Frecuencia

De Uiquipedia
Saltar a: navegación, buscar
1. Exemplos d'ondes de distintes frecuencies; adícase la rellación inversa cola llonxitú d'onda.

Frecuencia, ye una midida pa indicar el númberu de repeticiones de cualesquier fenómenu o sucesu periódicu nuna unidá de tiempu.

Midida[editar | editar la fonte]

Pa calcular la frecuencia d'un socesu, contabilízense un númberu d'ocurrencies d'esti teniendo en cuentes un intervalu temporal, llueu estes repeticiones dixébrense pol tiempu trescurríu.

Según el Sistema Internacional, el resultáu mídise en hercios (Hz), n'honor a Heinrich Rudolf Hertz. Un herciu ye un sucesu o fenómenu repetíu una vegada por segundu, 2 Hz son dos sucesos (períodos) por segundu y asina sucesivamente. Esta unidá denomóse orixinariamente ciclu por segundu (cps) y entá se sigui utilizando. Otres unidaes pa indicar la frecuencia son revoluciones por minutu (rpm) y radianes por segundu (rad/s). Les pulsaciones del corazón o el tempo musical mídense como güelpes por minutu (bpm, del inglés beats per minute).

1 \,\mathrm{Hz} = \frac{1}{\mathrm{s}}

Un métodu alternativu pa calcular la frecuencia ye midir el tiempu ente dos repeticiones (periodu) y llueu calcular la frecuencia (f) recíproca d'esta miente:

f = \frac{1}{T}

au T ye'l periodu de la señal.

Frecuencies d'ondes[editar | editar la fonte]

2. Dos frecuencies, una de ritmu superior a la otra.

La frecuencia tien una rellación inversa col conceutu de llonxitú d'onda (ver gráficu 1 y 2), a mayor frecuencia menor llonxitú d'onda y viceversa. La frecuencia f ye igual a la velocidá v de la onda dixebrada pola llonxitú d'onda λ (lambda):

f = \frac{v}{\lambda}

Nel casu especial d'ondes eleutromagnétiques nel vacíu, tiense que v = c, siendo c la velocidá de la lluz nel vacíu, y poro, tiense que:

f = \frac{c}{\lambda}

Cuando les ondes viaxen d'un mediu a otru, como por exemplu d'aire a agua, la frecuencia de la onda caltiénse constante, camudando namái la so llonxitú d'onda y la velocidá.

Magar que pueda cimblar pol efeutu Doppler, la frecuencia ye una magnitú invariable nel universu. Ye dicir, nun se pue modificar por ningún procesu físicu sacantes pola so velocidá de propagación o llonxitú d'onda.

Cambéu de frecuencia[editar | editar la fonte]

Nes ciencies físiques y en telecomunicación, el términu cambéu de la frecuencia tien los siguientes significaos:

  • Cualesquier cambéu en frecuencia
  • Un cambéu adré de les señales pa diferentes oxetivos


Exemplos[editar | editar la fonte]

Ver tamién[editar | editar la fonte]

Enllaces esternos[editar | editar la fonte]