AR Lacertae

De Wikipedia
Saltar a navegación Saltar a la gueta
Ficha d'oxetu celesteAR Lacertae
Datos d'observación
Ascensión reuta (α) 332,17007515532 °[1]
Declinación (δ) 45,742251123806 °[1]
Distancia a la Tierra 42,6745 pc
Magnitú aparente (V) 6,11 (banda V)
Constelación Lacerta
Velocidá de rotación 88 km/s[3]
Velocidá radial −33,84 km/s[4]
Parallax 23,4332 mas[1]
Tipu espectral G2Vn[5] y G4Vn[5]
Otros nomes
Cambiar los datos en Wikidata

Coordenaes: Sky map 22h 8m 40.818s, 45° 44 32.104

AR Lacertae (AR Lac / HD 210334 / HR 8448) ye una estrella variable na constelación de Lacerta, asitiada na parte septentrional de la mesma, a 6 minutos en ascensión reuta de la llende cola constelación de Cygnus. Alcuéntrase a 137 años lluz del Sistema Solar.

AR Lacertae ye una binaria eclipsante compuesta por una subxigante mariella de tipu espectral G2 IV[6] y una estrella xigante —o posiblemente tamién subxigante— clasificada como K0 III, K0 IV o K2 III.[7] Les mases de dambes componentes son 1,23 y 1,27 mases solares, y los radios son 1,52 y 2,72 radios solares respeutivamente.[8]

El rellumu de AR Lacertae bazcuya ente magnitú aparente +6,08 y +6,77[9] siguiendo l'esquema tipu de les variables RS Canum Venaticorum, con un periodu de 1,983 díes. Esti tipu d'estrelles son variables eruptives que les sos componentes tienen intensa actividá cromosférica. Dambes estrelles tán bien próximes; en AR Lacertae l'envoltoriu de gas presente nel sistema provoca una distorsión de la curva de lluz. El sistema presenta una variabilidá significativa na rexón de rayos X y nel ultravioleta estremu (EUV), probablemente debida a l'actividá de dambes componentes.[8]

Ente les estrelles que tán a menos de 50 pársecs del Sistema Solar, AR Lacertae ye la cuarta más brillosa en rayos X, namái superada por II Pegasi, V711 Tauri y UX Arietis. La so lluminosidá —en dicha rexón del espectru— ye de 137,7×1022 W.[10]

Referencies[editar | editar la fonte]

  1. 1,0 1,1 1,2 1,3 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  2. Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data de publicación: 2002.
  3. «Abundances in the local region. II. F, G, and K dwarfs and subgiants». The Astronomical Journal (1):  páxs. 21–21. 21 avientu 2016. doi:10.3847/1538-3881/153/1/21. 
  4. «Kinematics of chromospherically active binaries and evidence of an orbital period decrease in binary evolution» (n'inglés). Monthly Notices of the Royal Astronomical Society (3):  páxs. 1069–1092. abril 2004. doi:10.1111/J.1365-2966.2004.07588.X. 
  5. 5,0 5,1 Afirmao en: MK classifications of some northern hemisphere binary systems. Páxina: 131–144. Data de publicación: 1975.
  6. AR Lacertae - Variable of RS CVn type (SIMBAD)
  7. AR Lacertae (The Bright Star Catalogue)
  8. 8,0 8,1 Huenemoerder, David P.; Canizares, Claude R.; Drake, Jeremy J.; Sanz-Forcada, Jorge (2003). «The Coronae of AR Lacertae». The Astrophysical Journal 595 (2). pp. 1131-1147. http://cdsads.u-strasbg.fr/cgi-bin/nph-bib_query?2003ApJ...595.1131H&db_key=AST&nosetcookie=1. 
  9. AR Lacertae (General Catalogue of Variable Stars)
  10. Makarov, Valeri V. (2003). «The 100 Brightest X-Ray Stars within 50 Parsecs of the Sun». The Astronomical Journal 126 (4). pp. 1996-2008. http://cdsads.u-strasbg.fr/cgi-bin/nph-bib_query?2003AJ....126.1996M&db_key=AST&nosetcookie=1. 

Coordenaes: Sky map 22h 8m 40.818s, 45° 44 32.104