Barack Obama

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Barack Obama.

Barack Hussein Obama Jr. (4 d'agostu de 1961) ye un políticu, actual presidente de los Estaos Xuníos.

Nacíu en Honolulu (Hawai), Barack Obama ye fíu de padre kenyanu y madre de los Estaos Xuníos. Ta llicenciáu en Ciencies Politiques pola Universidá de Columbia y llicenciáu en Drechu magna cum laude pola Universidá de Harvard.

Carrera política[editar | editar la fonte]

La carrera política d'Obama s'anicia l'añu 1996 al ser escoyíu senador por Hyde Park (Chicago) al senáu estatal d'Illinois, siendo re-escoyíu los años 1998 y 2002. Nel añu 2000 intenta infructuosamente ser escoyíu congresista a la Cámara de Representantes de los Estaos Xuníos y en 2003 decide concurrir a les elecciones al Senáu de los Estaos Xuníos pol so Estáu.

En xunetu de 2004 Obama pronuncia un aclamáu discursu na Convención Nacional Demócrata defendiendo la herencia del New Deal de Roosevelt, cargando contra Bush pola xestión de la Guerra d'Iraq y llamando a la unidá nacional.

L'éxitu na convención supondría-y un importante aumentu de popularidá y va apurri-y una cómoda victoria nes elecciones contra'l so rival a les elecciones el republicanu Alan Keyes, tamién afroamericanu.

En febreru de 2007 Obama anuncia la so candidatura a les elecciones presidenciales de 2008. Nes encuestes apaecía entós superáu por Hillary Clinton, pese a que nel caucus (elecciones primaries) d'Iowa (consideráu el principal termómetru electoral) Obama algamó la victoria col sofitu del 38% de los votantes, siguíu por John Edwards (30%) y Clinton (29%).

Ganó nes elecciones presidenciales del 4 de payares de 2008, al algamar 349 'votos electorales' énte los 163 del so rival del Partíu Republicanu, John McCain.

Tomó posesión del cargu como 44u presidente de los Estaos Xuníos el 20 de xineru de 2009

Ideoloxía política[editar | editar la fonte]

Obama vien defendiendo una economia de llibre mercáu con precuru especial pa l'asistencia social a les clases más desfavorecíes. Nesti puntu aboga por la instaruación d'un sistema nacional de salú con cobertura universal pa tolos ciudadanos de los Estaos Xuníos.

En materia mediuambiental, Barack Obama defende que l'escalientu global ta causáu pol home y que habría d'afitar midíes pa reducir les emisiones contaminantes.

Otros puntos que rescamplen nel so argumentariu políticu ye la lliberalización del albuertu, la revisión de la pena de muerte nel so país (non necesariamente la so abolición) o l'ameyoramientu de los drechos del colectivu homosexual.

Enllaces esternos[editar | editar la fonte]


Predecesor:
George W. Bush
Presidente de los Estaos Xuníos
2009 - anguaño
Socesor:
nel cargu
Predecesor:
Martti Ahtisaari
Nobel prize medal.svg
Premiu Nobel de la Paz
2009
Socesor:
Liu Xiaobo
Flag of the United States.svg
Presidentes de los Estaos Xuníos d'América
U.S. presidential seal
Washington | J. Adams | Jefferson | Madison | Monroe | J.Q. Adams | Jackson | Van Buren | W. Harrison | Tyler | Polk | Taylor | Fillmore | Pierce | Buchanan | Lincoln | A. Johnson | Grant | Hayes | Garfield | Arthur | Cleveland | B. Harrison | Cleveland | McKinley | T.R. | Taft | Wilson | Harding | Coolidge | Hoover | F.D.R. | Truman | Eisenhower | J.F.K | L.B.J. | Nixon | Ford | Carter | Reagan | G.H.W. Bush | Clinton | George W. Bush | Barack Obama