Videoxuegu

De Wikipedia
Saltar a: navegación, buscar
Consola de videoxuegos Super Nintendo

Un videoxuegu ye un programa informáticu, creyáu espresamente pa divertir, basáu na interaición ente una persona y un aparatu lletrónicu onde s'executa'l videoxuegu. Estos recreyen entornos virtuales nos cualos el xugador pue remanar a un personaxe o cualaquier otru elementu d'esi entornu, p'algamar ún o varios oxetivos per aciu d'unes riegles afitaes.

Hestoria de los videoxuegos[editar | editar la fonte]

Identifíquense cinco etapes na hestoria de los videoxuegos[1]

  1. 1971-78. Entama a desendolcase'l conceutu de videoxuegu, y entamen les arcadies, establecimientos con delles máquines con videoxuegos que furrulen con monedes o fiches. Aprucen tamién les primeres compañíes, como Atari, Magnavox o Taito, y los primeros xuegos: Space Invaders, Pong, Star Trek...
  2. 1978-83. Entama'l desendolcu de los xéneros (xuegos d'engarrase, d'aición, d'esportes...), na evolución dende l'establecimientu públicu al caseru. Apaecen xuegos como Pac-Man.
  3. 1983-94. Los xuegos fanse claramente caseros y van desapaeciendo les arcadies. La calidá gráfica ameyora, y amenorguen los tamaños de los dispositivos. Surden compañíes como Sega, Commodore o Nintendo, pero tamién desendólquense aplicaciones pa ordenadores personales, lo que fai qu'estos servicios progresen. Son xuegos d'esta dómina Final Fantasy, Mario Bros, o Tetris y los MUDs.
  4. 1994-2004. La industria del videoxuego gana un gran poder económicu. Les meyores exponenciales n'almacenax de memoria abre la puerta pa los CDs y llueu los DVD de xuegos. L'ordenador vuélvese más importante y entama la guerra de sistemes ente les estremaes consols. Les empreses que desendolquen nesta etapa son Sony, pero tamién Microsoft o Nokia, inda que consolídense productores de xuegos como EA. Ente los xuegos tán el FIFA, Pokémon, el Prince of Persia, el Street Fighter o'l Metal Gear.
  5. 2004-anguaño: El desendolcu de les teunoloxíes permite l'apaición de productores independientes de calidá. Nun apaecen empreses nueves, sinón avances nes teunoloxíes anteriores de les mesmes compañíes, como la Wii de Nintendo, y nueves versiones de los xuegos anteriores a los que s'axunten dellos nuevos, como Legend of Zelda.

Notes[editar | editar la fonte]

  1. Huertero Valle, Guillermo, Videojuegos políticos: una forma diferente de entender la política, Revista TEXTOS de la CiberSociedad, 12 (2007).

Ver tamién[editar | editar la fonte]