Theta Aurigae

De Wikipedia
Saltar a: navegación, buscar
Theta Aurigae
Theta Aurigae A/B
Constelación Auriga
Ascensión reuta α 05h 59min 43,3s
Declinación δ +37º 12’ 45’’
Distancia 173 ± 7 años lluz
Magnitú visual +2,62 a +2,70 / +7,2
Magnitú absoluta -0,98 (media)
Lluminosidá 263 / ? soles
Temperatura 10.160 / ? K
Masa 3,41 / ? soles
Radiu 3,3 / ? soles
Tipu espectral A0psi / G2V
Velocidá radial +29,5 km/s

Theta Aurigae (θ Aur / 37 Aurigae / HD 40312 / HR 2095)[1] ye la tercera estrella más brillosa de la constelación d'Auriga, dempués de Capella (α Aurigae) y Menkalinan (β Aurigae). Anque nun tien nome propiu habitual, en dalguna ocasión recibe los nomes de Bogardus o Mahasim.

Theta Aurigae ye un sistema estelar que s'atopa a 173 años lluz del Sistema Solar. El so componente principal (Theta Aurigae A) ye una estrella de tipu espectral A0p, indicando la lletra «p» que ye una estrella químicamente peculiar. Dientro d'esta clase d'estrelles, amuesa un campu magnéticu dipolar relativamente débil (≈ 1 kG).[2] Tien una temperatura efectivo de 10.160 K y ye 263 vegaes más lluminosa qu'el Sol. El so radiu ye 3,3 vegaes más grande qu'el radiu solar. Con una masa de 3,41 mases solares, tien una edá envalorada de 229 millones d'años.[3]

Theta Aurigae B ye una estrella de tipu espectral G2V que ta siquier a 185 UA de la estrella principal. Visualmente dambes estrelles tán dixebraes 3,5 segundos d'arcu. Una tercer estrella de magnitú +11 a 49 segundos d'arcu ye namái una compañera óptica.[4]

Theta Aurigae ye una estrella variable Alfa2 Canum Venaticorum. Nun periodu de 3,62 díes el so rellumu varia ente magnitú aparente +2,62 y +2,70.

Referencies[editar | editar la fonte]