Command & Conquer

Command & Conquer
Desendolcador	Westwood Studios, EA Los Angeles (es) , EA Phenomic, Victory Games, Visceral Games y Petroglyph Games (en)
Distribuidora	Electronic Arts, Nintendo, Sega y Virgin Interactive (es)
Plataforma	Nintendo 64, PlayStation 3, Xbox 360, Sega Saturn, Macintosh, PlayStation, Microsoft Windows y MS-DOS
Xéneru	videoxuegu d'estratexa en tiempu real, disparos en primer persona y videoxuegu de ciencia ficción
Más información
Páxina web oficial	ea.com… y commandandconquer.com
' Command & Conquer '

Command & Conquer ye una saga de videoxuegos d'estratexa en tiempu real, orixinalmente fechaa por Westwood Studios y darréu adquirida por Electronic Arts. Command & Conquer considérase un fitu y una figura icónica na industria de los xuegos d'ordenador, y la so comunidá de siguidores ye peractiva.

Carauterístiques

Los xuegos Command & Conquer carauterícense por tener munches posibilidaes nel mou multixugador, por mor de la variedá de posibilidaes de combate, seya per tierra, aire o (en delles entegues) per mar. Nel mou d'un solu xugador dispón de campañes nes que ye importante construyir un plan d'ataque pa rematar con ésitu les misiones que se-y dan al xugador dientro d'una llinia argumental mui bien fecha y desendolcada, como por exemplu destruyir una base enemiga nun tiempu dau o defender una posición con un númberu de tropes y recursos amenorgáu. Col tiempu, la variedá y posibilidaes de Command & Conquer amplióse nes nueves entregues, caduna d'elles foi innovando nueves posibilidaes, táutiques y estratexes.

Llinies argumentales

Nel entamu, la historia de Command & Conquer taba pensada pa ser una continuedá histórica alternativa a la realidá. Sicasí, cola apaición de les nueves entregues, la historia acabó por dixebrase en trés variantes. La primera sigue la historia orixinal de les Guerres del Tiberium; la segunda, Red Alert, fala de la guerra de los aliaos occidentales a la escontra los soviéticos; y la tercera, denomada Generals, amuesa un futuru mundial non mui dixebráu de la realidá política g'anguaño. Nun entamu, Red Alter, diseñóse como una protosecuela de Tiberian Dawn, pero cola apaición d'otros xuegos, quedó desvinculada.

Llistáu de tolos xuegos de Command & Conquer

La saga completa inclúi:

1. Aug 31, 1995 Command & Conquer: Tiberian Dawn (RTS; PC, Mac, Sega Saturn, Nintendo 64 y Playstation)
2. Abr 30, 1996 Command & Conquer: The Covert Operations (Expansión de TD)
3. Nov 30, 1996 Command & Conquer: Sole Survivor (Multixugador)
4. Oct 31, 1996 Command & Conquer: Red Alert (RTS, PC y Playstation)
5. Sep 30, 1997 Command & Conquer: Red Alert The Aftermath (1ª Expansión de Red Alert)
6. Mar 31, 1997 Command & Conquer: Red Alert Counterstrike (2ª Expansión de Red Alert)
7. Aug 28, 1997 Command & Conquer: Red Alert Retaliation (Playstation)
8. Aug 24, 1999 Command & Conquer: Tiberian Sun (RTS)
9. Mar 08, 2000 Command & Conquer: Tiberian Sun Firestorm (Expansión)
10. Oct 21, 2000 Command & Conquer: Red Alert 2 (RTS)
11. Oct 10, 2001 Command & Conquer: Red Alert 2 Yuri's Revenge (Expansión de RA2)
12. Feb 27, 2002 Command & Conquer: Renegade (FPS)
13. Feb 10, 2003 Command & Conquer: Generals (RTS)
14. Sep 22, 2003 Command & Conquer: Generals Zero Hour' (Espansión de Generals)
15. Feb 07, 2006 Command & Conquer: The First Decade' (Recopilatoriu Conmemorativu, nun inclúi Sole Survivor)
16. Mar 28, 2007 Command & Conquer 3: Tiberium Wars (RTS; PC, 10 de mayu en Xbox 360)

Aug 31, 2007 Command & Conquer Gold, incluyíu nel recopilatoriu Command & Conquer: The First Decade, llibérase pa la descarga freeware con motivo del 12ᵘ aniversariu de l'apaición de la saaga

El Command & Conquer: Renegade estrémase dl restu en que ye un xuegu de tipu shooter o primer persona, onde se xuega al traviés d'un personaxe de la historia Havoc.

El Red Alert, Red Alert 2 y Generals modificaron el guión averándolu más a la historia real ya integrando munchos avances teunolóxicos.

Enllaces esternos

• Páxina Oficial de Command & Conquer

• Datos: Q168562
• Multimedia: Command & Conquer