Delta Aurigae

De Wikipedia
Saltar a navegación Saltar a la gueta
Delta Aurigae
Delta Aurigae
Constelación Auriga
Ascensión reuta α 05h 59min 31,6s
Declinación δ +54º 17’ 05’’
Distancia 140 ± 6 años lluz
Magnitú visual +3,72
Magnitú absoluta +0,55
Lluminosidá 47 soles
Temperatura 4825 K
Masa ≈ 2 soles
Radiu 12 soles
Tipu espectral K0III
Velocidá radial +8,2 km/s

Delta Aurigae (δ Aur / 33 Aurigae / HD 40035) ye una estrella na constelación d'Auriga de magnitú aparente +3,72, dacuando conocida col nome de Prijipati. Alcuéntrase a 140 años lluz de distancia del Sistema Solar.

Delta Aurigae ye una xigante naranxa de tipu espectral K0III con una temperatura superficial de 4825 K. Ye una de les munches estrelles d'esti tipu visibles a simple vista en que'l so interior produzse la fusión nuclear del heliu. Con una lluminosidá 47 vegaes mayor que la del Sol, el so radiu ye 12 vegaes más grande qu'el radiu solar. La so metalicidá ye similar a la que tien el Sol. Tien una masa averada de 2 mases solares y la so edá envalórase en 1300 millones d'años.

Delta Aurigae, Menkalinan (β Aurigae) y θ Aurigae —los trés en perfecta alliniación— alcuéntrase a pocos minutos d'arcu del coluro solsticial, meridianu celeste que pasa al traviés de los polos y de los dos solsticios asitiaos en Saxitariu y Xéminis. Debíu al movimientu de precesión de la Tierra la so posición relativa al coluro foi camudando col tiempu, marcando la posición exauta del mesmu a mediaos de 2005.

Dos compañeres visuales de magnitú 10 y 11, ésta última de la mesma una estrella doble, nun son compañeres reales sinón estrelles na mesma llinia de visión.

Referencies[editar | editar la fonte]