representaba obres en gallego-asturianu, munches basaes na tradición popular asturiana. Nesti tiempu hai que conseñar tamién les collaboraciones periodístiques d'un grupu de persones, que collaboren asiduramente cola revista l'Aldeanu: Alejandro Sela (1911-1982) baxo l'alcuñu «El tío Pepe», Pedro Penzol,

Tres la Guerra Civil Española, decái la producción lliteraria en llingua gallego-asturiana, esqueciéndo la señardá que entamaba a apuntase. Atopase una lliteratura costumista na que s'amésta el gallego-asturianu col castellanu, que cai nas veces más na anecdóta que no lliterario. Na década de los años setenta, gracies al trabayu d'autores como Dámaso Alonso, los autores del occidente asturianu entamen a encalcar la identidá d'esta llingua. D'estos autores cabe encalcar a Manuel García Sánchez, Manolo Galano, autor preocupáu pola cultura popular de la comarca, quien publica en 1.994 con Xacinto Díaz López el «Vocabulario d’a Roda», y quien diez años antias publicara'l llibru «Cuentos Parzamiques». Abonda asiduamente na revista Entrambasauguas, publicando nel añu 2005 un revueltu de 20 collaboraciones escrites pa dicha revista nel llibru «Vento d’outono».

De recien cabe citar a Xose Migue Suárez, (Mantarás, Tapia, 1965) y Xavier Frías Conde quienes inician les sos respectives carreres lliteraries, dende'l estudiu filolóxicu de la llingua, (si bien dende perspectives bien estremaes). Lo más reseñable de toa esta lliteratura ye la so proyección a traviés de diverses revistes de la comarca, por aciu de la dificultá que supón la edición de llibros pa un públicu tan reducíu. La revista de más antigüedá ye «A Freita», de la cual aparecieron once númberos, trátase d'una revista de calter xeneral que s'entama publicar en 1.992 dando cabía a artículos de toles clases. Ente los sos collaboradores cítese a Benigno Fernández Braña, Xan Castañeira, Xosé Máximo Fernández, Susa Argul Muniz, Xosé Antonio Ron Tejedo, Adela Conde Valledor, etc. En 1995 adxuntase un suplementu lliterariu, cola voluntá de dar difusión a los autores eonaviegos altravés d'una edición menos formal qu'un llibru. Frenti a esta revista de tendencia gallegofila, dende 1996 publícase pela Secretaria Llingüística del Navia-Eo, adscrita al ALLA, la revista Entrambasauguas. Dente estos fautores que axudan nestes revistes tán Crisanto Veiguela, (Vegadeo 1959), Alejandro Antúnez Blanco, (Navia 1933), Teresa López, (Búal 1950), Xose Carlos Alvárez Blanco, Xavier Vilareyo (Mieres 1967), Fredo de Carbexe, (El Franco [[1967]), etc.. Nel xéneru dramáticu, como ta indicáu atopemos cierta tradición ente quienes abondan na lliteratura costumista, casu de Villar Loza y Manuel Galano. De recién, viense recuperando obres representaes otrera: “Condo el cariño é de verdá” comedia estrenada en Bual en 1936 pola Agrupación artística d'Armal y "El tratu" de F.F. Arias estrenada en Figueras en 1926.

Son escasos los autores en narrativa. Aparte de los artículos costumistes citaos cabe conseñar la escritora de Santiso, Aurora García Rivas (Santiso 1948), qu'entama tamién nel xéneru llírico la so carrera, asina "os poemarios" o "o viaxeiro da noite" (2004) y "Trinquilintainas" (2007), que compaxina cola publicación de cuentinos pa los neños, "Contos, ducia e media d’eles" (2007) y los llibros infantiles "Cinco contos pra xogar coa música" (2007) y "Rebelión na caixa máxica (2009). De recién publicose "As razois d'Anxélica" (2010), novela que vien teniendo mui bona acoyida na crítica.

Ver tamién

• Tierra de Ribadeo
• Comarca del Navia-Eo
• Fastera del Navia-Eo
• Antigu conceyu de Castropol

Enllaces esternos

[*[1] www.gallego asturiano.es

• Resume práutico de gramática eonaviega (sigún el propuestu de Cotarelo Valledor), de Xavier Frías Conde
• http://www.gallegoasturiano.com/
• FalaVIVA
• Asociación Cultural Xeira
• Mesa pa la defensa del Gallegu d'Asturies
• Averamientu al gallego esterior
• Biblioteca virtual eonaviega
• Nota sobro'l coleutivu ABERTAL
• Noticies n'eonaviegu sobro'l Navia-Eo
• Percorríu pela diversidá llingüística de les tierres d'España, artículu del mayestru José Enrique Gargallo.
• [2]

Bibliografía

• Fernández Fernández Marcelino, El Franco y su concejo, obra de xuventú del que fuera mayestru de Valdepares, d'especial interés el so refraneru, danos datos de gran interés pal conocimientu de la llingua gallego-asturiana del sieglu XIX. L.luarca 1898.
• Acevedo y Huelves y Marcelino Fernández Fernández, El vocabulario del Bable de Occidente, Xunta pa la ampliación de los Estudeos ya investigaciones científiques, Centru de Estudeos Hestóricos, Madrid, 1932. Ye referencia ñecesaria pal estudeu de les fales gallego-asturianes.
• José García García. El habla de El Franco, Institutu Bernaldu de Quirós, Mieres del Camín, 1983, ye edición de la so tesis de doutoramientu dirixida por Emilio Alarcos, presentá na Facultá de Filosofía y Lletres de la Universidá de Uviese el 27 de ochobre de 1979, nella llograse'l grau de sobresalienti con laude.
• Celso Muñiz. El habla del valledor, estudio descriptivo del gallego-asturiano de Allande, Academische Pers., Amsterdam 1978
• Zamora Vicente, Los gruos -uit-, -oit-, en gallego moderno. Su repartición geográfica, Boletín de Filoloxía, XXI, 1963.
• Luis F. Lindley Cintra. Nova Proposta de Classificação dos Dialectos Galego-Portugueses Boletim de Filologia, Lisbúa, Centru de Estudeos Filolóxicos, 1971, p. 16-17.
• Ramón Menéndez Pidal: "El Dialecto Leonés", Revista de Archivos, Bibliotecas y Museos, 2-3:130-131, 1906.
• Menéndez García, Ramón: "Algunos límites dialectales para el occidente de Asturias", IDEA 1951 nº 14,)
• Rodríguez Castellano, Lorenzo: "Palatización de la L inicial en la zona de habla gallega", 1948, nº 4
• Frías Conde, F.X: "O límites entre el galego e asturleonés en Asturias", Revista de filoloxía románica, nº 18, p. 51 y 72.
• Fernández Vior, J. A.: Notas etnolingüísticas del conceyo da Veiga, Academia de la Llingua Asturiana, Llibrería llingüística, Uvieu, 1997.
• Suárez Fernández, X.M.: Vocabulario de Mantaras (Tapia), Aportacióis al léxico del galego-asturiano, Xeira, A Caridá, 1997.
• Pérez de Castro, J. L.: "Contribución léxica al gallego-asturiano III". Revista de la Facultad de Filología, Tomo 37-38, 1987‑1988; 221-236. Pérez de Castro fue durante munchos años Director del RIDEA, estudeoso de las tradiciones de Castropol y su comarca, cuenta además abonda documentación duna de les biblioteques privaes más importantes de Asturies.
• Díaz López, J. y García Sánchez, M.: Vocabulario da Roda, Serviciu de Publicaciones del Principau d'Asturies, Uvieu, 1994 edición que vien meyorá con so 2ª edición en 1996.
• Alonso y Fernández de las Redondas, D.: "Narraciones orales en el gallego-asturiano de los Oscos: relatos, fórmulas curativas y ensalmos de Carmen de Freixe (San Martín de Oscos)". Estudios Ofrecidos a Emilio Alarcos Llorach, Vol. 1, 1977; 31-40
• Alonso y Fernández de las Redondas, D.: Engalar, volar: casos de la velarización -n- en el dominio gallego,
• Xoan Babarro González: Galego de Asturias, Fundación Pedro Barrie de la Maza, 2003; ye una tesis de doctoramientu na Universidá de Santiago de Compostela, aducida con referencies bibliográfiques y nuevos datos.
• Francisco Fernández Rei: Dialectoloxía da lingua galega, edicións Xerais, 1990; hai un aria asturiana qu'enclúi la llingua falada nesta comarca.
• Francisco Fernández Rei y Carme Hermida Gulías: A Nosa Fala, bloques e áreas lingüísticas do galego, editáu pol Instituto da Lingua Galega, 1996. Enclúi etnotestos fonéticos y grabaciones sonores del gallegu faláu en Galicia, asina como nel occidente asturiano.
• Francisco Fernández Rei (ed.): Lingua e cultura galega de Asturias [Actas das 1ºs. Xornadas da Lingua e da Cultura Galega de Asturias : na busca das raíces da Terra Navia-Eo] : homenaxe a Dámaso Alonso / organizadas pola MDGA (Mesa prá Defensa del Galego de Asturias e da Cultura da Comarca). Grandas de Salime, 15-16 decembro 1990; edicións Xerais, 1994.
• F.X. Frías Conde, F.X. El gallego exterior a las fronteras administrativas. Edición en CD-ROM. Universidá Complutense de Madrid, 2001.
• F.X. Frías Conde: A literatura eonaviega contemporánea (notas sobre literatura galega de Asturias). MDGA-VTP. Xixón, 2003.
• F.X. Frías Conde: "O relativo do continuum entre galego e asturiano en Asturias". en Inaua 5, 2004-05.
• F.X. Frías Conde: "O continuum entre galego e asturiano en Asturias, é xustificábel?", in A Freita 15, MDGA : Eilao (Asturias), 10-14. 2000
• Luis F. Lindley Cintra. Nova Proposta de Classificação dos Dialectos Galego-Portugueses Boletim de Filologia, Lisboa, Centro de Estudos Filológicos, 1971, p. 16-17.
• Ramón Menéndez Pidal: "El Dialecto Leonés", Revista de Archivos, Bibliotecas y Museos, 2-3:130-131, 1906.
• X.A. Porto Dapena, Fonología de la -n- velar gallega, en homenaxe a García de Diego, RDTP, XXXII, P. 467-477.
• J. Neira Martínez, El preflijo des, en la lengua gallego-portuguesa, verba III, 1976, p. 309-318, y comparativamente «Los prefijos -ex, -dis en las hablas leonesas» en actes del XI congresu de filoloxía románica, Madrid 1969.
• VVAA, Actas das primeras sesiois d'estudio del occidente, Castripol, 1 y 2 de abril de 2005, edita Academia de la Llingua Asturiana, Secretaria Llingüística del Navia-Eo, Uvieu 2006,
• VVAA, Actas das segundas sesiois d'estudio del occidente, A Caridá, 8 de agostu de 2005, edita Academia de la Llingua Asturiana, Secretaria Llingüística del Navia-Eo, Uvieu 2006.
• VVAA, Revista de Estudios da tierra Navia-Eo nº 1, edita MDGA, Xineru, Xixón, 1995.
• VVAA, Revista de Estudios da tierra Navia-Eo, nº 2, edita MDGA 2ª edición, Xineru, Xixón, 1998.