Pitágores

Pitágores
Vida
Nacimientu	Samos (es) , sieglu VIedC
Nacionalidá	Samos
Residencia	Crotone
Muerte	Metaponto (es) ,
Familia
Padre	Mnesarchus
Casáu con	Téano
Fíos/es	Mnesarchos von Kroton (es) ; Myia; Damo; Telauges (es) ; Arignota de Samos (es)
Estudios
Llingües falaes	griegu antiguu
Alumnu de	Anaximandro (es) ; Themistoclea (es) ; Hermodamas (en) ; Ferécides de Siros (es) ; Tales de Mileto
Profesor de	Filolao (es) ; Empédocles
Oficiu	matemáticu, filósofu, políticu, escritor, musicólogu, teóricu de la música
Trabayos destacaos	teorema de Pitágoras; terna pitagórica (es) ; sólido platónico (es)
Influyencies	Ferécides de Siros (es) , Anaximandro (es) , Tales de Mileto y Zoroastru
Movimientu	Pitagóricos (es) ; filosofía occidental (es)
Creencies
Relixón	Pitagóricos (es)

Pitágores^[3] de Samos (aproximao 582 e.C. - 507 e.C., en griegu: Πυθαγόρας ο Σάμιος) foi un filósofu y matemáticu griegu, famosu sobre too pol Teorema de Pitágoras.

Pitágoras ñació na islla de Samos. Siendo bien mozu viaxó a Mesopotamia y Exiptu. A la vuelta a Samos, finó los estudios y fundó la so primer escuela cuando la tiranía de Polícrates. Problemes políticos obligáronlu a colar pa Crotona, nel sur d'Italia, au fundó la so segunda escuela. Les doctrines d'esti centru cultural rexíense por regles estrictes enforma. La escuela (anque rigorosamente esotérica) taba abierta a homes y muyeres indistintamente. Los estudiantes pertenecíen a estremaes races, relixones y estratos socio-económicos. Depués de ser espulsaos polos pobladores de Crotona, los pitagóricos exiliáronse en Taranto, au se fundó una nueva escuela.

La escuela de pensamientu afirmaba que la estructura del universu yera aritmética y xeométrica. Poro, les matemátiques convirtiéronse nuna disciplina fundamental pa la investigación científica.

De la infancia de Pitágores sábese bien poco. Yera una persona instruyida, con conocimientos musicales (sabía tocar la llira) y lliterarios.

Pitágoras ta consideráu l'introductor de pesos y midíes, iniciador de la teoría musical; el primeru en falar de "teoría" y de "filósofos"^{[ensin referencies]}, en postular el vacíu, en considerar que l'universu yera una obra namái descifrable por medios matemáticos y que la tierra tien forma esférica.

La lóxica del númberu

Lo primero ye la unidá, que cada cosa depende de que seya una y esi ye'l principiu del ún: que cada dalgo seya d'una mena'l tou de sí o un puntu. El cuatro ye'l tránsitu de la superficie a la solidez que representa la pluralidá, la suma de 1, 2, 3 y 4 ye la década, que representa l'armonía y que tien como conteníu la progresión lóxica que lleva a ella y dende la que se reanicia tou movimientu.

L'ambigüedá pitagórica

Constituyida como secta relixosa encargada de velar polos misterios revelaos a Pitágoras y xebrada en miembros parcialmente aniciaos (los "acusmáticos") y totalmente aniciaos (los "matemáticos"), el corpus de rigorosos conocimientos científicos d'esta escuela entemezse con idees místiques y supersticioses populares mui vieyes, venceyes a la maxa numbérica. Esti tratamientu llitúrxicu xustifica la famosa aberración a los númberos reales irracionales, como Pi o raíz cuadrada de dos.

Dalgunos escritores consideren que Pitágoras foi en realidá toa una escuela de pensamientu y non solo una persona; ello ye tan asina, que dellos aseguren que foron siete persones diferentes.

Referencies

↑ «EB-11 / Pythagoras» (n'inglés). Encyclopædia Britannica de 1911.
↑ ^2,0 ^2,1 Afirmao en: Encyclopædia Britannica Online. Identificador Encyclopædia Britannica Online: biography/Pythagoras. Apaez como: Pythagoras. Data de consulta: 11 avientu 2020. Llingua de la obra o nome: inglés.
↑ Esti términu apaez nel Diccionariu de l'Academia de la Llingua Asturiana. Ver: pitagóricu

Enllaces esternos

Biografía de Pitágoras MundoFilosofía

[e98e55257ab1af7674affa9fd978dfe03a6995c4-1] «EB-11 / Pythagoras» (n'inglés). Encyclopædia Britannica de 1911.

[fc71cdf522eaa772911ec88c0ac9160342eb59d0-2] 2,0 ^2,1 Afirmao en: Encyclopædia Britannica Online. Identificador Encyclopædia Britannica Online: biography/Pythagoras. Apaez como: Pythagoras. Data de consulta: 11 avientu 2020. Llingua de la obra o nome: inglés.

[3] Esti términu apaez nel Diccionariu de l'Academia de la Llingua Asturiana. Ver: pitagóricu

[1]

[2]

[3]