Richard Nixon
De Uiquipedia
Richard Milhouse Nixon (9 de xineru de 1913-22 d'abril de 1994) foi el trixesimuséptimu (37º) presidente de los Estaos Xuníos.
Graduóse en 1934 nel Whittier College of California, y en 1937, na Duke University Law School. Allistáu na Marina en 1942, sirvió nel Océanu Pacíficu Sur durante la Segunda Guerra Mundial. En 1947 foi elixíu diputáu republicanu pa la Cámara de Representantes. En 1948 y 1949 fáise famosu comu miembru del Comité d'autividades antiestaounidenses, durante la investigación del casu Alger Hiss. En 1951 foi elixíu senador. Nel añu 1952 foi nomináu a la vicepresidencia na candidatura presidencial de Eisenhower. Dende'l so cargu de vicepresidente entamó una intensa autividá política internacional al visitar numberosos países, incluyía la Xunión Soviética.
Fináu'l segundu mandatu d'Eisenhower, llogró la nominación republicana en 1960, pero Kennedy venciólu nes eleiciones presidenciales por un estrechu marxe de votos. Tampoco consigue ser elixíu gobernador de California en 1962.
Ganó les elecciones de 1968 a la Presidencia del país, tomando posesión en 1969 y revalidando el so mandatu en 1972, pero pol casu Watergate tuvo que dimitir en 1974. Durante'l so mandatu reduxo les tropes en Vietnam pero nun consiguió acabar cola guerra.
