Tamerlán

De Wikipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Stamps of Uzbekistan, 2007-37.jpg

Tamerlán (del persa Timür-i lang), Tamorlán, Timur Lang, Timur Lenk o cenciellamente Timur el Coxu (más correutamente, Temür, el so nome turcu d'acordies cola grafía moderna). Foi un conquistador, líder militar y políticu turco-mongol, el caberu de los grandes conquistadores nómades del Asia Central. Dáse-y por nacíu en Kesh, Transoxana, Asia Central, el 10 d'abril de 1336 (25 Ša'bān, 736) magar que data y llugar son cuasi de xuru inventaos y la so nacencia tuvo de ser ente finales de la década de 1320 y entamos de la de 1330. Morrió n'Otrar, cuando s'empobinaba a conquistar China, na tardiada del 17 de febreru de 1405 (17 Ša'bān, 807).

Esti noble musulmán d'orixe turcu conquistó descomanaes estensiones d'Eurasia en poco más de dos décades. Ente 1382 y 1405 los sos grandes exércitos altravesaron dende Delhi a Moscú, dende la cordelera T'ian Shan del Asia Central hasta los Montes Tauros d'Anatolia, conquistando y reconquistando, afarando dalgunes ciudaes y perdonando a otres. La so fama espardióse per Europa, au demientres los sieglos foi una figura novelesca y de llercia, metanto que p'aquellos rellacionaos más direutamente na so trayeutoria, la so memoria siete sieglos dempués, entá sigue fresco, yá seya como afarador de ciudaes del Mediu Oriente o como'l caberu gran representante del poder nómada.

Nota:Les feches ente paréntesis correspuenden al calendariu musulmán.

Enllaces esternos[editar | editar la fonte]

Tamerlán
Wikimedia Commons tien archivos rellacionaos con: