Craig Venter

De Wikipedia
Saltar a navegación Saltar a la gueta
Craig Venter
Craigventer2.jpg
Vida
Nacimientu

Salt Lake City14  d'ochobre de 1946

(72 años)
Nacionalidá Bandera de Estaos Xuníos d'América Estaos Xuníos
Familia
Casáu/ada con Claire M. Fraser  2005)
Barbara Rae-Venter Traducir  (1968 -  1980)
Estudios
Estudios Universidad de California en San Diego Traducir
Nivel d'estudios Philosophiæ doctor
Llingües inglés
Oficiu
Oficiu bioquímicu, xenetista y entamador
Emplegadores Universidad de Búfalo Traducir
Premios
Miembru de Academia Nacional de Ciencies de los Estaos Xuníos
Academia Estauxunidense de les Artes y les Ciencies
Serviciu militar
Cuerpu militar Armada de los Estaos Xuníos
Creencies
Relixón ateísmu
Cambiar los datos en Wikidata

John Craig Venter (14  d'ochobre de 1946Salt Lake City) ye un biólogu y empresariu estauxunidense.

Ye conocíu polos sos trabayos pioneros nel secuenciamientu del xenoma humanu y, más de recién, pol so papel na creación d'una forma de vida artificial. Venter fundó la empresa Celera Corporation (Celera Genomics). Anguaño trabaya nel J. Craig Venter Institute, onde desendolca xeres de creación d'organismos biolóxicamente sintéticos y publicación de descubrimientos xenéticos nel campu de la oceanografía. Apaeció na revista Time en 2007 y 2008 como una de les persones más influyentes del mundu. En mayu de 2010, Craig Venter anunció lo que foi aína considerau'l primer gran avance científicu del mileniu al sintetizar por primer vegada vida artificial.

Dende'l 2004 ta navegando alredor del mundu nel so yate ''Sorcerer II''. Él mesmu considera'l viaxe una actualización de los grandes viaxes científicos de los sieglos XVIII y XIX a bordu del HMS Beagle y HMS Challenger. Nel viaxe capturó'l DNA de los virus y bacteries en papel de filtru y lu envió pa ser secuenciáu y analizáu nes sos prefactures de Rockville. El so enfotu ye descubrir decenes, o incluso centenares de millones de xenes nuevos, una cantidá inmensa d'información sobre la biodiversidá de la Tierra. Asegura que d'esti mou va ser posible estrapolar estadísticamente la vida de la Tierra, poniendo tolos qu'escaeció Darwin en contestu. Los microorganismos puen tamién tener la clave pa xenerar una cuasi infinita cantidá d'enerxía, desendolcar poderosos fármacos y llimpiar la contaminación producío polos humanos. El viaxe tamién pue ser provechosu pa retrucar entrugues sobre la microevolución y la supervivencia de les especies. El gobiernu estauxunidense ta subvencionando la travesía al travies del Departamentu d'Enerxía.

Vida artificial[editar | editar la fonte]

El 20 de mayu de 2010 la revista Science asoleya una noticia hestórica: Venter y el so equipu llogren crear una célula bacteriana col xenoma sintéticu o artificial. Sicasí, dellos investigadores, si bien emponderen el llogru, nun coinciden que se puea falar d'una forma de vida artificial yá que la bacteria na que s'inxertó'l DNA sintéticu yera completamente natural. El trabayu consistió en fabricar nuna máquina del llaboratoriu tol xenoma de la bacteria Mycoplasma mycoides encontiándose nuna copia de la bacteria orixinal. Depués de fabricar el xenoma artificial, vaciaron una célula d'otra especie de bacteria del mesmu xéneru, Mycoplasma capricolum, ya introduxéronlu nesta célula recipiente. De magar esi momentu, la bacteria güesped namás espresaba les proteínes de la bacteria sintetizada y les sos carauterístiques yeran les que confería'l xenoma sintéticu fabricáu nel llaboratoriu, polo que se convertía nuna especie estremada.