Campeonatu d'Europa de Saltos de la FEI

Campeonatu d'Europa de Saltos de la FEI
Xeneral
Tipu de competición	actividá deportiva periódica
Deporte	Saltu ecuestre
Organizador	Federación Ecuestre Internacional (es)
Competición

El Campeonatu d'Europa de Saltos de la FEI ye la más importante competición europea dientru de la especialidá de saltos. Celébrase dende 1957 y la so organización cuerre a cargu de la Federación Ecuestre Internacional (FEI). De forma paralela a esti campeonatu, fáense anguaño otros pa xinetes mozos, xuveniles, neñes y neños, veteranos, ponis... Anguaño ye una competición mesta pero de 1957 a 1973, cuando nun yera común qu'homes y muyeres participaran nos campeonatos hípicos xuntos, les competiciones femenina y masculina facíense de manera dixebrada.

Dende l'añu 1967 el campeonatu fáese cada dos años y dende 1975, amás de la competición individual tamién tien llugar una competición d'equipos na que participen seleiciones nacionales. La edición de 2009, celebrada en Windsor (GBR), organizóse por primer vegada al mesmu tiempu que'l Campeonatu d'Europa de Doma de la FEI. Nel añu 2013 los campeonatos d'estes dos disciplines volvieron a facese de forma conxunta, nesti casu n'Herning (DNK). En 2015 n'Aquisgrán (DEU) los campeonatos d'Europa de cinco disciplines hípiques distintes (saltu, doma, voltéu, enganches y reining) compartieron escenariu por vez primera. Pal añu 2017 van coincidir en Gotemburgu (SWE) los de saltu, doma, doma adautada y enganches.

El campeonatu tien de facese al aire llibre y, por norma xeneral, una mesma federación nacional nun lu organizará dos vegaes siguíes.

Alemaña ye'l país con más títulos (14 individuales y 7 por equipos) y con más medayes (49 en total: 33 individuales y 16 por equipos). Los xinetes David Broome (GBR) y Paul Schockemöhle (DEU) son los que más campeonatos individuales tienen, tres caún d'ellos. Por equipos, los que tienen el mayor númberu de títulos son Michael Whitaker (GBR) y Ludger Beerbaum (DEU), con cuatro caún.

Seleición de participantes

Les federaciones nacionales son les encargaes de facer la convocatoria pal campeonatu, tando los equipos formaos por un mínimu de tres xinetes y tres caballos y un máximu de cinco xinetes y diez caballos. El xefe de caún de los equipos tien qu'escoyer, enantes d'entamar la primer prueba del campeonatu, los participantes finales (tres o cuatro binomios xinete-caballu) que competirán nun solo a nivel d'equipu sinón tamién individualmente.

Les federaciones que nun algamen a facer equipu puen convocar pal campeonatu a ún o dos xinetes, con ún o dos caballos caún. El xefe d'equipu va ser tamién l'encargáu d'escoyer a los binomios finales, que van participar na más qu'a nivel individual.

En tolos casos na más que son escoyibles caballos d'ocho o más años y xinetes mayores de 18 años (o que vayan cumplilos nel añu del campeonatu). Amás tanto unos como otros, anque nun ye necesario que como pareya, tienen que tener un certificáu de capacitación que consigue'l xinete o caballu que completara...

• ... con ocho o menos puntos un recorríu na competición por equipos del anterior Campeonatu d'Europa, del anterior Campeonatu del Mundu o de los anteriores Xuegos Olímpicos.
• ... un recorríu de la tercer competición individual del anterior Campeonatu del Mundu o de la final individual del anterior Campeonatu d'Europa o de los anteriores Xuegos Olímpicos.
• ... un recorríu de la primer ronda d'una competición de la Copa del Mundu de la FEI nun CSI1*, CSI2* o CSI3* seleicionáu ensin penalizaciones o nun CSI4* o CSI5* seleicionáu con ocho puntos o menos.
• ... un recorríu na primer ronda d'un Gran Premiu nun CSI3* ensin penalizaciones o nun CSI4* o CSI5* con ocho puntos o menos.
• ... con cuatro o menos puntos un recorríu de la primer o segunda ronda d'una Copa de Naciones nun CSIO3* o CSIO4* seleicionáu o de la primer ronda d'un Gran Premiu d'esos mesmos CSIO.
• ... con ocho o menos puntos un recorríu de la primer o segunda ronda d'una Copa de Naciones d'un CSIO 5* y de la primer ronda del Gran Premiu nesi mesmu eventu.

Los CSI y los CSIO válidos son espublizaos pola FEI l'añu enantes del campeonatu. Pa ser válides pa consiguir el certificáu nomáu arriba, les competiciones de Copa del Mundu de la FEI, Copa de les Naciones y los Grandes Premios tienen que cumplir coles regles establecíes pola FEI.

En casos esceicionales la FEI pue organizar competiciones pa la capacitación d'atletes de les federaciones pa les que seya imposible capacitar a los sos xinetes según el métodu ordinariu.

Formatu del campeonatu

La FEI establez nes sos regles les carauterístiques de los recorríos de caúna de les competiciones y el númberu y formatu d'estes. Anguaño son tres les pruebes que componen el campeonatu: les dos primeres van cuntar tanto pa la clasificación individual como pa la clasificación por equipos, mientres que la tercera tiense na más en cuenta pa la clasificación individual.

Los miembros de los tres primeros clasificaos na competición por equipos y los tres primeros xinetes clasificaos na competición individual reciben una medaya d'oru, de plata o de bronce, según seyan primeros, segundos o terceros. Amás, l'equipo ganador de la medaya d'oru va nomase Campeón d'Europa por Equipos asina como'l ganador de la medaya d'oru individual, que será nomáu Campeón d'Europa.

Primer prueba

La primer prueba, que ye parte del campeonatu individual y del campeonatu por equipos, ye xuzgada baxo la Tabla C del reglamentu de la FEI. En casu d'igualdá de tiempos, nun hai recorríu de desempate.

En primer llugar van participar los binomios que lo faen na más qu'individualmente, según l'orde que'l sortéu determinara. Tres d'ellos participará un binomiu de caún de los equipos (l'orde de los equipos determínase tamién nun sortéu) hasta completar cuatro tandes, con un binomiu distintu de cada equipu en cada tanda.

Los resultaos de caún de los binomios conviértense en puntos multiplicando'l so tiempu por 0,5 redondeando'l resultáu a dos decimales. Al que tenga menor resultáu dánse-y cero puntos y al restu la diferencia tres de la conversión ente esi menor resultáu y el de so. Si un binomiu ye elimináu o nun completa'l so recorríu, la so puntuación será venti puntos mayor que la del peor binomiu que terminara'l recorríu.

La puntuación nesta prueba de caún de los equipos ye la suma de les puntuaciones de los tres meyores clasificaos del equipu.

Segunda prueba

La segunda prueba consiste en dos rondes que son xuzgaes, ensin reló nin recorríu de desempate, baxo la Tabla A del reglamentu de la FEI. Los recorríos de les dos rondes van ser iguales. Igual que la primer prueba, tamién esta ye parte de los campeonatos individual y por equipos.

Ronda 1

Nesta ronda participen los mesmos binomios que na primer competición. Primero los que lo faen na más qu'individualmente, n'orde inversu de clasificación; dempués los equipos, tamién n'orde tamién inversu al de la clasificación y en cuatro tandes pero dividíos en dos grupos: el primeru colos equipos dende'l caberu fasta'l 11ᵘ y l'otru colos equipos del 10ᵘ al 1ᵘ.

• Clasificación individual: súmense los puntos de la primer prueba y d'esta primer ronda de la segunda prueba pa caún de los binomios, y ordénense de menor a mayor puntuación. Los cincuenta meyores (y los empataos na plaza númberu 50 si los hai) clasifíquense pa la segunda ronda d'esta segunda prueba.

• Clasificación por equipos: súmense los puntos de la primer prueba y los puntos de los tres meyores binomios del equipu nesta primer ronda de la segunda prueba. Ordénense los equipos de menor a mayor puntuación y los diez primeros clasifíquense pa la segunda ronda (final por equipos).

Ronda 2

Nesta segunda ronda participen primero los binomios clasificaos a nivel individual ensin equipu y de los equipos nun clasificaos pa esta ronda, n'orde inversu de clasificación. Dempués, en cuatro tandes y tamién n'orde inversu de clasificación, un binomiu de caún de los diez equipos finalistes. El resultáu de los binomios d'estos equipos va cuntar pal campeonatu por equipos y pal individual, nos casos en que'l binomiu tea ente los clasificaos dende la ronda anterior, y na más que pal campeonatu por equipos nel restu de los casos.

• Clasificación individual: súmense los puntos de la primer prueba y de les dos rondes de la segunda prueba pa caún de los binomios, y ordénense de menor a mayor puntuación. Los venticinco meyores (y los empataos nel puestu 25) clasifíquense pa la tercer prueba.

• Clasificación por equipos: súmense los puntos acumulaos por cada equipu na primer prueba y na primer ronda d'esta segunda prueba y los puntos de los tres meyores binomios del equipu nesta segunda ronda. Ordénense los equipos de menor a mayor puntuación. El meyor de los equipos ye proclamáu Campeón d'Europa por Equipos. En casu d'empate en dalgún de los tres primeros puestos, los equipos empataos tienen de saltar un recorríu de desempate (coles carauterístiques y de la forma que recueyen les normes de la FEI). Si l'empate ye pa los puestos del 4ᵘ al 10ᵘ, los equipos empataos comparten puestu.

Tercer prueba

La tercer competición consiste en dos rondes que son xuzgaes, ensin reló nin recorríu de desempate, baxo la Tabla A del reglamentu de la FEI. Caúna de les dos rondes tien un recorríu distintu. Esta competición pertenez únicamente al campeonatu individual y participen los venticinco binomios clasificaos que completaran la segunda prueba ensin retirase o ensin ser eliminaos. Caltiénense cinco reserves por si dalgún de los venticinco finalistes nun pue participar nesta prueba.

L'orde de salida a pista na ronda A ye inversu al de clasificación. A los puntos que caún de los binomios acumulare nes dos primeres pruebes súmense los puntos de la ronda A, ordenándose otra vuelta de menor a mayor puntuación tolos finalistes. Na ronda B los binomios van participar tamién n'orde inversu según esta última clasificación.

Na clasificación final ordénense los binomios de menor a mayor puntuación, dempués de sumar los puntos de caún d'ellos en caúna de les tres pruebes. El primer clasificáu ye nomáu Campeón d'Europa. En casu d'empate en dalgún de los tres primeros puestos, los binomios empataos tienen de saltar un recorríu de desempate fechu con ocho de los ostáculos de les rondes A y B.

Medayistes

Individuales

Actividá
I 1957 Rotterdam ( Países Baxos)	Hans-Günter Winkler Sonnenglanz / Halla 8 puntos	Bernard de Fombelle Bucephale / Buffalo 11 puntos	Salvataore Oppes Pagoro 24 puntos
II 1958 Aquisgrán ( Alemaña Occidental)	Fritz Thiedemann Meteor	Piero d'Inzeo The Rock	Hans-Günter Winkler Halla
III 1959 París ( Francia)	Piero d'Inzeo Uruguay / The Quiet Man 8 puntos	Pierre Jonquères d'Oriola Virtuoso / Isofelt 16,5 puntos	Fritz Thiedemann Godewind / Retina 24 puntos
IV 1961 Aquisgrán ( Alemaña Occidental)	David Broome Sunsalve / Silverknoight	Piero d'Inzeo Pioneer / The Rock	Hans-Günter Winkler Feuerdorn / Romanus
V 1962 Londres (Reinu Xuníu)	David Barker Mister Softee / Franco 4 puntos	Hans-Günter Winkler Romanus / Feuerdorn 8 puntos	Piero d'Inzeo The Rock 8 puntos
VI 1963 Roma ( Italia)	Graziano Mancinelli Rockette / The Rock 6 puntos	Alwin Schockemöhle Freiherr / Ferdl 6 puntos	Harvey Smith O'Malley / Warpaint 16 puntos
VII 1965 Aquisgrán ( Alemaña Occidental)	Hermann Schridde Kamerad / Dozent 11 puntos	Nelson Pessoa Huipil / Gran Geste 14 puntos	Alwin Schockemöhle Exakt / Freiherr 15,5 puntos
VIII 1966 Lucerna (Suiza)	Nelson Pessoa Huipil / Gran Geste 6 puntos	Frank Chapot Good Twist / San Lucas 9,5 puntos	Hugo Miguel Arrambide Chimbote 11 puntos
IX 1967 Rotterdam ( Países Baxos)	David Broome Mister Softee / Top of the Morning 15,5 puntos	Harvey Smith Harvester 20,5 puntos	Alwin Schockemöhle Pesgö / Donald Rex 22 puntos
X 1969 Hickstead (Reinu Xuníu)	David Broome Mister Softee / Top of the Morning 6 puntos	Alwin Schockemöhle Donald Rex / Wimpel 6 puntos	Hans-Günter Winkler Enigk / Torphy 8 puntos
XI 1971 Aquisgrán ( Alemaña Occidental)	Hartwig Steenken Simona / Kosmos 11.5 puntos	Harvey Smith Evan Jones / Mattie Brown 13,5 puntos	Paul Weier Wulf / Donauschwalbe 14 puntos
XII 1973 Hickstead (Reinu Xuníu)	Paddy MacMahon Pennwood Forge Mill 7,5 puntos	Alwin Schockemöhle The Robber / Weiler 14 puntos	Hubert Parot Tic / Port Royale 15 puntos
XIII 1975 Múnich ( Alemaña Occidental)	Alwin Schockemöhle Warwick 4,5 puntos	Hartwig Steenken Erle 15,5 puntos	Sönke Sönksen Kwept 15,5 puntos
XIV 1977 Viena (Austria)	Johan Heins Seven Valleys 8 ptos (desempate 4 ptos/51,4s)	Eddie Macken Kerrygold 8 ptos (desempate 4 ptos/51,5 s)	Antoon Ebben Jumbo Design 9 puntos
XV 1979 Rotterdam ( Países Baxos)	Gert Wiltfang Roman 8,95 puntos	Paul Schockemöhle Deister 9,10 puntos	Hugo Simon Gladstone 10,85 puntos
XVI 1981 Múnich ( Alemaña Occidental)	Paul Schockemöhle Deister 0 puntos	Malcolm Pyrah T. Anglezarke 2,03 puntos	Bruno Candrian Van Gogh 5,24 puntos
XVII 1983 Hickstead (Reinu Xuníu)	Paul Schockemöhle Deister 2,49 puntos	John Whitaker Ryans Son 9,27 puntos	Frédéric Cottier Flambeau 13,18 puntos
XVIII 1985 Dinard ( Francia)	Paul Schockemöhle Deister 15,06 puntos	Heidi Robbiani Jessica 16,29 puntos	John Whitaker Hopscotch 17,71 puntos
XIX 1987 Sankt-Gallen (Suiza)	Pierre Durand Jappeloup 4,75 puntos	John Whitaker Next Milton 6,31 puntos	Nick Skelton Apollo 12,92 puntos
XX 1989 Rotterdam ( Países Baxos)	John Whitaker Next Milton 8,5 puntos	Michael Whitaker Mon Santa 9,03 puntos	Jos Lansink Felix 13,06 puntos
XXI 1991 La Baule ( Francia)	Eric Navet Quito de Baussy 12,22 puntos	Franke Sloothaak Walzerkönig 16,59 puntos	Jos Lansink Egano 16,61 puntos
XXII 1993 Xixón ( España)	Willi Melliger Quinta C 8,83 puntos	Michel Robert Miss S.P. 8,91 puntos	Michael Whitaker Midnight Madness 9.39 puntos
XXIII 1995 Sankt-Gallen (Suiza)	Peter Charles La Ina 8 ptos (desempate 4 ptos/49,83 s)	Michael Whitaker Ev. Two Step 8 ptos (desempate 4 ptos/50,97 s)	Willi Melliger Calvaru V 12 puntos
XXIV 1997 Mannheim ( Alemaña)	Ludger Beerbaum Ratina Z 0 puntos	Hugo Simon E.T. FRH 4,35 puntos	Willi Melliger Calvaru V 12,20 puntos
XXV 1999 Hickstead (Reinu Xuníu)	Alexandra Ledermann Rochet M 9,60 puntos	Markus Fuchs Tinka's Boy 11,31 puntos	Lesley McNaught Dulf 12,29 puntos
XXVI 2001 Arnhem ( Países Baxos)	Ludger Beerbaum Gladdys S 8,07 puntos	Ludo Philippaerts Otterongo 14,19 puntos	Rolf-Göran Bengtsson Isovlas Pialotta 15,81 puntos
XXVII 2003 Donaueschingen ( Alemaña)	Christian Ahlmann Cöster 11,55 puntos	Ludger Beerbaum Goldfever III 11,59 puntos	Marcus Ehning For Pleasure 12,01 puntos
XXVIII 2005 San Patrignano ( Italia)	Marco Kutscher Montender II 7,79 puntos	Christina Liebherr L. B. No Mercy 8,69 puntos	Jeroen Dubbeldam Bmc Nassau 11,62 puntos
XXIX 2007 Mannheim ( Alemaña)	Meredith Michaels-Beerbaum Shutterfly 1,54 puntos	Jos Lansink Al-Kaheer Cavalor Cumano 3,42 puntos	Ludger Beerbaum Goldfever III 5,11 puntos
XXX 2009 Windsor (Reinu Xuníu)	Kevin Staut Kraque Boom 9,42 puntos	Carsten-Otto Nagel Corradina 9,64 puntos	Albert Zoer Oki Doki 11,18 puntos
XXXI 2011 Madrid ( España)	Rolf-Göran Bengtsson Ninja La Silla 6,77 puntos	Carsten-Otto Nagel Corradina 8,69 puntos	Nick Skelton Carlo 9,04 puntos
XXXII 2013 Herning ( Dinamarca)	Roger Yves Bost Castle Forbes Myrtille Paulois 1,58 puntos	Ben Maher Cella 4,00 puntos	Scott Brash Hello Sanctos 6,72 puntos
XXXIII 2015 Aquisgrán ( Alemaña)	Jeroen Dubbeldam SFN Zenith N. O. P. 3,68 puntos	Gregory Bathelet Conrad de Hus 5,04 puntos	Simon Delestre Ryan des Hayettes 7,67 puntos
XXXIV 2017 Gotemburgu ( Suecia)	Peder Fredricson H&M All In 5 puntos	Harrie Smolders Don VHP Z 5,52 puntos	Cian O'Connor Good Luck 6,25 puntos
XXXV 2019 Rotterdam ( Países Baxos)	Martin Fuchs Clooney 51 4,46 puntos	Ben Maher Explosion W 4,62 puntos	Jos Verlooy Igor 6,68 puntos
XXXVI 2021 Riesenbeck ( Alemaña)	André Thieme Chakaria 6,84 puntos	Martin Fuchs Leone Jei 9,31 puntos	Peder Fredricson Catch Me Not 9,46 puntos
XXXVII 2023 Milano ( Italia)	Steve Guerdart Dynamix de Belheme 0,43 puntos	Philipp Weishaupt Zineday 4,31 puntos	Julien Epaillard Dubai du Cedre 4,61 puntos
XXXVIII 2025

Equipos

Actividá
I 1957 Rotterdam ( Países Baxos)	Nun hebo competición d'equipos
II 1958 Aquisgrán ( Alemaña Occidental)
III 1959 París ( Francia)
IV 1961 Aquisgrán ( Alemaña Occidental)
V 1962 Londres (Reinu Xuníu)
VI 1963 Roma ( Italia)
VII 1965 Aquisgrán ( Alemaña Occidental)
VIII 1966 Lucerna (Suiza)
IX 1967 Rotterdam ( Países Baxos)
X 1969 Hickstead (Reinu Xuníu)
XI 1971 Aquisgrán ( Alemaña Occidental)
XII 1973 Hickstead (Reinu Xuníu)
XIII 1975 Múnich ( Alemaña Occidental)	Alemaña Occidental (35,5 puntos) A. Schockemöhle - Warwick Rex H. Steenken - Erle S. Sönksen - Kwept H. Snoek - Rasputin	Suiza (94 puntos) P. Weier - Wulf W. Gabathuler - Butterfly B. Candrian - Golden Shuttle J. Friedli - Firebird	Francia (97 puntos) M. Rozier - Bayard de Maupas G. B. Balanda - Bearn M. Roche - Un Espoir H. Parot - Rivage
XIV 1977 Viena (Austria)	Países Baxos (20 puntos) H. Wouters - Salerno A. Ebben - Jumbo Design H. Nooren - Pluco J. Heins - Seven Valleys	Reinu Xuníu (20,25 puntos) D. Ricketts - Hydrophane Coldstream D. Johnsey - Moxy H. Smith - Olympic Star D. Broome - Philco	Alemaña Occidental N. Koof - Minister L. Merkel - Salvaro P. Schockemöhle - Agent G. Wiltfang - Davos
XV 1979 Rotterdam ( Países Baxos)	Reinu Xuníu (24,70 puntos) M. Pyrah - Law Court D. Ricketts - Hydrophane Coldstream C. Bradley - Tigre D. Broome - Queensway Big Q	Alemaña Occidental (30,95 puntos) H. W. Johannsmann - Sarto P. Luther - Livius P. Schockemöhle - Deister G. Wiltfang - Roman	Irlanda (34,10 puntos) J. Roche - Maigh Cuillin G. Mullins - Ballinderry C. Power - Rockbarton E. Macken - Carroll's Boomerang
XVI 1981 Múnich ( Alemaña Occidental)	Alemaña Occidental (11,86 puntos) N. Koof - Fire G. Wiltfang - Roman P. Luther - Livius P. Schockemöhle - Deister	Suiza (21,86 puntos) W. Melliger - Trumpf Buur W. Gabathuler - Harley T. Fuchs - Willora Carpets B. Candrian - Van Gogh	Países Baxos (26,35 puntos) E. Hendrix - Livius R. Ehrens - Koh-I-Noor H. Nooren - Opstalan II J. Heins - Larramy
XVII 1983 Hickstead (Reinu Xuníu)	Suiza (12,19 puntos) W. Gabathuler - Beethoven II H. Robbiani - Jessica V W. Melliger - Van Gogh T. Fuchs - Willora Swiss	Reinu Xuníu (21,89 puntos) H. Smith - Sanyo Olympic Video D. Broome - Mr. Ross J. Whitaker - Ryan's Son M. Pyrah - Towerlands Anglezarke	Alemaña Occidental (24,32 puntos) A. von Buchwaldt - Wendy M. Rüping - Caletto G. Wiltfang - Goldika P. Schockemöhle - Deister
XVIII 1985 Dinard ( Francia)	Reinu Xuníu (21,56 puntos) N. Skelton - Everest St. James M. Whitaker - Warren Point M. Pyrah - Towerlands Anglezarke J. Whitaker - Hopscotch	Suiza (42,08 puntos) P. Guerdat - Pybalia H. Robbiani - Jessica V W. Gabathuler - The Swan W. Melliger - Beethoven II	Alemaña Occidental (44,75 puntos) F. Sloothaak - Walido M. Rüping - Silbersee H. Luther - Livius P. Schockemöhle - Deister
XIX 1987 Sankt-Gallen (Suiza)	Reinu Xuníu (10,32 puntos) N. Skelton - Raffles Apollo M. Whitaker - Next Amada M. Pyrah - Towerlands Anglezarke J. Whitaker - Next Milton	Francia (35,43 puntos) P. Rozzier - Jiva Malesan P. Durand - Jappeloup de Luze F. Cottier - Flambeau M. Robert - Pequignet Lafayette	Suiza (45,01 puntos) P. Guerdat - Lanciano V M. Fuchs - Shandor II W. Gabathuler - The Swan W. Melliger - Malesan Bordeau Corso
XX 1989 Rotterdam ( Países Baxos)	Reinu Xuníu (20,35 puntos) N. Skelton - Burmah Apollo M. Whitaker - Next Monsanta J. Turi - Country Classics Kruger J. Whitaker - Next Milton	Francia (33,41 puntos) H. Godignon - Moët & Chandon La Belletière P. Rozzier - Oscar Minotière Malésan M. Robert - Pequignet Lafayette P. Durand - Jappeloup de Luze	Suiza (35,85 puntos) W. Gabathuler - Moët & Chandon The Swan M. Fuchs - Moët & Chandon Shandor W. Melliger - Moët & Chandon Corso T. Fuchs - Moët & Chandon Dollar Girl
XXI 1991 La Baule ( Francia)	Países Baxos (29,87 puntos) J. Lansink - Optiebeurs Egano E. Hendrix - Optiebeurs Aldato J. Tops - Top Gun La Scilla P. Raymakers - Ratina	Reinu Xuníu (34,16 puntos) J. Whitaker - Henderson Milton D. Broome - Lannegan M. Whitaker - Henderson Mon Santa N. Skelton - Phoenix Park	Suiza (37,39 puntos) T. Fuchs - Dollar Girl R. Letter - Nascon Cartier M. Fuchs - Shandor W. Melliger - Quinta
XXII 1993 Xixón ( España)	Suiza (19,23 puntos) W. Melliger - Quinta C L. Mcnaught-Mändli - Mändli-Pirol IV S. Lauber - Lugana II T. Fuchs - Dylano	Reinu Xuníu (21,15 puntos) N. Skelton - Everest Dollar Girl M. Whitaker - Everest Midnight Madness M. Armostrong - Corella J. Whitaker - Everest Gammon	Francia (29,88 puntos) H. Boudry - San Patrignano Razzia M. Robert - Miss San Patrignano H. Godignon - Twist du Valon É. Navet - Waiti Quito de Baussy
XXIII 1995 Sankt-Gallen (Suiza)	Suiza (8 puntos) W. Melliger - Calvaro L. Mcnaught-Mändli - Mändli-Doenhoff S. Lauber - Baby Network Escado T. Fuchs - Major AC Folien	Reinu Xuníu (12 puntos) N. Skelton - Everest Dollar Girl M. Whitaker - Everest Two Step S. Bradley - Endeavour J. Whitaker - Everest Welham	Francia (16 puntos) H. Godignon - Unic du Perchis J. M. Bonneau - Pironniere A. Ledermann - Rochet R. Y. Bost - Souviens Toi III
XXIV 1997 Mannheim ( Alemaña)	Alemaña (15,75 puntos) M. Merschformann - Ballerina L. Beerbaum - Ratina Z M. Beerbaum - Lady Weingard L. Nieberg - For Pleasure	Países Baxos (21,61 puntos) B. Romp - Mr. Blue J. Lansink - Calvaro Z J. Tops - Top Gun E. Hendrix - Finesse	Reinu Xuníu (34,86 puntos) R. Smith - Tees Hanauer G. Billington - It's Otto J. Whitaker - Welham M. Whitaker - Ashley (ex Alize des Isles)
XXV 1999 Hickstead (Reinu Xuníu)	Alemaña (24,13 puntos) C. O. Nagel - L'Eperon M. Ehning - For Pleasure L. Beerbaum - Champion du Lys M. Michaels-Beerbaum - Stella	Suiza (25,91 puntos) B. Mändli - Pozitano W. Melliger Calvaro M. Fuchs - Tinka's Boy L. Mcnaught-Mändli - Dulf Z	Países Baxos (29,13 puntos) J. Lansink - Carthago Z J. Tops - Montemorelos J. Dubbeldam - De Sjiem E. Hendrix - Finesse
XXVI 2001 Arnhem ( Países Baxos)	Irlanda (34,04 puntos) D. Lennon - Liscalgot P. Charles - Traxdata Corrada J. Kürten - Bonita 38 K. Babington - Carling King	Suecia (35,19 puntos) P. Eriksson - VDL Cardento 933 R. G. Bengtsson - Isovlas Pialotta H. Lundbäck - Utfors Mynta M. Baryard - Butterfly Flip	Alemaña (41,75 puntos) L. Beerbaum - Gladdys S L. Nieberg - Esprit FRH O. Becker - Dobel's Cento S. von Rönne - Chandra
XXVII 2003 Donaueschingen ( Alemaña)	Alemaña (15,15 puntos) O. Becker - Dobel's Cento L. Beerbaum - Goldfever 3 C. Ahlmann - Cöster M. Ehning - For Plasure	Francia (25,30 puntos) R. Angot - Tlaloc M M. Hécart - Quilano de Kalvarie E. Levallois - Diamant de Semilly M. Robert - Galet d'Auzay	Suiza (28,86 puntos) W. Melliger - Gold du Talus M. Fuchs - Tinka's Boy S. Guerdat - Tepic La Silla B. Mändli - LB Pozitano
XXVIII 2005 San Patrignano ( Italia)	Alemaña (18 puntos) M. Ehning - Gitania 8 C. Ahlmann - Cöster M. Kutscher - Montender 2 M. Michaels-Beerbaum - Checkmate 4	Suiza (34,42 puntos) F. Crotta - Mme Pompadour M S. Guerdat - Isovlas Pialotta C. Liebherr - L. B. No Mercy M. Fuchs - La Toya III	Países Baxos (35,76 puntos) G. Schröder - Eurocommerce Monaco L. Thijssen - Nairobi J. Dubbeldam - BMC Nassau Y. Houtackers - Gran Corrado
XXIX 2007 Mannheim ( Alemaña)	Países Baxos (7,355 puntos) V. Voorn - Audi's Alpapillon-Armanie J. Dubbeldam - BMC Up and Down G. Schröder - Berlin A. Zoer - Okidoki	Alemaña (9,17 puntos) L. Beerbaum - Goldfever 3 M. Michaels-Beerbaum - Shutterfly C. Ahlmann - Cöster M. Ehning - Noltes Kuechegirl	Reinu Xuníu (15,42 puntos) M. Whitaker - Suncal Portofino 63 D. Mcpherson - Pilgrim II E. Whitaker - AK Locarno 62 J. Whitaker - Peppermill
XXX 2009 Windsor (Reinu Xuníu)	Suiza (27,66 puntos) S. Guerdat - Jalisca Solier C. Crotta - West Side V Meerputhoeve D. Etter - Peu a Peu 4 P. Schwizer - Ulysse	Italia (31 puntos) P. Bucci - Kanebo N. Chiaudani - Seldana di Campalto G. d'Onofrio - Landzeu 2 C. Garcia Juan - Hamilton de Perhet	Alemaña (31,75 puntos) M. Michaels-Beerbaum - Checkmate 4 T. Mühlbauer - Asti Spumante 7 C. O. Nagel - Corradina 2 M. Ehning - Plot Blue
XXXI 2011 Madrid ( España)	Alemaña (10,41 puntos) M. Kutscher - Cornet Obolensky C. O. Nagel - Corradina J. F. Meyer - Cellagon Lambrasco L. Beerbaum - Gotha FRH	Francia (15,95 puntos) M. Robert - Kellemoi de Pepita P. Leprevost - Mylord Carthago*HN K. Staut - Silvana de Hus O. Guillon - Lord de Theize	Reinu Xuníu (22,46 puntos) N. Skelton - Carlo G. Williams - Titus B. Maher - Tripple X III J. Whitaker - Peppermill
XXXII 2013 Herning ( Dinamarca)	Reinu Xuníu (12,18 puntos) B. Maher - Cella M. Whitaker - Viking W. Funnell - Billy Congo S. Brash - Hello Sanctos	Alemaña (12,77 puntos) D. Deusser - Cornet d'Amour C. O. Nagel - Corradina 2 C. Ahlmann - Codex One L. Beerbaum - Chiara 222	Suecia (13,44 puntos) J. Fredickson - Lunatic A. Augustsson - Mic Mac du Tillard H. von Eckermann - Gotha FRH R. G. Bengtsson - Casall Ask
XXXIII 2015 Aquisgrán ( Alemaña)	Países Baxos (8,82 puntos) G. Schröder - Glock's Cognac Champblanc J. Dubbeldam - SFN Zenith M. van der Vleuten - Verdi TN J. Vrieling - VDL Zirocco Blue	Alemaña (12,40 puntos) L. Beerbaum - Chiara 222 D. Deusser - Cornet d'Amour M. Michaels-Beerbaum - Fibonacci 17 C. Ahlmann - Taloubet Z	Suiza (18,23 puntos) J. Sprunger - Bonne Chance CW P. Estermann - Castlefield Eclipse M. Fuchs - Clooney 51 R. Duguet - Quorida de Treho
XXXIV 2017 Gotemburgu ( Suecia)	Irlanda (12,11 puntos) S. Sweetnam - Chaqui Z B. Allen - Hector Van D'abdijhoeve D. Lynch - All Star 5 C. O'Connor - Good Luck	Suecia (18,21 puntos) H. von Heckermann - Toveks Mary Lou M. Baryard-Johnsson - Cue Channa 42 D. Lindelöw - Zacramento P. Fredricson - H&M All In	Suiza (20,15 puntos) N. P. Steiner - Saura De Fondcombe R. Duguet - Twentytwo Des Biches M. Fuchs - Clooney 51 S. Guerdat - Albfuehren's Bianca
XXXV 2019 Rotterdam ( Países Baxos)	Bélxica (11,07 puntos) P. Dievos - Claire Z J. Verlooy - Igor J. Guery - Quel Homme de Hus G. Wathelet - MJT Nevados S	Alemaña (12,22 puntos) S. Blum - DSP Alice C. Ahlmann - Clinterxo Z M. Ehning - Comme Il Faut D. Deusser - Scuderia 1918 Tobago Z	Reinu Xuníu (13,41 puntos) B. Maher - Explosion W H. Smith - Hearts Destiny A. Derbyshire - Luibanta BH S. Brash - Hello M'Lady
XXXVI 2021 Riesenbeck ( Alemaña)	Suiza (9,47 puntos) E. Baumann - Campari Z B. Balsiger - AK's Courage M. Fuchs - Leone JEI S. Guerdat - Albfuehren's Maddox	Alemaña (12,77 puntos) D. Will - C Vier 2 M. Ehning - Stargold A. Thieme - DSP Chakaria C. Kukuk - Mumbai	Bélxica (17,34 puntos) P. Dievos - Jade VD Bisschop J. Verlooy - Varoune O. Philippaerts - Le Blue Diamond V'T Ruytershof N. Philippaerts - Katanga V/HDingeshof
XXXVII 2023 Milano ( Italia)	Suecia (9,51 puntos) H. von Heckermann - Iliana W. Hellström - Cicci BJN J. Fredricson - Markan Cosmopolit R. G. Bengtsson - Zuccero	Irlanda (18,00 puntos) M. Duffy - Cinca 3 T. Breen - Highland President S. Sweetnam - James Kann Cruz E. McMahon - Mila	Austria (22,77 puntos) G. Puck - Equitron Naxcel V K. Rhomberg - Cuma 5 M. Küchner - Elektric Blue P A. Reich - Oeli R

Competición femenina

Actividá
I 1957, Spa,  Bélxica	Pat Smythe Flanagan	Giulia Serventi Doly	Michèle d'Orgeix-Cance Océan
II 1958, Palermo,  Italia	Giulia Serventi Doly	Anna Clement Nico	Irene Jansen Adelboon
III 1959,Rotterdam,  Países Baxos	Ann Townsend Bandit	Pat Smythe Flanagan	Giulia Serventi Doly Anna Clement Nico
IV 1960, Copenḥague, Dinamarca	Suzan Cohen Clare Castle	Dawn Warren-Wofford Hollandia	Anna Clement Nico
V 1961, Deauville,  Francia	Pat Smythe Scorchin	Irene Jansen Kairouan	Michèle Cancre Océan
VI 1962, Madrid, España	Pat Smythe Flanagan	Helga Köhler Cremon	Paola Goyoaga Elizalde Kif Kif
VII 1963, Hickstead, Reinu Xuníu	Pat Smythe Flanagan	Arline Givaudan Huipil	Anneli Drummond-Hay Merely-a-Monarch
VIII 1966, Xixón, España	Janou Lefèbve Kenavo	Monica Bachmann Sandro	Lalla Novo Oxo Bob
IX 1967, Fontainebleau,  Francia	Kathy Kusner Untouchable	Lalla Novo Prédestine	Monica Bachmann Erbach
X 1968, Roma,  Italia	Anneli Drummond-Hay Merely-a-Monarch	Giulia Serventi Gay Monarch	Marion Coakes Stroller Janou Lefèbve Rocket
XI 1969, Dublín,  Irlanda	Iris Kellett Morning Light	Anneli Drummond-Hay Zanthos	Alison Westwood The Maverick VII
XII 1971, Sankt-Gallen, Suiza	Ann Moore Psalm	GBR} Alison Westwood Dawes The Maverick VII	Monika Leitenberger Limbara de Porto Conte
XIII 1973, Viena, Austria	Ann Moore Psalm	Caroline Bradley True Lass	Monica Bachmann Weier Erbach

Medayeros

Individual asolutu

#	Estáu				Total
1	Alemaña	15	11	9	35
2	Reinu Xuníu	6	9	6	21
3	Francia	5	3	4	12
4	Suiza	3	4	5	12
5	Italia	2	2	2	6
6	Países Baxos	2	1	5	8
7	Suecia	2	0	2	4
8	Irlanda	1	1	1	3
9	Brasil	1	1	0	2
10	Bélxica	0	3	1	4
11	Austria	0	1	1	2
12	Estaos Xuníos d'América	0	1	0	1
13	Arxentina	0	0	1	1

Individual femenín

#	Estáu				Total
1	Reinu Xuníu	9	5	3	17
2	Italia	1	3	2	6
3	Francia	1	0	3	4
4	Irlanda	1	0	0	1
+	Estaos Xuníos d'América	1	0	0	1
6	Alemaña	0	2	2	4
7	Suiza	0	1	2	3
8	Países Baxos	0	1	1	2
9	Brasil	0	1	0	1
10	Austria	0	0	1	1
11	España	0	0	1	1

Equipos

#	Estáu				Total
1	Alemaña	7	6	5	18
2	Suiza	5	5	6	16
3	Reinu Xuníu	5	5	4	14
4	Países Baxos	4	1	3	8
5	Irlanda	2	1	1	4
6	Suecia	1	2	1	4
7	Bélxica	1	0	1	2
8	Francia	0	4	3	7
9	Italia	0	1	0	1
10	Austria	0	0	1	1

Totales asolutos

#	Estáu				Total
1	Alemaña	22	17	14	53
2	Reinu Xuníu	11	14	10	35
3	Suiza	8	9	11	28
4	Países Baxos	6	2	8	16
5	Francia	5	7	7	19
6	Suecia	3	2	3	8
7	Irlanda	3	2	2	7
8	Italia	2	3	2	7
9	Bélxica	1	3	2	6
10	Brasil	1	1	0	2
11	Austria	0	1	2	3
12	Estaos Xuníos d'América	0	1	0	1
13	Arxentina	0	0	1	1

Enllaces esternos

• Wikimedia Commons tien conteníu multimedia tocante a Campeonatu d'Europa de Saltos de la FEI.

• Datos: Q252397