Máximo Gorki

De Uiquipedia
Saltar a: navegación, buscar
Máximo Gorki

Maksim Gorki (Максим Горький ) foi'l seudónimu usáu por Alekséi Maksímovich Péshkov (en rusu: Алексей Максимович Пешков ), (Nizhny Nóvgorod; 28 de marzu de 1868 - Moscú; 18 de xunu de 1936);[1] escritor rusu identificado col movimientu revolucionariu soviéticu. Morrió n'extrañes circunstancies, mentres siguía un tratamientu mélicu.

Gorki en rusu quier dicir "amargu".

De 1932 a 1990 la so ciudá natal (Nizhny Nóvgorod) llevó'l nome de Gorki nel so honor.

Oríxenes[editar | editar la fonte]

Aleksei Peshkov foi'l fíu d'un tapiceru que con muncho trabayu y esfuerciu ameyoró más sero so posición social. De mozu, Gorki, a mui curtia edad empezó a valise yá n'oficios variaos hasta que decidió abandonar el llar paternu pa facer la so vida, independiente. Darréu, metanes 18 años, dende 1875 hasta 1893, l'autor trabayó como empleáu de pintor, axudante de panaderu, camareru nun barcu, empleáu de ferrocarriles y inclusive como vendedor bébora.

Más llueu tola experiencia acumulao a lo llargo les sos viscitues, arriquecería más tarde'l repertoriu temáticu del escritor. De facto,les sos vivencies y les de les persones coles que trabayó y convivió dieron vida a los relatos de les sos obres autobiográfiques Infancia, Ente los homes y Les Mios universidaes (Entá nun tán vertíes al asturianu).

Una de les sos experiencies, la so mantenencia como pasante d'abogáu, fo la que despertó'l so preste pola lliteratura y el so interés pola cultura. A partir d'ehí, la llectura foi actividad crucial nos sos díes y más sero dio vida a les sos primeres narraciones: Makar-Tchudra (1892) o Tchelkach (1895).

El gustu pola cultura de Gorki iniciaralo la so güela (cola que criara depués de la muerte del so padre, de la qu'Alexei tenía 5 añinos). Esta muyer abondo culta cuntaba-y cuentos en prosa y en versu con un gran histrionismu, ye d'ella de quién deprende querer la naturaleza y les histories y nun decidió abandonar el llar paternu porque nun lu tenía, a la muerte so madre; foi'l so güelu quien lu echó pa que ganara la vida y mándalu a casa d'un contratista pa que-y ensiñe l'oficiu pero foi obligáu a trabayar de criáu desenvolviendo un trabayu brutal hasta pa un adultu. Ensin embargo ehí conoz a la reina Margot y la esposa del xastre, dos muyeres que tuvieron gran influencia na so búsqueda, son elles les primeres que lu bastien de verdadera lliteratura y lu introducen al mundu los grandes autores, Puxkin inclusive, poco depués pa fortuna de tol mundu conoz al gran Korolenko quien-y manda que se dedique a escribir.

Obra[editar | editar la fonte]

La obra de Máximo Gorki creció aína Yá pa 1898, reuniera la so produición narrativa en dos volúmenes. So persona yera ca vegada más popular, los sos cuentos prestaben al públicu y la so fama saltó toles llendes, algamando'l so nome sonadía per toa Europa.

Foi entós, cuando tamién les sos producciones teatrales Pequeños burgueses y Los baxos fondos garraron l'éxitu. Foron llevaes a escena nel 1902 nel Teatru d'Artes de Moscú y más sero percorrieron los meyores escenarios d'Europa. Estes obres de teatru emplegaron, por novedá, técniques naturalistes estructurando una serie trames paralelos nos que prácticamente tolos personaxes teníen la mesma importancia.

Notros campos siguió consiguiendo nuevos ésitos. De la narrativa curtia pasó a la de llargo algame con noveles como “Varen’ka Olesova” (1898), Foma Gordeev (1899) y Los trés (1900).

En San Petersburgo estableció contauto con destacaos marxistes que lu motivaren pa tornar la mirada p'hacia los problemes sociales y ficieren-y ver la conveniencia del movimientu revolucionariu. Tamién na so obra plasmó so simpatía con estos ideales como amuesen los sos drames: Los veraneantes, Los fíos del sol, Los enemigos o Los bárbaros y los sos poemes El cantu'l falcón, L'home y El cantu del petrel. La censura, sicasí, afectó a dalgún d'esos títulos. Foi nomáu miembro honorariu de la Academia Imperial de Ciencies, pero en 1902 foi anuláu'l puestu por mor de diverxencies polítiques. Por embargo, Máximo Gorki nun taba dispuestu ceder nos sos principios y siguió sofitando la Revolución, lo que lu llevó a la cárcel.

En 1907 mudóse a Capri polos sos problemes de salú; esi mesmu añu y tamién nesi llugar escribió la so obra más popular, La madre na que rellata la evolución del pensamientu de la madre d'un obreru socialista así como'l entornu de la Rusia revolucionaria. Na islla italiana axeitó un centru d'emigración revolucionario hasta poco antes d'estallar la Primera Guerra Mundial. Mentanto y non, la so fama diba en decadencia y él mesmo sufría una crisis de identidá influyíu poles idees de Tolstoi.

Al escomienzu la Revolución Rusa en 1917, atopábase yá nel so país y trabayó activamente nel ámbetu cultural hasta 1921 cuando coló pa Alemaña ú fincó trés años. Sin embargo, critícase-y por tar rellacionáu con Génrij Yagoda, subxefe de la policía secreto de la URSS, el responsable del Holodomor, la política xenocida n'Ucraina que, camientase, fizo más cantidá de muertes nel mundiu hasta anguaño. Per otra banda, criticó duro a Lenin y a los comunistes polos sos "sangrientos experimentos sobre'l pueblu ruso". Gorky escribió, "Lenin y Trotsky tán corruptos pol venenu sucio del poder. Son irrespetuosos colos drechos humanos, la llibertá d'expresión y el restu llibertades civiles". Como yera d'esperar, recibiera ceo una alvertencia escrita a mano pol propiu Lenin.

Dempués tuvo en Sorrento y en 1928 regresó a la URSS de la mano de Stalin, áu comenzó la estaya de so obra na que sustentó el réxime soviéticu. Foi un éxitu de la propaganda soviético, por arrebatalu al fascismu italianu. Foi nomáu presidente del recién creáu sindicatu de escritores soviéticos.

En 1934, durante el "Gran Terror", vivió n'arrestu domiciliariu. En 1935, el so fiyu foi asesináu. Máximo Gorki morrió repentino d'una neumonía en Moscú, el 18 de xunu de 1936, na dacha "Gorki" de Lenin.

Obres[editar | editar la fonte]

  • Makár Tchudrá (1892)
  • Chelkásh (1895)
  • La vieya Izerguíl (1894-1895)
  • Malva (1897)
  • Los ex-homes (1897)
  • Váren’ka Olésova (1898)
  • El cantu del falcón (1899)
  • Tomás Gordéiev (1899)
  • Los trés (1900)
  • Pequeños burgueses (1901)
  • El cantu del petrel (1901)
  • Los baxos fondos (1902)
  • L'home (1903)
  • Los veraneantes (1904)
  • Los fíos del sol (1905)
  • Los bárbaros (1905)
  • Los enemigos (1906)
  • La madre (1906-1907)
  • Los últimos (1907-1908)
  • La vida d'un home innecesariu (1908)
  • La confesión (1908)
  • La ciudá Okurov (1909)
  • La vida de Matvéi Kozhemiákin (1909)
  • Vassa Zheleznova (1910)
  • Por Rusia (1912-1917), un mañuzu cuentos
  • Сuentos d'Italia (1913)
  • Infancia (1913-1914)
  • Ente los homes (1915-1916)
  • Les mios universidaes (1923)
  • La casa de los Artamonov (1925)
  • Cuarenta años. La vida de Klim Sanghin (1925-1936), tetraloxía
  • Yegor Bulychóv y los otros (1932)

Adaptaciones cinematográfiques[editar | editar la fonte]

Referencies[editar | editar la fonte]

  1. muertu de Gorki'l 18 xunu de 1936: ver periódicos del 19 de xunu de 1936, talmente en francés http://gallica.bnf.fr/ark:/12148/bpt6k406749d y http://gallica.bnf.fr/ark:/12148/bpt6k500745f
  • Gorki, Máximo (Gorky, Maksim). La vida de un hombre innecesario. (La Policía Secreta del Zar. Publisher: Publicaciones Mundial, Barcelona [1927?] 224 p. (Cast.)
  • Gorki, Máximo / Gorky, Maksim (Alexei Maximovich Peshkov. En la Prisión. Traducción de José Francés. F. Sempere, Valencia & Madrid [193-?]. Series Arte y Libertad 221, [1] p. (Cast.)
  • Gorki, Máximo / Gorky, Maksim (Alexei Maximovich Peshkov. Caсadas / Canadas , Francisco, translator. Cuentos de Italia. Publicaciones Mundial, Barcelona [193-?] Versión castellana de Francisco Caсadas. 142 p. (Cast.)
  • Gorki, Máximo. Malva . — Buenos Aires : Página 12, . — 93 p. (Cast.)
  • Gorki, Maxim. Teatro completo.— 2. ed. . — Buenos Aires : Quetzal, 1960 . — 5 t. ; retr. (Cast.)
  • Gorki, Maxim. La revolución y la cultura bolchevista . — : C. García, 1920 . — 121 p. (Cast.)
  • Gorki, Alexei Maximovich Peskov, La madre (1902), (hai varies ediciones; aínda nenguna n'asturianu)
  • Gorki, Alexei Maximovich Peskov, Los vagabundos (cuentos), Barcelona, Sopena, 1974. (Cast.)
  • Breve biografía de Maxim Gorky, IMDb.

Enllaces esternos[editar | editar la fonte]