Tres

De Uiquipedia
Saltar a: navegación, buscar
Esti artículu ye pal númberu 3. Pal añu 3, ver 3. Pa otros emplegos, ver Tres (dixebra).


El tres (3) ye'l númberu natural que sigue al dos y preciede al cuatro.

Propiedaes matemátiques[editar | editar la fonte]

  • Si multiplícase un númberu por tres llógrase'l triple d'esi númberu; mientres que si divídese por tres llógrase un terciu. El cubu d'un númberu (dichu númberu multiplicáu 3 vegaes por sigo mesmu) represéntase col 3 como esponente, como en n3.
  • Un númberu natural ye divisible ente tres si la suma de los sos díxitos ye divisible ente tres. Por casu, el númberu 21 ye divisible ente 3 (3 vegaes 7) y la suma de los sos díxitos ye 2 + 1 = 3. Esti procesu puede repitise cuantes vegaes seya necesariu (exemplu: 16 893 702 suma 36, 3 + 6 = 9, que ye claramente divisible ente 3). Por cuenta d'esto, la reversión de cualquier númberu que ye divisible ente tres (o nel so defeutu, cualesquier permutación nos sos díxitos) ye tamién divisible ente 3. Asina, 1368 y el so reversu 8631 son dambos divisibles ente 3 (1 + 3 + 6 + 8 = 18) y tamién lo son 1386, 3168, 3186, 3618, etc.

Carauterístiques:

  • Precísense 3 puntos de sofitu pa sostenese n'equilibriu p.ex.: el trébedes.
  • P'alcontrar un puntu nun planu precísense 3 puntos de referencies.
  • Son necesarios y suficientes 3 puntos ensin alliniar pa determinar un planu y una circunferencia.
  • Esisten dellos prefixos que signifiquen tres y participen na construcción d'una gran cantidá de palabres d'usu cotidianu: ter y tri, como en terna y trinidá.
  • Na cultura medieval cristiana ye un númberu perfeutu. Simboliza'l movimientu continuu y la perfeición d'acabar, según símbolu de la Trinidá particularmente cuando unu de los vértices indica escontra riba como direición espiritual, por tanto consideráu por creyentes como un númberu celeste.

Ver tamién[editar | editar la fonte]


Predecesor:
2
Númberos
3
Socesor:
4