Bacaláu al ajoarriero

De Wikipedia
Saltar a navegación Saltar a la gueta
Platu con Bacaláu al ajoarriero.
Ajoarriero en tostas.

El Bacaláu al ajoarriero (dacuando apaez como Bacaláu al ayu arrieru) ye un platu senciellu ellaboráu con bacaláu en salazón cocináu nun sartén con diverses verdures; ente la más importante tán el tomate y l'ayu. Esisten munches variantes d'esti platu, les verdures emplegaes y los acompañamientos van depender en gran midida de la rexón, del cocineru, de la temporada o del caprichu del comensal, nun hai receta fixa. Sírvese bien caliente, tradicionalmente en cazuela de folla.

Orixe[editar | editar la fonte]

L'orixe d'esti platu nun ta bien claro, el so nome indica que s'empecipió posiblemente na actividá de los arrieros (xente encargada de tresportar distintos bienes con mules y distintos animales d'arrastre a distintes partes xeográfiques) y posiblemente fueren componiendo los ingredientes del platu pel camín. Otra teoría ye que se denomina asina pol emplegu del mueyu Ajoarriero (llamada tamién foliada en Galicia) que tien ingredientes bien similares. Principalmente cocínase en Lleón, Aragón, Navarra, Cuenca y delles zones del País Vascu.

Carauterístiques[editar | editar la fonte]

El bacaláu en salazón emplegáu na so ellaboración tien de ponese a desalar n'agua frío unu o dos díes antes (depende del métodu emplegáu). Per un sitiu faise un sofritu de les distintes verdures que componen el platu: tomate (ye unu de los ingredientes más comunes del ajoarriero, xuntu col mueyu de tomate), cebolla, pimientos del piquillo (nesti casu denominase Bacaláu ajoarriero con piquillos), pimientos, y finalmente ayu (suel llevar en proporción una cantidá grande machucaos en morteru), pataques cortaes en cubos, etc. Al ver pochar la verdura añedir el bacaláu (déxase un cuartu d'hora). Genereralmente suélse-y añedir la carne de los pimientos choriceros, ñoras y guindilla al gustu.

Preparación[editar | editar la fonte]

Cola forma de preparación final nun hai consensu ente cocineros, delles recetes menten sartén y otres l'emplegu de cazueles de folla que darréu se sirven a los comensales, nunes recetes empleguen los ayos picaos y n'otres los ayos rotos, dalgunes empleguen fornu y n'otros sartén, unos arramen vinu mientres el procesu, otros arramen pimentón y otros empleguen les carauterístiques del pimientu choriceru.

Variantes n'Ingredientes[editar | editar la fonte]

Esisten recetes (xeneralmente del norte d'España) qu'añeden a los ingredientes yá mentaos dalguna clase de mariscu: langostinos (como por casu la navarra: Bacaláu ajoarriero con langostinos), cigalas, cámbaros, etc.

Na provincia de Cuenca ellabororase con pataca, bacaláu, ayu, aceite d'oliva virxe extra y pan ensin corteza, emulsionando tolos ingredientes col aceite d'oliva.

Sirvir[editar | editar la fonte]

En terrén de los acompañamientos na fase de emplatado esisten bien diverses recetes, dende les que menten el güevu duru, el pan duro (sirvíu en rebanadas), pataques frites, .

Otros platos arrieros[editar | editar la fonte]

Ver tamién[editar | editar la fonte]

  • Ajoarriero
  • Atascaburras
  • Bacaláu al Pil Pil