Zheng He

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Discutíu mapa atribuyíu a Zheng He nel qu'apaez América unos setenta años enantes de la llegada de Cristobal Colón.

Zheng He (1371 - 1435) foi un marín y esplorador chinu que realizó delles travesíes nomaes en conxuntu «L'eunucu Sanbao al océanu occidental» (三保太監下西洋) o «Zheng He al océanu occidental», de 1405 a 1433.

Viaxes[editar | editar la fonte]

L'océanu occidental confórmenlu los llugares d'Asia y África que Zheng He esploró, incluyendo'l sudeste asiáticu, Sumatra, Java, Ceilán, India, Persia y el Golfu pérsicu, Arabia, el Mar Bermeyu hasta Exiptu y el sur d'África hasta'l canal de Mozambique.

El númberu de viaxes de so varía dependiendo del mou de división, pero navegó y esploró al menos siete vegaes l'océanu occidental cola so flota, d'unos 30.000 homes y setenta naves. Llevó a China trofeos a esgaya y embaxadores de más de trenta reinos. La revista de los Estaos Xuníos Life dio-y a Zheng He'l puestu 14 ente les persones más importantes del caberu mileniu.

Teoríes[editar | editar la fonte]

El marín xubiláu británicu Gavin Menzies suxer que Zheng He circunnavegó'l globu y descubrió América a entamos del sieglu XV, anteriormente a los viaxes de Cristobal Colón y Fernando de Magallanes.

Esta teoría básase no amañosu y avanzáu de la arquiteutura naval china del sieglu XV. Les prebes qu'apurriría Menzies sedríen dellos afayos arqueolóxicos alloriantes, como una escultura de la dinastía Ming atopada en Kenya, y exemplares de porcelana atopaos en llugares como Perú y California. Sicasí, esta teoría de 1421 encontrare poco sofitu ente los historiadores; anque la reciente apaición d'un mapa d'esa época nel que figuren América y Oceanía, vien a encontala.