Ubuntu

De Uiquipedia

**Ubuntu**

Versión 8.04 LTS, The Hardy Heron
Familia:	GNU/Linux
Llingua(s) disponible(s):	Multillingue
Plataformes:	i386, AMD64, IA-64, UltraSPARC, PowerPC
Interfaz gráfica por defeutu:	GNOME
Cabera versión:	8.04 LTS, (Hardy Heron)
Estáu autual:	disponible

Escritoriu en 2D d'Ubuntu

Escritoriu en 3D d'Ubuntu

Ubuntu ye una distribución de GNU/Linux pal escritoriu, basada en Debian y patrocinada por Canonical Ltda, empresa de la que ye dueñu'l sudafricanu Mark Shuttleworth.

El nome de la distribución remanez del conceutu zulú y xhosa d'ubuntu, que significa "humanidá haza otros" o "yo soi porque nosotros somos". Ubuntu ye un movimientu sudafricanu encabezáu pol obispu Desmond Tutu, quien ganó el Premiu Nobel de la Paz en 1984 poles sos lluches escontra del Apartheid en Sudáfrica.

El sudafricanu Mark Shuttleworth, mecenes del proyeuto, alcontrábase enforma familiarizáu cola corriente. Tres ver asemeyances ente los ideales de los proyeutos GNU, Debian y en xeneral col movimientu del software llibre, decidió aprovechar l'ocasión pa difundir los ideales d'Ubuntu. L'eslogan d'Ubuntu – “Linux pa seres humanos” (n'inglés "Linux for Human Beings") – resume una de les sos metes principales: facer de Linux un sistema operativu más accesible y cenciellu d'usar.

Tabla de conteníos

1 Llanzamientos
2 Derivaos d'Ubuntu
3 Distribuciones GNU/Linux basaes n'Ubuntu
4 Enllaces esternos
5 Notes

[editar] Llanzamientos

Asoleyen una versión nueva d'Ubuntu cada seis meses. El númberu de versión faese cola fecha. La primera cifra ye l'añu y la segunda'l mes. Por exemplu, la versión 5.04 salió n'abril (mes 4) del 2005.

Esta distribución foi y ta siendo tornada a numberoses llingües, ente elles l'asturianu^[1], por usuarios que voluntariamente collaboren nel proyeutu, a traviés d'Internet.

Versión	Fecha de llanzamientu	Nome
4.10	20 d'ochobre, 2004	Warty Warthog
5.04	8 d'abril, 2005	Hoary Hedgehog
5.10	13 d'ochobre, 2005	Breezy Badger (BB)
6.06	1 de xunu, 2006	Dapper Drake (DD)
6.10	26 d'ochobre, 2006	Edgy Eft (EE)
7.04	19 d'abril, 2007	Feisty Fawn (FF)
7.10	18 d'ochobre, 2007	Gusty Gibbon (GG)
8.04 LTS	24 d'abril, 2008	Hardy Heron (HH)
8.10	previsto 30 d'ochobre, 2008	Intrepid Ibex (II)