Cuenca

Cuenca
Alministración
País	España
Autonomía	Castiella-La Mancha
Provincia	provincia de Cuenca
Tipu d'entidá	conceyu d'España
Alcalde de Cuenca (es)	Juan Ávila Francés (es)
Nome oficial	Cuenca (es)
Nome llocal	Cuenca
Códigu postal	ver 16000;
Xeografía
Coordenaes	40°04′18″N 2°08′06″O / 40.0717°N 2.135°OCoordenaes: 40°04′18″N 2°08′06″O / 40.0717°N 2.135°O
	Cuenca Cuenca (España)
Superficie	911.06 km²
Altitú	946 m
Llenda con	Abia de la Obispalía, Palomera, Buenache de la Sierra, Tragacete, Vega del Codorno, Poyatos, Fuentenava de Jábaga, Chillarón de Cuenca, Villar de Domingo García, Bascuñana de San Pedro, Sotorribas, Mariana, Villalba de la Sierra, Las Majadas, Uña, Arcos de la Sierra, Castillejo-Sierra, Fresneda de la Sierra, Fuertescusa, Cañizares, Beteta, Santa María del Val, Lagunaseca, Masegosa, Checa, Albarracín, Zafrilla, Valdemeca, Huélamo, Valdemoro-Sierra, Beamud, La Cierva, Cañada del Hoyo, Fuentes, Arcas del Villar, Villar de Olalla, Monteagudo de las Salinas, Olmeda del Rey y Las Valeras
Demografía
Población	53 389 hab. (2022); - 26 049 homes (2019); - 28 641 muyeres (2019)
Porcentaxe	0.11%; 2.53%; 0% d'España; Castiella-La Mancha; provincia de Cuenca
Densidá	58,6 hab/km²
Más información
Estaya horaria	UTC+01:00
Llocalidaes hermaniaes	Camogli (es) , L’Aquila, Ronda, Plasencia y Cuenca
	cuencatierraseca.es

Cuenca, ye una ciudá española perteneciente a la Comunidá Autónoma de Castiella la Mancha y capital de la provincia del mesmu nome. Asítiase nel centru de la provincia, a una altitú media de 946 metru|m sobro'l nivel del mar, y tien un conceyu que, con 911,06 km² d'estensión, ye de los mayores d'España. El conceyu tenía una población (INE, 2011) de 56.703 habitantes.

Magar que na rodiada de la ciudá hai restos d'asentamientu humanu dende'l Paleolíticu superior, nun ha ser hasta la conquista musulmana cuando se construya la fortaleza de Qūnka, orixe de la ciudá actual. Esta, que yera nún entamu una más de les fortaleces de la cora de Santaver (Ercávica), foi garrando puxu pasín ente pasu. El rei cristianu Alfonsu VIII conquistola en 1177 y dio-y el fueru de Cuenca, ún de los más prestixosos de la historia de Castiella. La so economía taba dominada pol sector testil, de gran puxu y sonadía nos sieglos XV y XVI. El sieglu XVII, pela so banda, vio la decayencia d'esta actividá, lo que-y fizo perder muncha población. En 1833 convirtióse en capital de la nueva provincia de Cuenca. Anguaño la so economía ta centrada nel turismu, que se vio favorecíu dende que, en 1996, el so centro históricu fora declaráu Patrimoniu de la Humanidá.

Nesi cascu antiguu hai un patrimoniu históricu y arquiteutónicu perimportante, con fitos señeros como la so catedral o les Cases Colingaes, que son el símbolu de la ciudá. Tien tamién un garapiellu de museos (más de diez), ente los que rescamplen el Muséu d'Arte Abstracto Español, el Muséu de les Ciencies de Castiella-La Mancha y el Muséu de Cuenca. Rescamplen, ente los acontecimientos culturales qu'acueye la ciudá, la so Selmana Santa y la Selmana de Música Relixosa.

Historia[editar | editar la fonte]

Prehistoria ya historia antigua[editar | editar la fonte]

Estrabón, Pliniu y Ptoloméu dexaron nos sos escritos que los primeros habitantes de la rexón foren los "olcades". Dende la Edá del Fierro, esistieron delles civitas, castros o polis en desemeyaos puntos de la provincia (Urbicua, Cartala Egelasta, Contrebia, Belgida, Caraca, Alaba, Condabora, Istonium, Libana, Urcesa, Segóbriga, Ercávica, Valeria...) pero nun hai vestixu dengún de que nel actual emplazamientu de Cuenca esistiere asentamientu humanu nengún. El más averáu yera Bursada, na estaya de Pinar de Jábaga au Aníbal los somorguió y deportó al norte d'África ocupando esti llugar los carpetanos.