Kaus Borealis

De Wikipedia
Saltar a navegación Saltar a la gueta
Kaus Borealis
Kaus Borealis
Constelación Saxitariu
Ascensión reuta α 18h 27min 58,2s
Declinación δ -25º 25’ 18’’
Distancia 77,3 ± 1,6 años lluz
Magnitú visual +2,81
Magnitú absoluta +0,94
Lluminosidá 52 soles
Temperatura 4700 K
Masa 2,3 soles
Radiu 11 soles
Tipu espectral K1IIIb
Velocidá radial -43,2 km/s
Otros nomes HD 169916 / HR 6913
HIP 90496 / SAO 186841

Kaus Borealis (λ Sagittarii / λ Sgr / 22 Sagittarii)[1] ye una estrella de la constelación de Saxitariu de magnitú aparente +2,81.

Nome[editar | editar la fonte]

Kaus Borealis ta asitiada na parte cimera del arcu, d'onde provién el so nome: Kaus, del árabe «arcu», y Borealis del llatín «boreal», «nel norte». Debaxo atópense les otres estrelles del arcu, Kaus Medius (δ Sagittarii) y Kaus Australis (ε Sagittarii). Xuntu a Polis (μ Sagittarii) pue ser el Anu-nin-tum acadiu, acomuñáu cola diosa Ishtar.[2]

Llocalización[editar | editar la fonte]

Xusto al oeste de Kaus Borealis y enriba de la Nebulosa de la Llaguna asítiase'l solsticiu d'iviernu, el puntu más meridional del percorríu del Sol al traviés del cielu.[3] Tando cerca de la eclíptica, Kaus Borealis dacuando ye despintáu pola Lluna y dacuando por planetes. L'últimu planeta que la despintó foi Venus el 19 de payares de 1984 y enantes facer Mercuri u'l 5 d'avientu de 1865.

Kaus Borealis ta a 77 años lluz del Sistema Solar. Dientro de 432.000 años va tener llugar el so máximu acercamientu a la Tierra, cuando va tar a 35 años lluz; nesi momentu, el so rellumu va algamar magnitú +1,06.[4]

Carauterístiques[editar | editar la fonte]

Kaus Borealis ye una xigante naranxa de tipu espectral K1IIIb[1] similar a Pólux (β Geminorum). Con una temperatura superficial de 4700 K, tien una lluminosidá 52 vegaes mayor que la del Sol. La midida del so diámetru angular, 0,0044 segundos d'arcu, dexa calcular el so radiu, 11 vegaes más grande qu'el radiu solar. Coles mesmes ye una fonte de rayos X, lo qu'indica que tien cierta actividá magnética. Tien una masa averada de 2,3 mases solares.[3]

La composición química de Kaus Borealis ye asemeyada a la solar, siendo'l so índiz de metalicidá —bayura relativa d'elementos más pesaos qu'el heliu— [M/H] = -0,04.[5]

Referencies[editar | editar la fonte]