Saltar al conteníu

Eladia García Palacios

De Wikipedia
Eladia García Palacios
Vida
Nacimientu Xixón, 1904
Nacionalidá España
Muerte Xixón, 29 d'avientu de 1937 (32/33 años)
Causa de la muerte mancada por arma de fueu
Oficiu
Oficiu profesora
Cambiar los datos en Wikidata

Eladia García Palacios (1904, Xixón – 29 d'avientu de 1937, Xixón) foi una maestra asturiana víctima de la represión franquista que foi condergada a muerte pol so compromisu políticu y social.[1]

Biografía

[editar | editar la fonte]

Nació na localidá asturiana de Xixón y yera fía de Valentina y Gaspar.[1][2] Foi maestra d'un colexu particular de La Guía , na mesma ciudá.[1] Tuvo un fíu.

Tres l'españíu de la guerra civil española, el 21 de xunetu de 1936 empezó a trabayar como cocinera na UXT.[3] Collaboró cola delegación d'Instrucción Pública del Comité de Guerra de Xixón na requisa d'edificios relixosos para la organización de grupos escolares.[3] En septiembre de 1936 convirtióse en directora de la escuela para probes Asilu Pola y del Patronatu San José de Xixón.[1][3][4][5] Mientres los bombardeos sobro Xixón, encargose d'entamar les espediciones de los Neños de Rusia pa sacupar a los menores de la ciudá.[3][4]

Formó parte de la última Comisión Executiva de l'Agrupación Socialista de Xixón como secretaria femenina y de FETE-UXT.[1][3] Tamién militó n'ATEA, el sindicatu de la enseñanza y collaboró col diariu socialista Meyora, dirixíu pol periodista Javier Bonu.[3][4]

Ingresó na cárcel d'El Cotu de Xixón. En 1937 foi condergada a muerte pol so compromisu políticu y social n'unu de los primeros conseyos de guerra que se celebraron nel Antiguu Institutu Xovellanos de Xixón.[1][3] La so actividá como maestra foi una de les razones aducíes na so sentencia de muerte.[5] Nella afirmábase que «inculcaba a les neñes l'odiu al fascismu» y familiarizábalos «coles idees de llibertá y emancipación» llevándoles a actos políticos nos qu'ella participaba.[3][4] Acusaronla tamién d'espulsar a les monxes del Asilu Pola y de que «escarnecía a les autoridaes y ordes relixoses».[3] Amás, la so amistá cola familia del políticu Belarmino Tomás foi otru de los argumentos utilizaos para la so condena.[5]

El 29 d'avientu de 1937, a los 33 años d'edá, foi executada por fusilamiento xuntu con 4 homes más.[1][6][7][8] El so cuerpu foi refundiáu a una fuesa común nel campusantu de Ciares en Xixón.[9] A la so hermana Aurora García Palacios, -y conmutaron la pena capital pola de cadena perpetua .[3]

Reconocencies

[editar | editar la fonte]

El 14 d'abril de 2010, el so nome incluyose nel monolitu homenaxe asitiáu nel campusantu de Ciares de Xixón, nel que s'homenaxa a les 1.934 víctimes de la represión franquista na ciudá.[10] Al añu siguiente, el Conceyu de Xixón aprobó denominar un parque col nome Xardinos de la Maestra Eladia García Palacios nel so honor.[11][12]

En 2017, afayóse una placa enfrente del Muséu Nicanor Piñole, antiguu edificiu del Asilu Pola que García Palacios dirixó, n'homenaxe a les ocho muyeres represaliaes pol franquismu, entre avientu de 1937 y agostu de 1939, en Xixón .[4][13] Na placa, amás del so nome, incluyéronse los d'Anita Orejas, Anita Vázquez Barrancúa, Estefanía Cueto Puertas, Belarmina Suárez Muñiz, Juana Álvarez Molina, Teresa Santianes Giménez y Máxima Vallinas Fernández.[4][8][13]

Bibliografía

[editar | editar la fonte]
  • Ortega Valcárcel, M. Enriqueta. 1994. La represión franquista n'Asturies. Executaos y finaos na cárcel del Coto , Xixón. Avilés. Azucel, D.L. 84-86546-51-6.[14]

Referencies

[editar | editar la fonte]
  1. 1 2 3 4 5 6 7 «Honores sobre fondo verde» (castellanu). La Nueva España (2011-02-02). Consultáu'l 2021-05-06.
  2. ↑ «Asturias Republicana - SEGUNDA REPUBLICA». www.asturiasrepublicana.com. Archiváu dende l'orixinal, el 17 de junio de 2022. Consultáu'l 2021-05-06.
  3. 1 2 3 4 5 6 7 8 9 10 «ELADIA GARCÍA PALACIOS Y SIETE MUJERES MÁS» (castellanu). Consultáu'l 2021-05-06.
  4. 1 2 3 4 5 6 «Homenaje a las ocho mujeres republicanas fusiladas en la ciudad» (castellanu). La Voz de Asturias (2017-04-18). Consultáu'l 2021-05-05.
  5. 1 2 3 «Una placa junto al antiguo Asilo Pola recordará a las republicanas fusiladas en Gijón» (castellanu). El Comercio (2017-04-17). Consultáu'l 2021-05-06.
  6. ↑ La Libertad es un bien muy preciado. Consejos de Guerra.
  7. ↑ La represión franquista en Asturias. Ejecutados y fallecidos en la cárcel del Coto, Gijón.
  8. 1 2 Ceínos, J. M. (2017-07-27). «La plaza de Europa ya guarda recuerdo de las mujeres republicanas» (castellanu). La Nueva España. Consultáu'l 2021-05-05.
  9. ↑ «Mujeres «condenadas de antemano»» (castellanu). El Comercio (2017-07-27). Consultáu'l 2021-05-06.
  10. ↑ «Un monolito homenajea en el cementerio de Ceares a las víctimas de la represión franquista» (castellanu). El Comercio (2010-04-14). Consultáu'l 2021-05-05.
  11. ↑ «El Día del Orgullo Gay dará su nombre a un nuevo parque en Montevil» (castellanu). El Comercio (2011-02-02). Consultáu'l 2021-05-06.
  12. ↑ PIÑERA, Luis Miguel (2019-05-13). «Dos parques sin inaugurar oficialmente» (castellanu). La Nueva España. Consultáu'l 2021-05-06.
  13. 1 2 ««A mi madre la mataron porque alguien la vio con un pañuelo rojo y una pistola»» (castellanu). El Comercio (2017-07-25). Consultáu'l 2021-05-05.
  14. ↑ (1994) La represión franquista en Asturias. Ejecutados y fallecidos en la carcel del Coto Gijón. Azucel. ISBN 84-86546-51-6.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Eladia_García_Palacios&oldid=4350467»