AR Lacertae

De Wikipedia
Saltar a navegación Saltar a la gueta
AR Lacertae
AR Lacertae A/B
Constelación Lacerta
Ascensión reuta α 22h 08min 40,82s
Declinación δ +45º 44’ 32,1’’
Distancia 137 años-lluz
Magnitú visual +6,09 (conxunta)
Magnitú absoluta +2,97 (conxunta)
Lluminosidá 6,4 soles (conxunta)
Masa 1,23 / 1,27 soles
Radiu 1,52 / 2,72 soles
Tipu espectral G2 IV / K0 III-IV
Velocidá radial –34,6 km/s

AR Lacertae (AR Lac / HD 210334 / HR 8448) ye una estrella variable na constelación de Lacerta, asitiada na parte septentrional de la mesma, a 6 minutos en ascensión reuta de la llende cola constelación de Cygnus. Alcuéntrase a 137 años lluz del Sistema Solar.

AR Lacertae ye una binaria eclipsante compuesta por una subxigante mariella de tipu espectral G2 IV[1] y una estrella xigante —o posiblemente tamién subxigante— clasificada como K0 III, K0 IV o K2 III.[2] Les mases de dambes componentes son 1,23 y 1,27 mases solares, y los radios son 1,52 y 2,72 radios solares respeutivamente.[3]

El rellumu de AR Lacertae bazcuya ente magnitú aparente +6,08 y +6,77[4] siguiendo l'esquema tipu de les variables RS Canum Venaticorum, con un periodu de 1,983 díes. Esti tipu d'estrelles son variables eruptives que les sos componentes tienen intensa actividá cromosférica. Dambes estrelles tán bien próximes; en AR Lacertae l'envoltoriu de gas presente nel sistema provoca una distorsión de la curva de lluz. El sistema presenta una variabilidá significativa na rexón de rayos X y nel ultravioleta estremu (EUV), probablemente debida a l'actividá de dambes componentes.[3]

Ente les estrelles que tán a menos de 50 pársecs del Sistema Solar, AR Lacertae ye la cuarta más brillosa en rayos X, namái superada por II Pegasi, V711 Tauri y UX Arietis. La so lluminosidá —en dicha rexón del espectru— ye de 137,7×1022 W.[5]

Referencies[editar | editar la fonte]