Espectru electromagnéticu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Diagrama del espectru electromagnéticu, amosando'l tipu, llonxitú d'onda con exemplos, frecuencia y temperatura d'emisión de cuerpu prietu.

Denómase espectru electromagnéticu al conxuntu d'ondes electromagnétiques o, más concretamente, a la radiación electromagnética qu'emite (espectru d'emisión) o absuerbe (espectru d'absorción) una sustancia. Tala radiación sirve pa identificar la sustancia de miente asemeyada a una buelga dactilar. Los espectros pueden adicase y estudiase per aciu d'espectroscopios que, arriendes de permitir allupar l'espectru, dexen facer midides sobro ésti, como la llonxitú d'onda o la frecuencia de la radiación.

Van dende les de menor llonxitú d'onda, como son los rayos cósmicos, los rayos gamma y los rayos X, pasando pela lluz ultraviola, la lluz visible y los rayos infrabermeyos, hasta les ondes electromagnétiques de mayor llonxitú d'onda, como son les ondes de radio. En cualesquier casu, cada una de les categoríes son d'ondes de variación de campu electromagnéticu.

El cuadru siguiente amuesa l'espectru electromagnéticu, con les sos llonxitúes d'onda, frecuencies y enerxíes de fotón:


Llonxitú d'onda (m) Frecuencia (Hz) Enerxía (J)
Rayos gamma < 10 pm >30.0 EHz >19.9E-15 J
Rayos X < 10 nm >30.0 PHz >19.9E-18 J
Ultraviola Estremu < 200 nm >1.5 PHz >993E-21 J
Ultraviola Cercanu < 380 nm >789 THz >523E-21 J
Lluz Visible < 780 nm >384 THz >255E-21 J
Infrabermeyu Cercanu < 2.5 µm >120 THz >79.5E-21 J
Infrabermeyu Mediu < 50 µm >6.00 THz >3.98E-21 J
Infrabermeyu Llonxanu/submilimétricu < 1 mm >300 GHz >199E-24 J
Microondes < 30 cm >1.0 GHz >1.99e-24 J
Ultra Alta Frecuencia Radio <1 m >300 MHz >1.99e-25 J
Muy Alta Frecuencia Radio <10 m >30 MHz >2.05e-26 J
Onda Curtia Radio <180 m >1.7 MHz >1.13e-27 J
Onda Media (AM) Radio <650 m >650 kHz >4.31e-28 J
Onda Llarga Radio <10 km >30 kHz >1.98e-29 J
Mui Baxa Frecuencia Radio >10 km <30 kHz <1.99e-29 J