Nynorsk
| Nynorsk | |
|---|---|
| Faláu en | |
| Faláu en | Noruega |
| Númberu de falantes | |
| Datos | |
| Familia | noruegu |
| Sistema d'escritura | alfabetu llatín |
| Reguláu por | Conseyu del Idioma Noruegu |
| Códigos | |
| ISO 639-1 | nn |
| ISO 639-2 | nno |
| ISO 639-3 | nno |
 | |
El nynorsk (lliteralmente «nuevu noruegu») ye unu de los dos estándares oficiales del idioma noruegu escritu, siendo'l bokmål (lliteralmente «idioma de llibru») l'otru estándar.
El 27 % de los conceyos de Noruega declararon el nynorsk como forma oficial del idioma, anque solo representen el 12 % de la población. Ye la variante mayoritaria nos condaos de Rogaland, Hordaland, Sogn og Fjordane y Møre og Romsdal, que xuntos formen la rexón de Vestlandet.[1]
Foi desendolcáu como llingua escrita escandinava pol llingüista Ivar Aasen a mediaos del sieglu XIX a partir de los dialeutos tradicionales del noruegu, sobremanera occidentales y centrales. Esti trabayu ta venceyáu con un retornu románticu a una imaxinada cultura noruega orixinal que tuvo marcada pola inxerencia estranxera danesa per 400 años. Ye por tanto un entamu nacional depués de la separación con Dinamarca tres el Tratáu de Kiel del 14 de xineru de 1814 pa formar una nación noruega independiente con una llingua nacional propia.
Coles reformes de 1917 y 1938 el nynorsk amplióse a los dialeutos orientales del noruegu, sobrmanera n'elementos conservadores del noruegu central (Mindlandsmål). Ants de 1929 el nynorsk foi nomáu landsmål (llingua del país). Encuestes actuales amuesen que ye la llingua escruta habitual d'entre un 10 y 15% de la población noruega. La otra llingua escrita desnedolcada a partir de la tradición lliteraria dano-noruega y que ye utilizada pola mayor parte de la población ye'l bokmål (lliteralmente "llingua de llibru"). El nynorsk y el bokmål son llingües escrites, poro, nun hai noruegos que realmente falen una u otra llingua. Sicasí, hai dialeutos que tan más averaos al nynorsk, que lleva a xente pensar erróneamente qu'hai xente que fala nynorsk.
Trabayu de Ivar Aasen[editar | editar la fonte]
El primer estudiu sistemáticu de la llingua noruega foi realizáu por Ivar Aasen a mediaos del sieglu XIX. Mientres los años 1840, Aasen viaxó per tol país y estudió los sos dialeutos. En 1848 y 1850 publicó la primer gramática y el primer diccionariu del idioma noruegu, respeutivamente. Nueves versiones detallando la llingua escrita estándar fueron publicaes en 1864 y 1873.
El trabayu de Aasen ta basáu na idea de que los dialeutos tienen una estructura común que los fai una llingua separada del danés y del suecu. El puntu central, poro, foi atopar y amosar les semeyances estructurales ente los dialeutos. Para abstraer esta estructura de la variedá de dialeutos, él desenvolvió un criteriu básicu, al cual llamó «la forma más perfecta». Definió esta forma como la que meyor amuesa la conexón de pallabres rellacionaes, con pallabres similares y coles formes del nórdicu antiguu. Nengún dialeutu tien toles formes perfectes, caún caltuvo distintos aspectos y partes del idioma. Al traviés d'esti enfoque sistemáticu pretendía llegar a la unificación d'espresión de tolos dialeutos noruegos, al cual Aasen llamó «dialeutu fundamental» y Einar Haugen «proto-noruegu».
La idea de que l'estudiu remataría nuna nueva llingua escrita marcó'l so trabayu dende'l principiu. Una idea fundamental pa Aasen yera que'l dialeutu fundamental podría ser el noruegu modernu, non el nórdicu antiguu. Poro, nun incluyó categoríes gramaticales yá estintes nos dialeutos. Del mesmu xeitu, les categoríes que fueron heredaes del idioma antiguu y qu'inda taben presentes en dellos dialeutos, podríen ser representaes na llingua escrita estándar. Haugen utilizó la pallabra reconstrucción más que construcción nesti trabayu.
Discutiniu[editar | editar la fonte]
Dende'l principiu'l nynorsk atopó resistencia. Col advenimiento y espoxigue de los medios comunicación de mases, la esposición a les llingües estándares amontóse. La posición dominante del bokmål suel definir lo que comúnmente se considera «normal». Esto puede esplicar por qué les actitúes negatives escontra'l nynorsk son comunes, como se repara con munches llingües minoritaries. Esto ye especialmente prominente nes escueles.
Dellos personaxes públicos espresaron abiertamente les sos opiniones crítiques col nynorsk. Por casu, mientres les eleiciones de 2005, la Mocedá Conservadora Noruega fixo un anunciu qu'incluyó la quema d'un diccionariu de nynorsk. Depués de fuertes reacciones contra les escenes, la organización escoyó nun amosalo.[2]
Ver tamién[editar | editar la fonte]
Referencies[editar | editar la fonte]
- ↑ «Nynorsk in Norway» (inglés). sprakradet.no. Consejo del Idioma Noruego. Consultáu'l 21 de xunetu de 2015.
- ↑ «Brenner nynorsk-bok i tønne» (noruegu). dagbladet.no. Dagbladet (17 d'agostu de 2015). Consultáu'l 21 de xunetu de 2015.
| Control d'autoridaes |
|
|---|
