Boletus edulis

De Wikipedia
30-12-2022 17:55
Commons-emblem-notice.svg
 
Picto infobox fungus.pngBoletus edulis
(Gemeine Steinpilz) Boletus edulis.jpg
Clasificación científica
Reinu: Fungi
Filu: Basidiomycota
Clas: Agaricomycetes
Orde: Boletales
Familia: Boletaceae
Xéneru: Boletus
Especie: B. edulis
Bull., Fr.
Consultes
[editar datos en Wikidata]
Boletus edulis
Carauterístiques micolóxiques
Symbol question.svg
Pores icon.png 
Himeniu con poros
Convex cap icon.svg 
El sombreru ye convexu
No gills icon.png 
Llámines: Non aplicable
Bare stipe icon.png 
El pie ta desnudu
Brown spore print icon.png 
Espores de color marrón
Mycorrhizal ecology icon.png 
La ecoloxía ye micorriza
Edible toxicity icon.png 
Comestibilidá: comestible
[editar datos en Wikidata]
Map marker icon – Nicolas Mollet – Mushroom – Nature – iphone.png Les especies de fungos con nome común en llingua asturiana márquense como Nmic. En casu contrariu, conséñase'l nome científicu.

El Boletus edulis ye'l nome d'una cogorda comestible bien conocida n'Asturies y que tamién recibe'l nome de cogordu o cogorzu. Puede atopase bien frecuentemente en montes de pinos. Ye una cogorda que puede algamar dimensiones notables; polo xeneral el sombreru puede midir de 7 a 20 cm de diámetru y el pie adquirir el mesmu altor. Suel confundise con Tylopilus felleus o con Boletus badius.

Altamente apreciáu, el viriatu comercialízase frescu na seronda, nel centru y sur d'Europa, pero tamién se comercializa secu per tol mundu.

Determinación y carauterístiques[editar | editar la fonte]

La forma d'esta cogorda ye bien carauterística, quiciabes asemeyada a la d'un tapón de cava. Una de les carauterístiques más llamatives d'esta cogorda a la de determinala ye'l color del so sombreru, de color pardu más o menos escuru, col cantu netamente más claru que'l restu; tien una coloración primeramente blanca, qu'adquier adulces un aspeutu más escuru. Cutícula llisa, non aterciopelada, mafosa en tiempu húmedu. Los tubos del himeniu son de primeres ablancazaos, dempués mariellu-oliva, llargos, llibres, fáciles de dixebrar del sombreru, nun azuleen. Los poros primero zarraos y finos, blancos o blancu abuxáu, dempués mariellu, finalmente verdosos. El sombreru ye carnosu y sólidu, de primeres hemisféricu, dempués convexu y finalmente convexu-esplanáu. El pie ye robustu, gruesu, llenu y sólidu, ventrudu de mozu pa tornase cilíndricu cuando crez. Color blancu o marrón claro, afatáu na so parte cimera por un retículu blancu.

Usos gastronómicos[editar | editar la fonte]

Cestu de viriatos.

Esta cogorda ye una de les más apreciaes pol so sabor y testura. El nome llatín de la cogorda indica esta carauterística: en llatín edulis significa comestible. Suel emplegase tantu cocinada como en conserves (en vinagre o aceite). La carne d'esta cogorda ye blanca (tirando escontra marrón) y compauta, tantu nel sombreru como nel pie, anque los exemplares más vieyos suelen amosar una carne más blando. Nun suel despidir golores particulares y tien un sabor bien definíu: duce como'l de les ablanes.

Llocalización[editar | editar la fonte]

Na península ye dable atopalu en munchos montes de fayes, carbayos, castañales, pinos y tamién ente carpizos yá que ye'l so llugar d'orixe

Microscopía[editar | editar la fonte]

Espores mariellu-olivacees en masa, fusiformes, 14-18x5-5 micres.

Posibles tracamundios[editar | editar la fonte]

Pue tracamundiase col Viriatu de San Xuan (B. reticulatus), pero ésti nun tien el marxe ablancazáu, el so color ye uniforme, y la cutícula mate, seca y finamente reticulada. Tamién ye un escelente comestible. Tamién con Viriatu moru[1] (Boletus aereus) y Viriatu'l pinu (Boletus pinicola) , escelentes comestibles tamién.

Galería[editar | editar la fonte]

Referencies[editar | editar la fonte]

  1. Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line: Boletus%20aereus

Enllaces esternos[editar | editar la fonte]