Lev Yashin

De Uiquipedia
Saltar a: navegación, buscar
RR5110-0100R.png

Lev Ivanovich Yashin (n. Moscú, 22 d' ochobre de 1929 - m. Moscú, 20 de marzu de 1990) foi un futbolista soviéticu que xugó como guardameta. Yera conocíu popularmente como «la araña negra».


Carrera[editar | editar la fonte]

Entamó la so carrera nun club de hockei como guardameta, pero a los 14 años tuvo que reemplazar al porteru del equipu de fútbol, dando ellí los sos primeros pasos n'esti deporte. En 1949 ingresó nel Dínamo de Moscú, club nel que desendolcó tola so carrera, ganando 5 Lligues ruses y tres Copes.

Participó cola seleición de so país en tres mundiales: Suecia (1958, cuartos de final), siendo el xugaor más destacáu del so equipu, Chile (1962, cuartos de final), ya Inglaterra (1966, semifinales). Disputó y ganó la primera Copa Europea de Naciones (Eurocopa), en 1960. Representó a la so patria en 78 ocasiones. Foi designáu meyor futbolista européu en 1963. Retiróse a los 42 años.

Ostenta el récord de partidos xugaos na Lliga Soviética, con 326. Nesos 326 partíos que xugó 270 acabó cola porteria a ceru y dizse que torgó 150 penaltis en toa so carrera. En 1963 recibió el "Balón d'Oru", troféu col que se premia al meyor futbolista d'Europa, siendo el primer y únicu porteru fasta el momentu que ganó esti premiu.

Falleció en 1990 en Moscú. Lev Yashin tá consideráu el meyor porteru de tolos tiempos.


Clubs[editar | editar la fonte]

  • FC Dínamo de Moscú 1949-1971