Alfa Horologii

Alfa Horologii

Constelación	Horologium
Ascensión reuta α	04h 14min 00,11s
Declinación δ	-42º 17’ 39,7’’
Distancia	117 años lluz
Magnitú visual	+3,86
Magnitú absoluta	+1,07
Lluminosidá	47 soles
Temperatura	4650 K
Masa	1,55 soles
Radiu	11 soles
Tipu espectral	K2III
Velocidá radial	+21,7 km/s

Alfa Horologii (α Hor / HD 26967 / HR 1326) ye la estrella más brillosa na constelación de Horologium (el reló), asitiada al estremu norte de la mesma, con magnitú aparente +3,86. Al tar nuna constelación menor del hemisferiu sur y ser namái de cuarta magnitú, nun tien nome tradicional. Alcuéntrase a 117 años lluz de distancia del Sistema Solar.

Alfa Horologii ye una xigante naranxa de tipu espectral K2III con una temperatura superficial de 4650 K. El so tipu espectral ye cuasi igual al de la conocida Arturu (α Bootis), anque con una lluminosidá equivalente a 47 soles ye menos lluminosa qu'ésta. Les sos carauterístiques físiques son más allegaes a Pólux (β Geminorum) o Kaus Borealis (λ Sagittarii). El so radiu ye 11 vegaes mayor qu'el radiu solar y la so masa ye aproximao doble de la del Sol. La so edá envalórase nunos 1000 millones d'años y cuando taba na secuencia principal yera una estrella blanca de tipu A similar a como ye güei Vega (α Lyrae).

Alfa Horologii tien una metalicidá —bayura relativa d'elementos más pesaos qu'el heliu— cuasi igual a la del Sol ([M/H] = -0,01). Los conteníos d'aluminiu, siliciu, titaniu, níquel, vanadiu y bariu son bien paecíos a los valores solares; namái sodiu y calciu paecen ser daqué más abondosos que na nuesa estrella.

Referencies

• Datos: Q1330224