Saltar al conteníu

Anita Vázquez Barrancúa

De Wikipedia
Anita Vázquez Barrancúa
Vida
Nacimientu Aviléscirca 1911
Nacionalidá España
Muerte Xixón16 de febreru de 1938 (26/27 años)
Causa de la muerte mancada por arma de fueu[1]
Oficiu policía secreta (es) Traducir, combatiente, agricultora, soviet militiaman (en) Traducirmiliciana
Creencies
Partíu políticu Socorru Coloráu Internacional
Partíu Comunista Español
Cambiar los datos en Wikidata

Ana Vázquez Barrancúa (circa 1911Avilés – 16 de febreru de 1938Xixón), conocida como Anita Vázquez Barrancúa, foi una miliciana y comunista asturiana víctima de la represión franquista que foi condergada a muerte y fusilada.

Biografía

[editar | editar la fonte]

Nació na localidá asturiana d'Avilés, anque yera vecina de Xixón.[2] Yera fía de Socorro y José, taba soltera y dedicóse a la llabranza.[2][3] Foi militante del Partíu Comunista Español y del Socorru Coloráu Internacional.[2][3][4] Exerció como policía secreta y dempués foi miliciana voluntaria nel frente nel Batallón Máximo Gorki na guerra civil española.[2][3][4]

El 18 de xunu de 1937 foi xulgada pol Tribunal Popular de Vizcaya, que s'ocupaba los casos d'espionaxe, siendo absuelta.[5] El 19 de xineru de 1938 foi condergada a muerte nun conseyu de guerra celebráu nel Antiguu Institutu Xovellanos de Xixón.[3][6] Foi executada por fusilamientu'l 16 de febreru de 1938 a los 27 años.[2][3] El so cadabre foi soterráu nuna fuesa común del campusantu de Ciares de Xixón.[6] Al pie de ella, fueron fusilaos venti homes.[7]

Reconocencies

[editar | editar la fonte]

El 14 d'abril de 2010, incluyóse'l so nome nel monolitu homenaxe instaláu nel campusantu de Ciares de Xixón, nel que se recueye a les 1.934 víctimes de la represión franquista na ciudá.[8]

En 2017, instalóse una placa nel Muséu Nicanor Piñole n'honor a les ocho muyeres represaliaes ente avientu de 1937 y agostu de 1939 pol franquismu en Xixón.[9][10] Nella figuraben, amás de Vázquez, Eladia García Palacios, Juana Álvarez Molina, Estefanía Cueto Puertas, Belarmina Suárez Muñiz, Anita Orejas, Teresa Santianes de Molenes Giménez y Máxima Vallinas Fernández.[9][10][11]

Bibliografía

[editar | editar la fonte]
  • Ortega Valcárcel, M. Enriqueta. 1994. La represión franquista en Asturias. Ejecutados y fallecidos en la cárcel del Coto, Gijón. Avilés. Azucel, D.L. 84-86546-51-6.[12]

Referencies

[editar | editar la fonte]
  1. URL de la referencia: http://www.memoria-antifranquista.com/webvella/actualitat/consejos-guerra.pdf. Data de consulta: 8 mayu 2021.
  2. 2,0 2,1 2,2 2,3 2,4 «Asturias Republicana - Consejos Guerra Gijón. Feb. 1938. (I)». www.asturiasemanal.es. Consultáu'l 2021-05-08.
  3. 3,0 3,1 3,2 3,3 3,4 La Libertad es un bien muy preciado. Consejos de Guerra.
  4. 4,0 4,1 «Una placa junto al antiguo Asilo Pola recordará a las republicanas fusiladas en Gijón» (castellanu). El Comercio (2017-04-17). Consultáu'l 2021-05-08.
  5. Espías vascos.
  6. 6,0 6,1 «Mujeres «condenadas de antemano»» (castellanu). El Comercio (2017-07-27). Consultáu'l 2021-05-08.
  7. «ATENTAN CONTRA LA MEMORIA DE LAS 8 MUJERES FUSILADAS EN GIJÓN» (castellanu). Consultáu'l 2021-05-08.
  8. «Un monolito homenajea en el cementerio de Ceares a las víctimas de la represión franquista» (castellanu). El Comercio (2010-04-14). Consultáu'l 2021-05-05.
  9. 9,0 9,1 «Homenaje a las ocho mujeres republicanas fusiladas en la ciudad» (castellanu). La Voz de Asturias (2017-04-18). Consultáu'l 2021-05-05.
  10. 10,0 10,1 ««A mi madre la mataron porque alguien la vio con un pañuelo rojo y una pistola»» (castellanu). El Comercio (2017-07-25). Consultáu'l 2021-05-05.
  11. Ceínos, J. M. (2017-07-27). «La plaza de Europa ya guarda recuerdo de las mujeres republicanas» (castellanu). La Nueva España. Consultáu'l 2021-05-05.
  12. (1994) La represión franquista en Asturias. Ejecutados y fallecidos en la carcel del Coto Gijón.

Enllaces esternos

[editar | editar la fonte]