Chuck Norris

De Wikipedia
Saltar a: navegación, buscar
Chuck Norris
Chuck Norris
ChuckNorris200611292256.jpg
Norris en 2006
Nome real Carlos Ray Norris
Nacencia 10 de marzu de 1940 (77 años)
Bandera de Estaos Xuníos d'América Ryan, Oklahoma, Estaos Xuníos
Fíu/os Mike Norris (1963)
Dina Norris (1964)
Eric Norris (1965)
Dakota Alan Norris (2001)
Danilee Kelly Norris (2001)
Sitiu web www.chucknorris.com
Ficha en IMDb

Carlos Ray Norris (n. 10 de marzu de 1940), conocíu como Chuck Norris, ye un actor estauxunidense, campeón mundial de karate, exmilitar y fundador d'una asociación de karate.

Biografía

Chuck Norris en 1976.

Los sos empiezos nes artes marciales fueron en Corea del Sur, onde foi destináu na Fuerza Aerea a finales de la década de los 50. Prauticó Tang Soo Do, Taekwondo y daqué de Hapkido. Al so regresu a Estaos Xuníos empezó a prauticar otros estilos y darréu Jiu-jitsu brasileñu, sistema de llucha brasileñu basáu n'enfrentamientos reales y que enfatiza técniques de suelu.

Dientro del conxuntu de películes nes qu'actuó cabo recordar la protagonizada xuntu a Bruce Lee, El Raxón del Dragón, onde a la fin s'enfrenta nun combate épicu a Cheng (Bruce Lee) nel Coliséu de Roma, siendo derrotáu. Esti filme dio a Norris notoriedá nel ambiente cinematográfico, que supo esplotar proyectándose nel celuloide.

Dempués d'esi filme Norris actuó en delles películes d'aición, la mayoría d'elles interpretando papeles de héroe, onde amosó les sos habilidaes marciales. Acordies con la revista Variety, «action more than acting characterizes Norris performances» (l'aición más que l'actuación carauteriza les actuaciones de Norris).

Ye sobremanera famosu por protagonizar la serie de televisión Walker, Texas Ranger dende 1993 hasta 2001. Norris interpretaba al Ranger de Texas Cordell Walker, un tipu duru que defendía de toes toes los bonos valores, según tamién la llei y la xusticia. Nesta serie tuvo acompañáu por Clarence Gilyard Jr. (James Trivette), Noble Willingham (C.D. Parker) y Sheree J. Wilson (Alex Cahill).

Chun Kuk Do

Norris na película Delta Force.

Chuck Norris creó l'arte marcial llamáu Chun Kuk Do, que ta basáu principalmente en Tang Soo Do ya inclúi elementos de toles artes marciales que Chuck Norris conoz. Como munches otres artes marciales, Chun Kuk Do inclúi un códigu d'honor y unes riegles de vida. Estes riegles pertenecen al códigu personal de Chuck Norris y son les siguientes:

  1. Voi Desenvolver el mio potencial al máximu posible en toles perspectives de la mio vida.
  2. Voi Escaecer los erros del pasáu y voi concentrame nos grandes trunfos del presente.
  3. Caltendré siempres nun pensamientu positivu y voi tratar de tresmitir ésti a toles persones que conoza.
  4. Voi Trátase de cutio de desenvolver l'amor, l'allegría y la llealtá na mio familia, y voi entender que nengún otru llogru puede compensar los fallos nel llar.
  5. Voi Buscar lo meyor de toles persones y fadré-yos sentir que valen la pena.
  6. Si nun tengo nada bonu que dicir sobre una persona, nun voi dicir nada.
  7. Voi Emplegar tantu tiempu n'ameyorar la mio persona que nun voi tener tiempu de criticar a los demás.
  8. Voi Ser siempres tan entusiasta colos llogros d'otres persones como colos míos propios.
  9. Voi Caltener una actitú de tolerancia escontra les persones que tienen un puntu de vista distinta del mio, mientres caltengo firme al respective de lo que personalmente creo verdaderu y honestu.
  10. Voi Caltener respetu escontra les autoridaes y demostrar tol tiempu.
  11. Caltendré siempres lleal a Dios, el mio país, la mio familia y a los mios amigos.
  12. Caltendré siempres altamente empobináu mientres tola mio vida con una actitú positiva a ayudar a la mio familia, el mio país y la mio persona.

Lleenda humorística

Chuck Norris con John W. Handy en avientu de 2001.

Nos últimos años abondaron por Internet una serie de chistes sobre Chuck Norris, llamaos Fechos de Chuck Norris (Chuck Norris Facts),[1] presentándo-y como'l tipu duru qu'acostuma a interpretar nes sos películes y series.

Norris manifestóse al respeutu nel blogue conservador WorldNetDaily en 2006. Considera bona parte de diches chancies daqué risonderu, nun sintiéndose ofendíu. Sicasí, esclaria que na hestoria del planeta namái hubo un superhombre real, Xesucristo.[2]

Política

Nel añu 2007, utilizó la so popularidá pa sofitar al candidatu a la nominación republicana pa les elecciones Presidenciales de EE. UU. en 2008, Mike Huckabee, por aciu un videu promocional[3] nel qu'apaecíen dambos y Huckabee pronuncia delles Verdaes sobre Chuck Norris.

Filmografía

Referencies

Enllaces esternos