Ubuntu

De Uiquipedia

Saltar a: navegación, busca
Ubuntu
Ubuntu

Versión 9.04
Desendolcador: Canonical Ltd. / Ubuntu Foundation
País d'orixe: Islla de Man
Familia: GNU/Linux
Llingua(es) disponible(s): Multillingue. Esiste versión n'asturianu
Plataformes: i386, AMD64
Tipu de núcleu: Monoliticu (Linux)
Interface gráfica por defeutu: GNOME
Cabera versión: 9.04 LTS, (Jaunty Jackalope)
Estáu autual: disponible
Páxina web: http://ubuntu.com/
versión modificada del ubuntu
Escritoriu en 3D d'Ubuntu

Ubuntu ye una distribución de GNU/Linux pal escritoriu, basada en Debian y patrocinada por Canonical Ltda, empresa de la que ye dueñu'l sudafricanu Mark Shuttleworth.

Ubuntu ye tamién el primer Sistema Operativu en Llingua Asturiana

El nome de la distribución remanez del conceutu zulú y xhosa d'ubuntu, que significa "humanidá haza otros" o "yo soi porque nosotros somos". Ubuntu ye un movimientu sudafricanu encabezáu pol obispu Desmond Tutu, quien ganó el Premiu Nobel de la Paz en 1984 poles sos lluches escontra del Apartheid en Sudáfrica.

El sudafricanu Mark Shuttleworth, mecenes del proyeuto, alcontrábase enforma familiarizáu cola corriente. Tres ver asemeyances ente los ideales de los proyeutos GNU, Debian y en xeneral col movimientu del software llibre, decidió aprovechar l'ocasión pa difundir los ideales d'Ubuntu. L'eslogan d'Ubuntu – “Linux pa seres humanos” (n'inglés "Linux for Human Beings") – resume una de les sos metes principales: facer de Linux un sistema operativu más accesible y cenciellu d'usar. La interfaz gráfica oficial qu'ufre Ubuntu, ye l'escritoriu GNOME, magar qu'hai total llibertá y puen usase otros escritorios como KDE, o Xfce

Ubuntu distribúise dafechamente de baldre dende la so páxina web, y tamién puede obtenese ensin costu dalgún solicitando el CD orixinal nel so sitiu web oficial, a traviés d'un serviciu denomáu ShipIt[1]

Esti sistema operativu tien soporte pa delles llingües, y ta disponible en Llingua Asturiana.

Tabla de conteníos

[editar] Llanzamientos

Asoleyen una versión nueva d'Ubuntu cada seis meses. El númberu de versión faese cola fecha. La primera cifra ye l'añu y la segunda'l mes. Por exemplu, la versión 5.04 salió n'abril (mes 4) del 2005.

Esta distribución foi y ta siendo tornada a numberoses llingües, ente elles l'asturianu[2], por usuarios que voluntariamente collaboren nel proyeutu, a traviés d'Internet.

Versión Fecha de llanzamientu Nome
4.10 20 d'ochobre, 2004 Warty Warthog
5.04 8 d'abril, 2005 Hoary Hedgehog
5.10 13 d'ochobre, 2005 Breezy Badger (BB)
6.06 1 de xunu, 2006 Dapper Drake (DD)
6.10 26 d'ochobre, 2006 Edgy Eft (EE)
7.04 19 d'abril, 2007 Feisty Fawn (FF)
7.10 18 d'ochobre, 2007 Gusty Gibbon (GG)
8.04 LTS 24 d'abril, 2008 Hardy Heron (HH)
8.10 30 d'ochobre, 2008 Intrepid Ibex (II)
9.04 23 d'abril, 2009 Jaunty Jackalope (JJ)
9.10 29 d'ochobre, 2009 Karmic Koala (KK)

[editar] Novedaes versión Hardy Heron

Wubi

Na versión recién asoleyada (8.04 HH) Ubuntu inclúi Wubi, que nun ye una aplicación pa Ubuntu sinón pa Windows, y, que ye pa instalar Ubuntu dende Windows como si fuera un programa normal. D'esta miente, usar a Linux ye enforma más cenciello, darréu que l'usuariu escaezse del tema del particionáu del discu y evita qu'un error d'usuariu poco avezáu esanicie tol so discu duru.

[editar] Suite de programes

Ubuntu, ufre una suite oficial de programes nel so paquete básicu, nel que podemos atopar:

  • Firefox, restolador web disponible n'asturianu
  • Evolution, cliente de corréu disponible n'asturianu
  • Open Office, suite ofimática con:
    • procesador de testos,
    • fueya de cálculu,
    • presentaciones,
    • base de datos
    • editor de fórmules matemátiques
    • editor de gráficos de vectores
  • Gimp, editor de dibuxos disponible n'asturianu
  • Pidgin, cliente de mensaxería nel intre multiprotocolu disponible n'asturianu
  • Totem, reproductor de vídeu. disponible n'asturianu
  • gedit, editor de testos disponible n'asturianu
  • Evince, visor de documentos disponible n'asturianu
  • Nautilus, alministrador d'archivos disponible n'asturianu
  • Eye of GNOME visor d'imáxenes disponible n'asturianu
  • Rhythmbox, reproductor d'audio. disponible n'asturianu
  • Synaptic, xestor de paquetes disponible n'asturianu
  • Brasero, grabador de CD's disponible n'asturianu
  • Xsane, xestor d'escáner. disponible n'asturianu
  • Vinagre (software), accesu remotu a escritoriu disponible n'asturianu
  • File-roller, compresor de ficheros disponible n'asturianu
  • Gparted, editor de particiones disponible n'asturianu
  • Transmission, veceru Torrent. disponible n'asturianu
  • F-Spot, visor y organizador de semeyes disponible n'asturianu
  • Sound Juicer, estractor de pistes d'audio disponible n'asturianu
  • Baobab, analizador d'usu de discu. disponible n'asturianu
  • ...y toles aplicaciones de configuración d'escritoriu, xestión d'enerxía, rede, sesiones, xestor d'imprentadores, bluetooth, controladores de hardware, aspeutu, atayos del tecláu, sistema, etc. disponible n'asturianu

[editar] Otros programes que funcionen baxo Ubuntu (non oficiales)

  • AbiWord, procesador de testos. disponible n'asturianu
  • Deluge, veceru BitTorrent. disponible n'asturianu
  • Cheese, aplicación pa webcams disponible n'asturianu
  • Tomboy, applet de post-its disponible n'asturianu
  • Epiphany, restolador web. disponible n'asturianu

[editar] Derivaos d'Ubuntu

[editar] Tabla de llanzamientos


[editar] Distribuciones GNU/Linux basaes n'Ubuntu


[editar] Enllaces esternos

Ubuntu
Wikimedia Commons tien archivos rellacionaos con:

[editar] Oficiales

[editar] Comunidaes

[editar] Guíes

[editar] Descargues

[editar] Notes

  1. ↑ ubuntu.org ShipIt
  2. ↑ http://ubuntuasturianu.blogspot.com/ Guía d'entamu sobro cómu collaborar nel proyeutu Ubuntu n'asturianu



Obtenío de "http://ast.wikipedia.org/wiki/Ubuntu"
Ferramientes personales
Otres llingües