Juan Negrín

De Uiquipedia
Saltar a: navegación, buscar

Juan Negrín López, nacíu en Les Palmes de Gran Canaria'l 3 de febreru de 1889 morrió en París el 12 de payares de 1956. Foi un fisiólogu y políticu español. Catedráticu de Fisioloxía, como eminente investigador nesti ámbitu llegó a ser consideráu precursor de bioquímica. Maestru, ente otros, de los profesores Severo Ochoa (galardáu col premiu Nobel de Fisioloxía y Medicina) y Grande Covián. Foi presidente del Gobernu de la Segunda República Española ente los años 1937-1945.

Trayectoria[editar | editar la fonte]

Nomáu ministru de Facienda en setiembre de 1936 nel gobiernu de Largo Caballero.

Miembru del PSOE, depués de la dimisión de Largo Caballero en mayu de 1937 el presidente de la República, Manuel Azaña nomolu presidente del Gobiernu, cola esperanza de fortalecer el poder central frente a sindicatos y anarquistes, axuntándose cola burguesía y les clases medies, poniendo asina fin al movimientu revolucionariu y creando una economía de guerra. Too esto cola intención d'enlazar el conflictu español cola Segunda Guerra Mundial, que creía inminente, anque la robla del pactu de Múnich fizo escaecer toa esperanza d'ayuda esterior.

Convenció a Azaña pa qu'autorizase l'envíu de parte del tesoru del Bancu d'España a Moscú col fin de poder pagar l'armamentu que la República-y marcó a la Xunión Soviética, qu'esixía el pagu por adelantáu. Esta fonte yera la única alternatival viable ante la negativa de les potencies democrátiques a vender armes a España, amparándose na política del "Pactu de non intervención", del que tamién formaben parte, paradóxicamente, Alemaña e Italia, principales subministradores d'armamentu del bandu subleváu.

Nel planu militar, Negrín llanzó una serie d'ofensives (Brunete, Belchite, Teruel y Ebru).

Cola caída de Cataluña en manes sublevaes, propunxo na reunión de les Cortes en Figueres (Cataluña) la rendición cola so condición de respetu a les vides de los perdedores, pero al nun poder sacar adelante esti oxetivu treslladose en febreru de 1939 a la zona centro cola intención de llograr la evacuación col mesmu ésitu col que se fizo en Cataluña. Poro embargu, la rebelión de Segismundo Casado frustró esti últimu plan.

Presidente del Gobiernu de la República nel exiliu hasta 1945, organizó'l SERE col enfotu d'ayudar a los exiliados

Ver tamién[editar | editar la fonte]

Bibliografía[editar | editar la fonte]

  • Miralles, Ricardo. Prólogu de Paul Preston. Juan Negrín. Ed. Temas de Hoy. Madrid, 2003.

Otros artículos[editar | editar la fonte]

Enllaces esternos[editar | editar la fonte]