Anita Orejas
Anita Orejas | |
|---|---|
| Vida | |
| Nacimientu | Sama, 1914 |
| Nacionalidá |
 España |
| Muerte | Xixón, 9 de payares de 1937 (22/23 años) |
| Sepultura |
fosa común del cementerio de Ceares (es)  |
| Causa de la muerte | mancada por arma de fueu |
| Oficiu | trabayadora doméstica, enfermera |
| Seudónimos | Anita Orejas |
| Serviciu militar | |
| Lluchó en | Guerra Civil Española |
 | |
Ana Orejas López (1914, Sama – 9 de payares de 1937, Xixón), conocida como Anita Orejas, foi una trabayadora doméstica y enfermera asturiana, víctima de la represión franquista que foi condergada a muerte acusada d'un delitu de rebelión militar.
Biografía
[editar | editar la fonte]Ana Orejas nació na llocalidá asturiana de Sama de Llangréu.[1] Trabayó como emplegada del llar.[1] Exerció como enfermera nel Sanatoriu Covadonga de Xixón mientres la guerra civil española.[1] Tuvo afiliada al Partíu Socialista Obreru Español y foi madre soltera.[1][2]
Tres la toma de Xixón el 20 d'ochobre de 1937 pol bandu subleváu, foi detenida polos nacionales el 1 o 2 de payares de 1937 y llevada al cuartel de la Guardia Civil de Los Campos en Xixón.[1][3] La detención producióse arriendes d'una denuncia na que yera acusada de llevar un pañuelu coloráu enguedeyáu al pescuezu y una pistola mientres el periodu republicanu de la ciudá.[1][2]
Ingresó na cárcel d'El Coto.[1] Foi condergada a muerte'l 8 de payares de 1937 nun conseyu de guerra sumarísimu celebráu nel Antiguu Institutu Xovellanos de Xixón.[1] A otru día, el 9 de payares de 1937 foi executada por fusilamiento a los 23 años d'edá al pie de otros trelce homes.[1][4][5] Solmenáron-y dos disparos na cabeza y trés nel corazón.[5] Foi soterrada na fuesa común del campusantu de Ciares.[6] Foi la primer muyer fusilada pol bandu nacional en Xixón.[7][8]
La so fía, María Amparo Orejas López, nacida en 1936, foi apurrida a una pareya de feriantes del bandu franquista que teníen un puestu de tiru al blancu.[4] Nunca foi reconocida por ellos y ficiéronla trabayar dende los siete años.[4] L'home yera fíu de la presidenta d'Acción Católica, Hortensia Álvarez.[4]
Reconocencies
[editar | editar la fonte]El 14 d'abril de 2010, el nome d'Orejas foi incluyíu nun monolitu instaláu nel campusantu de Ciares de Xixón, nel que se recueye'l nome de les 1.934 víctimes de la represión franquista na ciudá.[9][10]
En 2017, afayóse una placa nel Muséu Nicanor Piñole n'homenaxe a les ocho muyeres represaliaes pol franquismu en Xixón ente avientu de 1937 y agostu de 1939.[1][6] Na placa, amás del nome d'Orejas, incluyéronse los d'Eladia García Palacios, Anita Vázquez Barrancúa, Estefanía Cueto Puertas, Belarmina Suárez Muñiz, Juana Álvarez Molina, Teresa Santianes de Molenes Giménez y Máxima Vallinas Fernández.[1][6]
Bibliografía
[editar | editar la fonte]- Ortega Valcárcel, M. Enriqueta. 1994. La represión franquista en Asturias. Ejecutados y fallecidos en la cárcel del Coto, Gijón. Avilés. Azucel, D.L. 84-86546-51-6.[11]
Referencies
[editar | editar la fonte]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 ««A mi madre la mataron porque alguien la vio con un pañuelo rojo y una pistola»» (castellanu). El Comercio (2017-07-25). Consultáu'l 2021-05-05.
- ↑ 2,0 2,1 Marcelino Laruelo Roa. «La libertad es un bien muy preciado. Consejo de guerra.».
- ↑ «Cementerio de Gijón». www.amigadatecuenta.org. Consultáu'l 2023-12-12.
- ↑ 4,0 4,1 4,2 4,3 «Una mujer de 23 años, entre las primeras víctimas fusiladas por el franquismo en Gijón» (local). www.elsaltodiario.com. Consultáu'l 2024-11-07.
- ↑ 5,0 5,1 «ELADIA GARCÍA PALACIOS Y SIETE MUJERES MÁS» (castellanu). Consultáu'l 2021-05-05.
- ↑ 6,0 6,1 6,2 «Homenaje a las ocho mujeres republicanas fusiladas en la ciudad» (castellanu). La Voz de Asturias (2017-04-18). Consultáu'l 2021-05-05.
- ↑ Ceínos, J. M. (2017-07-27). «La plaza de Europa ya guarda recuerdo de las mujeres republicanas» (castellanu). La Nueva España. Consultáu'l 2021-05-05.
- ↑ «Los huérfanos de la victoria» (castellanu). La Nueva España (2009-04-01). Consultáu'l 2021-05-05.
- ↑ «Un monolito homenajea en el cementerio de Ceares a las víctimas de la represión franquista» (castellanu). El Comercio (2010-04-14). Consultáu'l 2021-05-05.
- ↑ 1934 Nombres. Monumento a la memoria de las víctimas de la represión franquista..
- ↑ (1994) La represión franquista en Asturias. Ejecutados y fallecidos en la carcel del Coto Gijón. Azucel. ISBN 84-86546-51-6.
Enllaces esternos
[editar | editar la fonte]- Llistáu de les 1934 víctimes de la represión franquista en Xixón.
- Audiu del actu d'allugamientu de la placa-homenaxe a muyeres republicanes fusilaes pola represión franquista en Xixón, en SoundCloud.
- Entrevista a la historiadora Enriqueta Ortega Valcarcel (enllaz rotu disponible n'Internet Archive; ver l'historial y la última versión). comentando el homenaje a las represaliadas en Gijón, en la Cadena Ser.
| Control d'autoridaes |
|
|---|
Datos: Q106720882