Compay Segundo

De Wikipedia
Saltar a navegación Saltar a la gueta
Compay Segundo
Cropped image of Compay.jpg
Vida
Nacimientu Santiago de Cuba18 de payares de 1907
Nacionalidá Bandera de Cuba Cuba
Fallecimientu

L'Habana14 de xunetu de 2003

(95 años)
Sepultura Cementerio de Santa Ifigenia
Causa de la muerte insuficiencia renal
Oficiu
Oficiu compositor, cantante, guitarrista y Compositor de cantares
Xéneru artísticu trova
Mena de voz bajo
Instrumentu musical guitarra
IMDb nm0782158
Cambiar los datos en Wikidata
Compay Segundo by David Shankbone.jpg

Máximo Francisco Repilado Muñoz (18 de payares de 1907Santiago de Cuba - 14 de xunetu de 2003L'Habana), conocíu artísticamente como Compay Segundo, yera un músicu y compositor cubanu.

Llegó a ser un popular compositor y intérprete, bien conocíu ente los amantes de la música cubana. Entamó tocando la guitarra, el clarinete y el bongó. Foi l'inventor del armónicu, un instrumentu de siete cuerdes, que comparte rasgos de la guitarra española y el tres cubanu. Tamién tocó la tumbadora.

Entamó la so carrera musical bien mozu cuando compuso les sos primeres canciones y tocaba en grupos de Santiago.

En 1988, participa nel festival organizáu pol Smithsonian Institute de Washington y el musicólogu cubanu Danilo Orozco, como invitáu especial del Cuarteto Patria, y interpreta por primera vez Chan Chan qu'entaina a convertise nun clásicu del son cubanu.

En 1992, graba a dúu con Pablo Milanés, el cantante cubanu de mayor sonadía de la nueva trova.

En 1994 recuerre Europa col so cuartetu «Compay Segundo y sus Muchachos» con Benito Suárez (guitarra), Hugo Garzón (cantante y maraques) y el so fíu Salvador Repilado (baxu).

Pero la so fama internacional llegó-y en 1997, cola so participación nel discu Buena Vista Social Club, producíu por Ry Cooder col que ganó varios premios Grammy. Compay Segundo apareció tamién na película del mesmu nome realizada posteriormente por Wim Wendres.

Morrió en L'Habana debido a una insuficiencia renal, a los 95 años.