Partido Comunista de los Pueblos de España

De Uiquipedia
Saltar a: navegación, buscar
Llogu del PCPE.

El Partido Comunista de los Pueblos de España (PCPE) ye un partíu políticu español d'ideoloxía marxista-leninista fundáu en xineru de 1984 por estremaes organizaciones escindíes del PCE.

El PCPE xurde tres de la crisis abierta nel PCE tres de la Transición española. Un seutor de militantes afines a la política oficial de la URSS, con Ignacio Gallego como cabezaleru, celebren un Congreso d'Unidá de los Comunistes en Madrid ente'l 13 y el 15 de xineru de 1984. A esi seutor axúntense dellos grupos descontentos coles llínies empobinaes pola direición del PCE. Fúndase entós el Partido Comunista (PC), declaráu marxista-leninista y reconocíu pol Partíu Comunista de la Unión Soviética (PCUS). Unos 10.000 militantes del PCE pasen al nuevu PC.

El PCE denunció el nome adoptáu pol PC énte los tribunales y el PC pasó a nomase en xineru de 1986 Partido Comunista de los Pueblos de España (PCPE), colo qu'acentúa asína el so apueste pol derechu d'autodeterminación de les nacionalidaes del Estau español.

El so Secretariu Xeneral dende'l 8º Congreso en 2007 ye Carmelo Suárez y cunta con unos 1000 militantes. En 1986 participen na creación d'Izquierda Xunida (IU) pero en 1988 sepárense dela formación.

El PCPE tien representacion n'Aragón, Asturies, Canaries, País Valenciá, Cantabria, Castiella y Llión, Galiza, La Rioxa, Andalucía, Catalunya, Euskal-Herria, Rexón de Murcia ya Estremadura.

La mocedá del partíu n'Asturies llámase Coleutivos de Mocedaes Comunistes (CMC/CJC), nel restu del Estáu Español llámase Colectivos de Jóvenes Comunistas.

Enllaces esternos[editar | editar la fonte]