Deluge

Deluge
Desendolcador(es)	Deluge Team (es)
Última versión	2.1.1 (versión estable (es) , 10 xunetu 2022)
Escritu en	Python
Sistema operativu	FreeBSD, GNU/Linux, macOS y Microsoft Windows
Llingua orixinal	distintes llingües
Tipu	cliente BitTorrent (es) y software llibre
Llicencia	GNU GPL 3.0 y GNU General Public License
N'asturianu	Sí
Más información
Sitiu web	Web oficial
Códigu fonte	Códigu fonte

Deluge ye un cliente BitTorrent , criáu usando Python y GTK+ (per aciu de PyGTK). Deluge pue usase en cualesquier sistema operativu que respete l'estándar POSIX. Ta enfocáu a brindar un nativu y completu cliente a entornos d'escritoriu GTK como son GNOME y Xfce. Anguaño, alcuéntrase pa Linux (Ubuntu) y ta en desendolcu una versión oficial pa Windows. El programa usa la llibrería de C++ libtorrent]. Hasta la versión 0.4, esti foi desendolcáu per aciu d'una adautación de la llibrería python-libtorrent pa Python. Na versión 0.5, les adautaciones a la llibreria python-libtorrent foren fusionaes dientro del cliente principal como la estensión deluge_core. En futuros llanzamientos, camiéntase na utilización de les adautaciones oficiales de Python pa libtorrent.

Deluge foi criaú por dos miembros de ubuntuforums.org, Zach Tibbitts y Alon Zakai, y nos sos entamos foi abellugáu y sofitáu en Google Code, sicasí agora tien el so propiu sitiu Web, deluge-torrent.org.

Na so etapa de desendolcu inicial, Deluge yera conocíu como gTorrent, darréu de que yera un cliente BitTorrent pa GNOME (la «g» en «gTorrent» refierse a «GNOME»). Cuando la primera versión foi llanzada al públicu el 25 de setiembre del 2006, el cliente renomóse a Deluge pa evitar l'implicación de que'l cliente fuera namái pa Gnome.

El llanzamientu 0.5, que ye estable dende'l 18 de marzu del 2007, ta reescritu ensembre de la versión 0.4.x. El segundu llanzamientu na versión 0.5.x, 0.5.1.1, amestó sofitu pal cifráu, intercambiu de pares, Prefixu binariu y UPnP.

Anguaño, ta disponible la versión n'asturianu pa (Ubuntu) de la mano de Softastur

Carauterístiques[editar | editar la fonte]

Creación de torrents incluyía dientro del cliente principal
Complementos implementaos como módulos

Deluge soporta les siguientes opciones de conexón

Sofitu principal de DHT
Intercambiu de pares de uTorrent
Cifráu del protocolu BitTorrent de munches formes en munchos niveles
UPnP y NAT-PMP
Sofitu de proxy pa Pares, rastreadores DHT y semáu dende Web
Torrents privaos

Adicionalmente, Deluge tien les siguientes carauterísticas disponibles:

Permite la descarga de múltiples archivos dende una sola ventana
Preasignación completa y asignación compauta
Llimitación de velocidá global o por descarga de torrent
Habilidá pa seleicionar archivos d'un torrent enantes d'entamar la descarga
Opción pa priorizar les primeres y caberes pieces d'un archivu, pa permitir previsualización de medios
Habilidá pa especificar una carpeta de descarga global, y una carpeta d'archivos completaos
Sistema de coles pa un meyor manexu del anchu de banda ente descargues

Ver tamién[editar | editar la fonte]

Enllaces esternos[editar | editar la fonte]

Referencies[editar | editar la fonte]

↑ URL de la referencia: https://git.deluge-torrent.org/deluge/tag/?h=deluge-2.1.1.

[669ed708c47c4021d6152c442f64b0e681475a1c-1] URL de la referencia: https://git.deluge-torrent.org/deluge/tag/?h=deluge-2.1.1.