Confuciu

De Wikipedia
(Redirixío dende Confucio)
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Confuciu
Konfuzius-1770.jpg
Vida
Nome completu 孔丘
Nacimientu Lu551 de eC
Nacionalidá Bandera de la República Popular China China
Fallecimientu

Qufu y Lu479 de eC

(71/72 años)
Sepultura Cementerio de Confucio
Causa de la muerte causes naturales
Familia
Padre Shu-liang He
Madre Yan Zhengzai
Fíos/es
Hermanos/es
Estudios
Llingües Old Chinese
Profesor/a de Zilu
Zengzi
Hui Yan
Duanmu Ci
Zhuansun Shi
Zai Yu
Ran Qiu
Ran Yong
Oficiu
Oficiu filósofu
IMDb ch0054073
Cambiar los datos en Wikidata

Confucio (孔夫子, pinyin: Kǒng Fūzǐ, significa lliteralmente: "Maestru Kong") (tradicionalmente 551 e.C. - 479 e.C.) foi un filósofu chinu, creador del confucianismu y una de les figures más influyentes na hestoria China. Les enseñances de Confucio lleguen a los nuesos díes gracies a les Analectes que contienen dalgunes de les discusiones que caltuvo colos sos discípulos.

Biografía[editar | editar la fonte]

Ñació nel pueblu de Qufu nel antiguu país de Lu, autual provincia de Shandong, nel noble clan de los Kong. So pá morrió trés años depués que Confucio ñaciere, y dexó a la familia na probitú; Confucio, ensin embargu, recibió una esmerada educación.

Aínda de bien mozu, trabayó pa la alministración del estáu de Lu y llegó algamar el rangu de Ministru de Xusticia. Dimitió del cargu años depués, yá que nun taba d'alcuerdu cola política prauticada pol príncipe.

A los 50 años encomencipíó les sos enseñances. Solía viaxar d'un llau pa otru y instruyir a los sos cuntaos discípulos a los que reuniere en tornu a él. Con fama d'home de saber y caráuter, con gran veneración pa coles idees y vezos tradicionales, ceo s'espardieron pel principáu de Lu, y llueu a tola China.

Nun entamu les sos idees nun fueren bien aceutaes fasta que los gobernantes descubrieren que les enseñances de Confucio aseguraben qu'ellos yeren los únicos que teníen que gobernar al pueblu. De magar la dinastía Han, diversos emperadores inspiráronse na obra de Confucio pa organizar la sociedá china. Nos sieglos postreros les sos enseñances exercieron una poderosa influencia na filosofía china y na hestoria de China.

Filosofía[editar | editar la fonte]

La esencia de les sos enseñances son la bona conducta na vida y el bon gobiernu del estáu, al traviés de la práutica de les virtúes principales (caridá, xusticia, amor filial y respetu pola xerarquía), el cuidáu de la tradición, l'estudiu y la meditación. La meyora de cada individuu conducirá al recobramientu del orde social, al traviés del exemplu y les aiciones virtuoses.

Pa Confucio, en cualesquier sociedá tien d'existir bones y harmóniques rellaciones ente: gobernante/súditu; home/muyer; pá/fíu; maestru/discípulo; y ente collacios. Les obligaciones nestes rellaciones tán siempre equilibraes y si daquien tien d'obedecer al so superior tamién pue alertalu nos equívocos d'esti. Una sociedá próspera algamaráse namás si les rellaciones se caltienen en dafecha harmonía.

Confucio creyía tamién qu'una parte mui importante p'algamar l'harmonía yeren la música y los rituales. Según Confucio, dambes coses sirven pa la comunicación del home col so contestu y p'alimentar y equilibrar les rellaciones sociales.