Normalización llingüística

De Uiquipedia
Saltar a: navegación, buscar

La normalización llingüística na sociollingüística ye un procesu por mor del cual una llingua accede a desendolcarse y emplegase dientro d'ámbetos qu'enantes taben ocupaos por otra llingua.

El términu "normalización llingüística", como l'emplegáu en Quebec aménagement linguistique, nun tien les connotaciones dirixistes y tecnocrátiques del términu planificación lingüística, magar que na práutica son iguales.

La normalización constite sobremanera na ellaboración y la implantación de normes d'usu llingüísticu col enfotu d'incidir en tolos ámbitos de la vida d'una sociedá.

Inclúi dos vertientes: la llingüística-cultural y la socio-política. Nesti segundu aspeutu necesita la implantación de les fuercies polítiques y de que s'exerza un ciertu grau de soberanía.

Considérense prioritarios los ámbetos nos qu'hai una mayor incidencia comunicativa como l'enseñu, la sanidá, la xusticia, los medios de comunicación y el comerciu.

Pol fechu de que la normalización supón un cambeu mui importante y notoriu na situación ente les dos llingües en contautu, pue llevar a reaiciones en sentíu contrariu. Nel casu d'Asturies el Manifiestu de la Asturies Sensata y Pensante de los años 80 plantegaba la equivalencia del movimientu de normalización del asturianu col terrorismu d'ETA ente otres coses, suponiendo una falcatrúa nel camín de la normalización.

Oficines de Política Llingüística y Sociedá Civil[editar | editar la fonte]

Nes dos víes de normalización llingüística, destaca la que se fai d'arriba abaxo, dende'l poder a la sociedá, y la que la sociedá civil busca facer. Nesti primer casu, destaca'l llabor de oficines de planifiación o política llingüística y la ellaboración de planes de normalización más o menos esitosos en función del deséu de les autoridaes por avanzar nel tarrén de la normalización. N'Asturies, esite a tal efeutu la Oficina de Política Llingüística y dellos planes de normalización afitaos.

No que cinca a la sociedá civil, hai delles asociaciones implicaes na normalización de la minorizada na sociedá y que busquen nuevos calces d'actuación y d'usu de la llingua, asina como'l llabor de los ciudadanos individualmente, que cola so fala lleven la llingua minorizada a espacios nos qu'enantes nun tuviere.

Enllaces esternos[editar | editar la fonte]