Christine Baranski

De Wikipedia
Christine Baranski
Vida
Nacimientu Buffalo2 de mayu de 1952[1] (71 años)
Nacionalidá Bandera de Estaos Xuníos d'América Estaos Xuníos
Residencia Connecticut
Llingua materna inglés d'Estaos Xuníos
Familia
Casada con Matthew Cowles (1983 – m. 2014)
Fíos/es Lily Cowles
Estudios
Estudios Villa Maria Motherhouse Complex (en) Traducir
Juilliard School
(1970 - 1974) Grau n'Artes
Llingües falaes inglés[2]
Oficiu actriz de teatru, actriz de cine, actriz de televisión, actriz de voz, productora de cineactriz
Premios
Nominaciones
Creencies
Relixón catolicismu
IMDb nm0004724
Cambiar los datos en Wikidata

Christine Jane Baranski (2 de mayu de 1952Buffalo) ye una actriz d'Estaos Xuníos.

Biografía[editar | editar la fonte]

Baranski nació en Buffalo (Nueva York), fía de Virginia y Lucien Baranski, un editor d'un periódicu escritu en polacu. Baranski ye d'ascendencia polaca y los sos güelos yeren actores de teatru en Polonia.[4][5] Asistió a la Villa Maria Academy y darréu estudió na Academia Juilliard. Baranski tuvo casada col actor Matthew Cowles dende 1983 hasta 2014, cuando él morrió. La pareya tuvo dos fíos.

Carrera[editar | editar la fonte]

Teatru[editar | editar la fonte]

Baranski realizó'l so debú fora de Broadway en Coming Attractions en Playwrights Horizons en 1980 y apaeció en delles producciones fora de Broadway nel Manhattan Theatre Club depués d'apaecer en Sally and Marsha en 1982.

Baranski debutó en Broadway na obra Hide and Seek en 1980. La so segunda actuación en Broadway en The Real Thing de Tom Stoppard valió-y el Premiu Tony a la meyor actriz principal nuna obra de teatru en 1984. Otros de los sos trabayos en Broadway inclúin Hurlyburly, The House of Blue Leaves, Rumors, Regrets Only, Nick & Nora y Follies.

Baranski actuó en dos obres nel Centro John F. Kennedy pa les Artes Escéniques en Washington D. C. En 2002 interpretó a Mrs. Lovett en The Demon Barber of Fleet Street y en 2006 interpretó a Mame na obra Mame.[6]

Na so primer actuación en Broadway dende 1991, Baranski interpretó a Berthe nel reestrenu de 2008 de Boeing-Boeing.[7]

Baranski ganó dos Premios Tony y dos Premios Drama Desk.

Trabayu televisivu[editar | editar la fonte]

Baranski interpretó a Maryanne Thorpe nel sitcom de CBS Cybill ente 1995 y 1998, actuación que-y valió un premiu Emmy a la meyor actriz de repartu nuna serie de comedia. Mientres esti periodu, tamién foi anfitriona en Saturday Night Live. Tamién tuvo un rol en Now and Again como la voz de Ruth, un personaxe que nunca apaeció na pantalla. Darréu apaeció na serie Welcome to New York y nel sitcom de NBC Happy Family. Tamién actuó nun episodiu de 1970 de la serie The Brady Bunch.

En 2005, Baranski actuó xunto con Bernadette Peters nun episodiu piloto pa una serie d'ABC, Adopted. Sicasí, la compañía refugó la serie. Baranski tamién interpretó a Faith Clancy en Ghost Whisperer. En 2009, participó nun episodiu de The Big Bang Theory como la madre de Leonard Hofstadter, remaneciendo n'otru episodiu de la temporada siguiente, rol pol que foi nomada al premiu Emmy a la meyor actriz convidada nuna serie de comedia. Nesi mesmu añu empezó a actuar na serie televisiva The Good Wife nel papel de Diane Lockhart, una socia del estudiu xurídicu onde trabaya'l personaxe principal de la serie, Alicia Florrick, pol cual foi nomindada al Primetime Emmy a la meyor actriz de repartu - Serie dramática en cuatro causes.

Cine[editar | editar la fonte]

Baranski actuó en películes como Legal Eagles, Addams Family Values, Chicago, El Grinch, Bulworth, Bowfinger, The birdcage, Cruel Intentions, Falling for Grace y Mamma Mia!.

Filmografía[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: CONOR.SI. Identificador CONOR.SI: 23604323.
  3. URL de la referencia: https://www.europeanfilmacademy.org/2019.905.0.html. Direición web d'archivu: https://web.archive.org/web/20200228213720/https://www.europeanfilmacademy.org/2019.905.0.html. Data de consulta: 2 marzu 2020.
  4. «Polonia: Western New York's Polish American Legacy» (inglés). Western New York Public Broadcasting (14 de setiembre de 2005). Consultáu'l 18 d'avientu de 2008.
  5. Klein, Alvin (25 de xineru de 1998). «Being Irish And Being Married» (inglés). The New York Times. Consultáu'l 18 d'avientu de 2008.
  6. Gans, Andrew (16 de xunu de 2006). «Chatting with Mame's Christine Baranski Plus Wicked News» (inglés). Playbill. Consultáu'l 18 d'avientu de 2008.
  7. Simonson, Robert (7 de mayu de 2008). «Playbill.com's Brief Encounter with Christine Baranski» (inglés). Playbill. Consultáu'l 18 d'avientu de 2008.

Enllaces esternos[editar | editar la fonte]