Transmission (software)

Transmission
Transmission 1.11
Desarrollador:	Transmission Project
Cabera versión:	1.22 14 de xunetu de 2008
S.O.:	Ubuntu, Mac OS X Unix-like BeOS
Xéneru:	P2P
Llicencia:	MIT y partes GPL
N'asturianu:	Sí con Ubuntu
Páxina web:	transmissionbt.com

Transmission ye un cliente P2P llixeru, de baldre y de códigu abiertu pa la rede BitTorrent. Ta disponible baxo la llicencia MIT, con dalgunes partes GPL, y ye multiplataforma.

Na páxina oficial del programa llístase la compatibilidá coles siguientes plataformes:

• Mac OS X (interface Cocoa, nativa)
• Linux (interface GTK+)
• NetBSD, FreeBSD y OpenBSD (interface GTK+)
• BeOS (interface nativa)

La primer versión, 0.1, apaeció nel añu 2005. La distribución GNU/Linux Ubuntu 8.10 (Intrepid Ibex) trái por defeutu esti programa.

Carauterístiques

• Descarga seleutiva y priorización de ficheros
• Sofitu pa tresmisiones cifraes
• Sofitu de múltiples trackers
• Sofitu pa trackers HTTPS
• Bloquéu de IPs
• Criación de torrents
• Intercambéu de fontes compatibles con Azureus y μTorrent
• Mapéu automáticu de puertos (usando UPnP/NAT-PMP)
• Puertu d'escucha únicu pa tolos .torrent.
• Rápida reanudación - con cachéu de peer
• Opciones d'auto-seeding (compartir datos descargaos)
• Auto-Ban de los veceros qu'unvien datos falsos
• Notificaciones Dock y Growl
• Barra de ferramientes personalizable
• Barra de progresu avanzada
• Actualizaciones automátiques usando Sparkle

Ver tamién

• Ubuntu
• Softastur