Debian

De Uiquipedia
Saltar a: navegación, buscar
Logu de Debian
Pa lleer tocante al sistema operativu que usa'l nucleu Linux y les ferramientes GNU ver Debian GNU/Linux.

Debian o Proyeutu Debian (n'inglés Debian Project[1] ) ye una comunidá ensamada por desendolcadores y usuarios, que caltién un sistema operativu GNU basáu en software llibre. El sistema atópase precompiláu, empaquetáu y nun formatu deb pa múltiples arquiteutures de computador y pa dellos núcleos.

Nació como un apueste por dixebrar nes sos versiones el software llibre del software non llibre. El modelu de desendolcu del proyeutu ye ayenu a motivos empresariales o comerciales, y llévase alantre polos mesmos usuarios, magar que cunta col sofitu de delles empreses en forma d'infraestructures. Debian nun viende direutamente'l so software, sinón que ponlu a disposición de cualesquiera n'Internet, y dexa a persones o empreses distribuyilu comercialmente mentanto se respete la so llicencia[2].

La comunidá de desendolcadores del proyeutu cunta cola representación de Software in the Public Interest[3], una organización ensin ánimu de llucru que da cobertoria llegal a dellos proyeutos de software llibre.

La primer adautación del sistema Debian, siendo tamién la más desendolcada, ye Debian GNU/Linux, basada nel nucleu Linux, y como siempre utilizando ferramientes de GNU. Esisten tamién otres adautaciones con diversos núcleos: Hurd (Debian GNU/Hurd); NetBSD (Debian GNU/NetBSD) y FreeBSD (Debian GNU/kFreeBSD).

El sistema Operativu Debian, tien versión en llingua asturiana.[4]

Referencies[editar | editar la fonte]