Dos
De Uiquipedia
| 2 | ||
| Cardinal | Dos | |
| Ordinal | Segundu, -a | |
| Factorización | 2 (Númberu primu) | |
| Numberación romana | II | |
| Sistema binariu | 10 | |
| Sistema hexadecimal | 2 | |
| Propiedaes matemátiques | ||
| φ(2) = 1 | τ(2) = 2 | σ(2) = 3 |
| π(2) = 1 | μ(2) = -1 | M(2) = 0 |
El dos (2) ye'l númberu natural que sigue al ún y antevien al trés.
2 ye'l primer númberu primu, y ye l'únicu primu que ye par. El viniente ye 3.
2 ye'l tercer términu de la socesión de Fibonacci, depués del 1 y enantes del 3.
Un enteru dizse que ye par si ye múltiplu de 2, ye dicir, 
si x ye par. Pol contrariu, un númberu enteru ye impar si nun ye múltiplu de 2.
2 ye fautor de 10, asina que les fraiciones con denominador 2 nun tienen una parte decimal infinita como asocede colos más de los númberos enteros. Tampoco tienen una parte decimal infinita les fraiciones con un denominador que ye productu d'una potencia de 2 y otra de 5, dambes con un esponente natural.
Pa cualquier númberu x:
El cuerpu más pequeñu contien dos elementos.
Dos ye la base del sistema de numberación más cenciellu en que los númberos naturales puen escribise de forma concisa, el sistema binariu, emplegáu sobre too polos ordenadores.
Si se multiplica un númberu por dos s'obtien el doblu d'esi númberu; mientres que si se divide por dos obtiense la metá. El cuadráu d'un númberu representase col 2 como esponente.
Esisten dellos prefixos que signifiquen dos y participen na fechura d'una bayura pallabres d'emplegu cotidianu: bi, di y du, como en bisiestu, dicotomía y dual.
En munches cultures el 2 representase per aciu de dos puntos o dos trazos (horizontales o verticales). Por exemplu, na numberación romana (II) y na numberación china (二).
