Balear

De Uiquipedia
Saltar a: navegación, buscar

El balear ye'l nome xenéricu del dialeutu del catalán faláu nes Islles Baleares. Esti denomatu de balear, ye reciente y obedez a motivos de defensa de la hestoria y la identidá llariegues.

Destremense les variaciones del mallorquín (Mallorquí en balear) en Mallorca, ibicencu (Eivissenc) nes Islles Pitiuses (Illes Pitiuses) formaes por Ibiza (Eivissa) y Formentera y el menorquín (menorquí en balear) na islla de Menorca.

Carauterístiques[editar | editar la fonte]

L'idioma balear pertien les carauterístiques xenerales d'esti bloque dialeutal. Les carauterístiques de les fales baleares son estremaes en fonción del subdialeutu correspondiente. Sicasí, les carauterístiques comunes son:

  • Fonética:
    • Nes combinaciones de verbu + pronome átonu, l'acentu prosódicu recae n'esti caberu elementu. Por exemplu, comprar-ne tendría "-ne" como sílaba tónica.
    • Les pallabres esdrúxules acabaes en -ia pierden la "a". Por exemplu, glòria prenunciaríase glòri.
    • Amenorgamientu de los grupos -gua- y -qua- en -go- y -co-. Por exemplu, aigua lleeríase aigo.
    • Iodización tradicional. Ausencia de yeísmu sacantes nos falantes más castellanizaos.
    • Estremadura de v y b, prenunciándose [v] la primera y [b] la segunda.
  • Morfosintaxis:
    • Usu xeneral del artículu saláu, sacantes la ciudá de Pollensa. La so forma xeneral ye es/sa, es/ses y s' delantre de vocal o hache, pero según el subdialeutu pue adoutar tamién les formes so (masc. sing.) o ets (masc. plural). Los ámbetos d'usu del artículu saláu y del artículu normal (el/la, els/les, l' ) dependen tamién del subdialeutu.
    • Usu del artículu personal en/na, n' delantre de nomes propios de persona.
    • Morfema cero na primera persona del singular del presente d'indicativu. Por exemplu, lo qu'en catalán central se diría jo canto (yo canto) se diz "jo cant".
    • Nos verbos de la primera conxugación (acabaos en -ar), les formes del plural de primera y segunda persona se faen con -am, -au. Por exemplu, cantam (cantamos), cantau (cantáis).
    • Nos verbos de la primera conxugación (acabaos en -ar), el pretéritu imperfeutu de suxuntivu faese con -a-, ye dicir, cantàs, cantassis ...
    • Na combinación de dos o más pronomes átonos precediendo a una forma verbal, si ún ye de complementu direutu (CD) y tien la forma el, la, etc. y otru ye de complementu indireutu (CI), y tien la forma me, te, etc., apaez primero'l pronome de CD. Exemplos: la me dóna (me la da), el se menja (se lo come).
  • Léxicu:
    • Importante cantidá de léxicu propiu, sobremanera arcaísmos conservaos pol aisllamientu de les islles. El léxicu varía bastante dependiendo del subdialeutu. Exemplos: al·lot por noi (guah.e), moix por gat (gatu), besada por petó (chuchu), "Mahó" por "Maó".