Tierra de Ribadeo

De Wikipedia

La Tierra de Ribadeo (territoriu de la riba oriental del ríu Eo, ensin venceyamientu dalu cola villa gallega de Ribadeo sacante pol nome y la cercanidá xeográfico) ye'l nome que demientres bona parte de la Edá Media denomó la parte occidental d'Asturies incluyida nel antiguu conceyu de Castropol, qu'enantábase aproximadamente ente los ríos Eo y Navia.

Históricamente dichu territorio correspondía'l qu'en dómina prerromana y romana ocupaben les tribus más nororientales de los pueblos galaicos lucenses, en particular el de los albiones, cibarcos y egobarros.

Anguaño tiende a singularizase esta zona asturiana col nome de Comarca del Navia-Eo.

Arcedianatu de Ribadeo[editar | editar la fonte]

Esa mesma nomenclatura dio llugar a que l'arcedianatu más occidental de la diócesis d'Uviéu llamárase Arcedianatu de Ribadeo, que'l so ámbitu enantóse dende la Sierra de los Ancares, nos confines de les provincies d'anguaño de Lugo y de Llión, fasta'l ríu Nalón, yá nel centru d'Asturies. Según un inventariu diocesanu uvieín efeutuáu en 1382 l'arcedianatu de Ribadeo incluyía los arciprestalgos de Castiel de Navia (Navia de Suarna), Burón (Fonsagrada), Miranda (San Tiso d'Abres), Ribadeo (Castropol), Grandas (Grandas de Salime), Navia de Ḷḷuarca (Navia), Valdés (Trevías), Los Valles (Navelgas), Ḷḷuiña (Ḷḷuarca) y Pravia d'Allende (Pravia fasta'l Nalón; en contraposición a Pravia d'Aquende, que taba na oriella oriental de dichu ríu y pertenecía al deanazgu d'Uviéu); de los cuáles los tres primeros incluyíen un basnetáu del territoriu gallegu de güei, que s'asignara al obispáu de Lugo nuna igua de les llendes diocesanes efectuáu a mediaos del sieglu XX.

Bibliografía[editar | editar la fonte]

  • F. JAVIER FERNÁNDEZ CONDE (1987). La Iglesia de Asturias en la Baja Edad Media. ISBN 84-600-4912-4.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]